Lawa a wúlu-bɔlen 7:6 - LAWA A BOO SONBORE

⁶ Giĩ mɛn tumaa bɛ́ Lawa a wúlu-bɔlen kion min lɛa, bɛn tá boe la, ǹ na a siĩ sɔ̃. Sɛnɛ, ǹ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, a giala, Lawa dinsɔɔ̃ a màn nɛ.

LAWA A BOO SONBORE 2011

⁶ Giĩ mɛn tumaa bɛ́ Lawa a wúlu-bɔlen kion min lɛa, bɛn tá boe la, ǹ na a siĩ sɔ̃. Sɛnɛ, ǹ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, a giala, Lawa dinsɔɔ̃ a màn nɛ.

Lawa a wúlu-bɔlen 7:6 Iomraidhean Croise

Ezekieli 42:13

Giĩ lɛ tɔ́n nə n toa ma ganaa: «Kion nɛn mɛnɛn bɛ́ gɔsɛ a lɛ̀gɔn la, ǹ mɛnɛn dɔn bɛ́ gusin a lɛ̀gɔn la, ǹ yɔrɔ n dia nɛ Lawa a kion lɛ la, bɛn man Lawa wɔn lɛa. Sonbore, wúlu-bɔlen mɛnɛn bɛ́ n mɔrɛ Dɛnaa Lawa ganaa, bɛn doamaa nɛ ǹ na a màn sonbore sonboren kɛn bii walan. Màn sonbore sonboren mɛnɛn bɛ́ Lawa wɔn lɛa, a gɔ ǹ màn kɛ nɛ, sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan kɛn nɛ, ǹ doamaa nɛ, ǹ nə ǹ tumaa kaa walan. A giala, bǎã sonbore ne.

Lawa a wúlu-bɔlen 2:3

Lawa gɔ ǹ màn lɛ a gialakun mɛn goã, bɛ n Aarɔn laanka a minin wɔ lɛa. Bɛ nə ǹ dininsɔɔ̃nɔn wɔ lɛa, a giala, Lawa gɔ ǹ wɔ mɛn lɛ bɛ́ ǹ nə́ ǹ kɔn tã, a na á bɔ bɛ nɛ.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 6:11

Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.

Lawa a wúlu-bɔlen 7:5

Bɛ kio, Lawa a wúlu-bɔle bɛa mànan lɛn tã wúlu bɔ ǹ bǎã nɛ. Zɛ̀rɛ si Dɛnaa Lawa la ǹ wúlu màn nɛ, ǹ nə́ tã Dɛnaa Lawa wɔ lɛa.

Azee 2:12

Wúlu-bɔ ǹ siĩ mɛn bɛ́ á n bɔ á n koa Lawa wɔ lɛa, bɛ̀ min bɛ bɔ á da a mɔnaa nɛ, yǎa bɛa mɔnaa kɛ lɛ nə turu buuru ganaa, duvɛ̃ nɛ, nyɔɔ nɛ hinlaa màn-bii tɔrɔ kɔsɔ nɛ bɛa màn kɛ lɛ á n bɔyɛɛ a màn sonbore baa?» Lawa a wúlu-bɔlen lɛn ná a lɛ si mà haayii.

Korɛnti1 10:18

Ka ga Izirayeli nɛnyaanan kɛn ganaa: Ǹ bɛ́ wúlu mɛn boe wúlu bɔ Lawa ganaa ǹ bǎã nɛ, min mɛnɛn bɛ́ bɛa màn kɛ bii, bɛn man kaa-n kun ka Lawa nɛ.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.