Lawa a wúlu-bɔlen 7:9 - LAWA A BOO SONBORE

⁹ Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ.

LAWA A BOO SONBORE 2011

⁹ Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ.

Lawa a wúlu-bɔlen 7:9 Iomraidhean Croise

Kiin2 12:17

Ǹ goã paa mɛn boe sii la ǹ wúlu laanka sii baraa sawaa ǹ wúlu wɔ lɛa, bɛ bie á goã Dɛnaa Lawa a kion wɔ lɛa wa, a na á goã Lawa wúlu-bɔlen wɔ lɛa.

Ezekieli 44:29

Ǹ dinin man die Lawa gɔ ǹ mànan kɛn bii, ǹ sii baraa sawaa ǹ wúlu mànan kɛn siĩ sɔ̃. Bɛ̀ ǹ nə́ màn mɛn koa maa wɔ lɛa yǎa duduu, bɛ á re ǹ wɔ biɛ.

Lawa a wúlu-bɔlen 2:10

Lawa gɔ ǹ màn lɛ a gialakun mɛn goã, bɛ n Aarɔn laanka a minin wɔ lɛa. Bɛ nə ǹ dininsɔɔ̃nɔn wɔ lɛa, a giala, Dɛnaa Lawa wɔ mɛn bɛ́ ǹ nə́ ǹ kɔn tã, a na á bɔ bɛ nɛ.

Lawa a wúlu-bɔlen 5:13

Wúlu-bɔle lɛ doamaa nɛ a sii baraa zɛnaali lɛ a sii baraa sawaa ǹ wúlu bɔ miɛ̃, Lawa dɔ á re a sii baraan toɛ nɛ. Wúlu-bɔle lɛ doamaa nɛ a bɛa wúlu lɛ a sii yɔrɔ bɔ ka a bɛ́ á Lawa gɔ ǹ wɔ kɛ a sii yɔrɔ bɔ lɔn.

Lawa a wúlu-bɔlen 7:10

Lawa gɔ ǹ màn mɛn bɛ́ ǹ nə́ yia ka nyɔɔ nɛ, hinlaa ta a geremaa nɛ, bɛ nə n gii Aarɔn a nɛgiĩn lɛn bii, ǹ tumaa wɔ gii goã goon.

Lawa a wúlu-bɔlen 7:8

Wúlu-bɔle mɛn dɔ bɛ́ min a wúlu màn tiɛ̃, tɔɔ lɛ a ki n doe wúlu-bɔle lɛ ganaa a wɔ lɛa.

Minin nimi 18:9

Màn sonbore sonboren mɛnɛn bɛ́ ǹ ba n tiɛ̃ wa, bɛn bii, kɛ n die doe n ganaa: Izirayeli minin lɛn bɛ́ die masɛ goe ka màn mɛn tumaa nɛ, wùsu kɛ nɛ, sii baraa sawaa ǹ wúlu mànan kɛn nɛ, ka zɛ̀rɛ si ǹ wúlu mànan kɛn nɛ. Bɛa màn sonbore sonboren kɛn lɛn man die doe, n din laanka n tɔrɔn ganaa.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti1 9:7

Die n kun ka sɔraasin ni zia-baali lɛa, a ná a din dɔ a màn-bii boe? Die n dù gɔrɔ dí nyɛɛ, a ná a ba a da nɛ bii wa? Hinlaa, die n tɔɔn lɛduĩ, a ná a ba tɔɔn lɛn nyɔ mii wa?

Galaasi minin 6:6

Ǹ bɛ́ min mɛn darɛɛ Boo Tii Kɔɔ̃n kɛ ganaa, màn mɛn tumaa bɛ́ a gɔn, a doamaa nɛ, a gii kɔn ka a daraali kɛ nɛ.