Lawa a wúlu-bɔlen 8:13 - LAWA A BOO SONBORE

¹³ Bɛ kio, Muizu Aarɔn a nɛgiĩn bíi ǹ nə́ daa. Dɔnkɛ sonboren kɛn nyàn nə́ ǹ ganaa, á bɛn wɔ ǹ-a, á bii yii ǹ màn da ǹ la, á Lawa a wúlu-bɔlen bafolon kɛn wɔ ǹ gogoonmaa mìi-a, ka Dɛnaa Lawa goã á pɛ Muizu-n lɔn.

LAWA A BOO SONBORE 2011

¹³ Bɛ kio, Muizu Aarɔn a nɛgiĩn bíi ǹ nə́ daa. Dɔnkɛ sonboren kɛn nyàn nə́ ǹ ganaa, á bɛn wɔ ǹ-a, á bii yii ǹ màn da ǹ la, á Lawa a wúlu-bɔlen bafolon kɛn wɔ ǹ gogoonmaa mìi-a, ka Dɛnaa Lawa goã á pɛ Muizu-n lɔn.

Lawa a wúlu-bɔlen 8:13 Iomraidhean Croise

Loen 132:9

N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,

Bɔ bɛ̀rɛbaa nɛ 40:13

Ń die n mɔnaa sonboren kɛn wɔ Aarɔn ganaa, n nyɔɔ kaa a mìi ni, n bɔ n koa masɛ wɔ lɛa, a boo la a masɛ a wúlu bɔ.

Bɔ bɛ̀rɛbaa nɛ 40:16

Muizu yoo á dí lɛ nya, á zɛnaa sɔnbɔraanɛ ka Dɛnaa bɛ́ á pɛ-n lɔn.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Ezekieli 42:14

Bɛ̀ wúlu-bɔlen lɛn nə́ wɔ bǎã sonbore kɛ nɛ, bɛ̀ ǹ tá re soe, ǹ mɔnaan mɛnɛn wɔ ǹ nə́ wúlu lɛ bɔ nɛ, ǹ doamaa nɛ ǹ bɛn waa ǹ nə ǹ kaa tán walan. A giala, bɛa mɔnaan lɛn man Lawa a dí nya ǹ wɔn lɛa. Ǹ doamaa nɛ, ǹ mɔnaa kɔsɔn wɔ. Bɛ̀ ǹ nə́ bɛ zɛnaa, bǎã mɛn nə n koa zaman kɛ wɔ lɛa, ǹ tá re boe la ǹ nə n mɔrɔ bɛ-a.»

Lawa a wúlu-bɔlen 10:5

Ǹ nə́ n zɔ̃ ǹ nə́ dɔ, ǹ nə́ ǹ goa, ka ǹ wúlu-bɔlebaa ǹ mɔnaan nɛ ǹ ganaa, ǹ nə́ woo ǹ ne giã ǹ bǎã lɛ kio, ka Muizu bɛ́ á goã á pɛ lɔn.

Lawa a wúlu-bɔlen 8:21

Muizu tɔɔ lɛ a nàn laanka a kèrèn pii, á ná a tumaa tã wúlu bɔ ǹ bǎã kɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa, á n tã a wɔ lɛa, ka a din bɛ́ á goã á pɛ Muizu-n lɔn.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»