Lawa a wúlu-bɔlen 7:26 - LAWA A BOO SONBORE

²⁶ Màn mà tumaa, ta bàan mà nɛ, ta tɔɔ mà nɛ, ta ka n giã-n bǎã mɛn nɛ, ka nyan toa bɛ kɔn a mà wɔ ka lɛ-n wa.

LAWA A BOO SONBORE 2011

²⁶ Màn mà tumaa, ta bàan mà nɛ, ta tɔɔ mà nɛ, ta ka n giã-n bǎã mɛn nɛ, ka nyan toa bɛ kɔn a mà wɔ ka lɛ-n wa.

Lawa a wúlu-bɔlen 7:26 Iomraidhean Croise

Siin Giala 9:4

Sɛnɛ, ka baran siĩ sɔ̃, ka a mà ná a-n wa. A giala, yiikoonaabaa lɛ n mà nɛ.

Bɔ bɛ̀rɛbaa nɛ 22:30

«Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.»

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Lawa a wúlu-bɔlen 19:26

Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Lawa a wúlu-bɔlen 7:25

Bɛ̀ min wúlu bɔ ka tɔɔ mɛn nɛ, á ná a siĩ kɔn tã Dɛnaa Lawa wɔ lɛa, bɛ̀ min mɛn bɛa nyɔɔ wɔ a lɛ-n sɛn, ka bɛa dɛnaa bɔ ka bɔ Izirayeli tɔrɔbaa nɛ.

Lawa a wúlu-bɔlen 7:27

Màn mà woo màn mà, bɛ̀ min mɛn wɔ a lɛ-n, ka bɛa dɛnaa bɔ ka bɔ Izirayeli tɔrɔbaa nɛ.

Zaã a sɛ́wɔ 6:53

Yezu tɔ́n pɛ ǹ nɛ: «Man taãn pii ka nɛ: Bɛ̀ ka bie ka Min a Nɛgiĩ siĩ sɔ̃, ka a mà mi wa, ka a re yiikoonaabaa yii wa.

Nya ǹ dín 15:20

Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Timəə dí-pɛn 12:16

Sɛnɛ, ka nyan màn mà sɔ̃ wa. Ka die ka bɛ kaa tán ka mu bɛ́ lɔn.

Timəə dí-pɛn 12:23

Sɛnɛ, ka n doa taãn-taãnɛ, ka nyan toa ka màn mà sɔ̃ wa. A giala, yiikoonaabaa lɛ n mà nɛ. Bɛ lɛ nɛ, ka baran siĩ sɔ̃ ka a mà na a-n wa.

Timəə dí-pɛn 15:23

Sɛnɛ, ka nyan tɔɔ mà sɔ̃ wa. Ka kaa tán, ka ǹ bɛ́ mu kiɛ tán lɔn.

Timote1 4:4

A giala, Lawa màn mɛn tumaa zɛnaa, a tumaa á siĩni, ǹ kɔ́n ba daa ǹ màn lɛa wa. Sɛnɛ, yǎa wɔ barka diɛ Lawa nɛ wɔ tɔn bii.