Lawa a wúlu-bɔlen 8:14 - LAWA A BOO SONBORE

¹⁴ Bɛ kio, ǹ bɛ́ re dii gɔ̀lɔ̀ mɛn biɛ sii baraa sawaa ǹ wúlu màn lɛa, Muizu pɛ, mà ǹ bɛ baã ǹ da nɛ. Aarɔn laanka a nɛgiĩn lɛn nə́ n gɔn dada bɛa dii gɔ̀lɔ̀ lɛ mìi ni.

LAWA A BOO SONBORE 2011

¹⁴ Bɛ kio, ǹ bɛ́ re dii gɔ̀lɔ̀ mɛn biɛ sii baraa sawaa ǹ wúlu màn lɛa, Muizu pɛ, mà ǹ bɛ baã ǹ da nɛ. Aarɔn laanka a nɛgiĩn lɛn nə́ n gɔn dada bɛa dii gɔ̀lɔ̀ lɛ mìi ni.

Lawa a wúlu-bɔlen 8:14 Iomraidhean Croise

Loen 66:15

Man tɔɔ nyɔɔnaan koe n la ka sère gɔ̀lɔ̀n nɛ, man dii gɔ̀lɔ̀n dii n ni ka butumun ni. Tɛ á re ǹ kuĩ *wúlu bɔ ǹ bǎã kɛ nɛ, ǹ tɛmaa dii lon yǎa n li. Doa.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Ezekieli 43:19

Levii tɔrɔ wúlu-bɔlen kɛn Sadɔki tɔrɔn lɛa, ǹ mɛnɛn lɛn bɛ́ n mɔrɛ Dɛnaa Lawa ganaa bɛ̀ ǹ dí nya nɛ, n die n dii gɔ̀lɔ̀ goon kɔ bɛn la, ǹ dɛ sii baraa sawaa ǹ wúlu màn lɛa. Ma din Dɛnaa Lawa a da ǹ boo ne.

Ezekieli 43:20

N die n dii gɔ̀lɔ̀ lɛ mà saa, n lɔ wúlu bɔ ǹ bǎã lɛ a kara sii lɛ ganaa, n lɔ a kìri-diɛ paabaa ǹ wɔ kɛa gùrù sii ganaa, ka màn kɛ dɔ nɛ ǹ nə́ dɔ a lɛgon li, ǹ ná a lɛnpɛnɛ nɛ. A zɛnaa miɛ̃ n *gɔ̀ bɔ wúlu bɔ ǹ bǎã lɛ ganaa, n koa Lawa nɛ.

Ezekieli 44:27

A bɛ́ re we Lawa a kion lɛ a sumu gɔ́ɔ̃ kɛ nɛ ǹ mɛn pinaa mà a n dí nyɛɛ a nɛ, a màn dɛ sii baraa sawaa ǹ wúlu màn lɛa. Ma din Dɛnaa Lawa a da ǹ boo ne.

Lawa a wúlu-bɔlen 1:4

Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 16:6

Aarɔn dii gɔ̀lɔ̀ lɛ dɛ a din a sii baraa sawaa ǹ wúlu màn lɛa, a sii baraa sawaa ǹ wúlu bɔ nɛ, a din laanka a kion minin lɛa.

Lawa a wúlu-bɔlen 4:15

zaman lɛ a min golen nə ǹ gɔn dada a mìi-n walan, min goon tɔn na a bɔlɔ kuru Dɛnaa Lawa yɔrɔ-a.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Minin nimi 8:12

Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.