Lawa a wúlu-bɔlen 7:2 - LAWA A BOO SONBORE

² Ǹ bɛ́ *wúlu màn tiɛ̃ kɛ a tɔɔ dii bǎã mɛn nɛ, ǹ doamaa nɛ, ǹ zɛ̀rɛ si Lawa la ǹ wɔ lɛ dɔ a tɔɔ dɛ walan, ǹ na a mà pɛpɛsɛ̃ *wúlu bɔ ǹ bǎã lɛ wàãn tumaa ganaa.

LAWA A BOO SONBORE 2011

² Ǹ bɛ́ *wúlu màn tiɛ̃ kɛ a tɔɔ dii bǎã mɛn nɛ, ǹ doamaa nɛ, ǹ zɛ̀rɛ si Lawa la ǹ wɔ lɛ dɔ a tɔɔ dɛ walan, ǹ na a mà pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 7:2 Iomraidhean Croise

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 40:39

Tabalan nə́ goã tán wɔ ǹ kiɛnlɛ lɛ a dàã li. Màn paa na á goã gusin, màn paa na á goã gɔsɛ. Maǹ nə́ goã wúlu màn tiɛ̃ kɛ a tɔɔn dii bɛn la, sii baraa sawaa ǹ wúlu mànan nɛ, ka zɛ̀rɛ si Lawa la ǹ wɔn nɛ.

Lawa a wúlu-bɔlen 1:11

A bɛ dɛ wúlu bɔ ǹ bǎã lɛ genli, a gɔsɛ a lɛ̀gɔn la. Bɛ kio, Aarɔn a nɛgiĩn Lawa a wúlu-bɔlen kɛn na a mà si ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 1:5

A die a bɛa tɔɔ lɛ dɛ kɔn yɛ ka Lawa nɛ ǹ kion lɛ yɔrɔ-a. Aarɔn a nɛgiĩn, Lawa a wúlu-bɔlen kɛn, bɛn min goon die a da ka tɔɔ lɛ mà nɛ, a bɛa mà lɛ pɛpɛsɛ̃ *wúlu bɔ ǹ bǎã kɛ wàãn ganaa, ǹ nə ǹ mɛn lɛ dɔ kɔn yɛ ǹ kion lɛ a kiɛnlɛ-a.

Lawa a wúlu-bɔlen 14:13

a tɔn na a bɔlɔ kuru Lawa a bǎã kɛ nɛ, ǹ nə ǹ mɛn lɛ koa sii baraa sawaa ǹ wúlu màn laanka wúlu màn tã ǹ bǎã lɛa. Zɛ̀rɛ si Lawa la ǹ wúlu màn laanka sii baraa sawaa ǹ wúlu màn kɛ a sii n goon: A siĩ n doe Lawa a wúlu-bɔle ganaa. A giala, Lawa wɔ nɛ.

Lawa a wúlu-bɔlen 3:2

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:8

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 4:24

A n gɔn da butumu lɛ mìi ni, a tɔn na a bɔlɔ kuru wúlu màn tiɛ̃ kɛa tɔɔ dɛ ǹ bǎã nɛ, Dɛnaa Lawa yɔrɔ-a. Sii baraa sawaa ǹ wúlu màn nɛ.

Lawa a wúlu-bɔlen 4:29

A n gɔn da bɛa tɔɔ lɛ mìi ni, a tɔn na a bɔlɔ kuru wúlu màn tiɛ̃ kɛ a tɔɔn dɛ ǹ bǎã nɛ.

Lawa a wúlu-bɔlen 4:33

A n gɔn da bɛa tɔɔ lɛ mìi ni, a tɔn na a bɔlɔ kuru a sii baraa a lɛa, wúlu màn tiɛ̃ kɛ a tɔɔn dɛ ǹ bǎã nɛ.

Lawa a wúlu-bɔlen 5:16

A màn mɛn saa Lawa a kion lɛ nɛ, a doamaa nɛ a bɛ saraa, a wusoo a na a talakɔn sooro goon ti a ganaa, a kɔ Lawa a wúlu-bɔle la. Bɛ̀ Lawa a wúlu-bɔle lɛ ná a zɛ̀rɛ si Lawa la ǹ wúlu bɔ ka bɛa sère gɔ̀lɔ̀ lɛ nɛ, Lawa á die a sii baraa toɛ nɛ.

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Lawa a wúlu-bɔlen 5:9

A wúlu màn lɛ a mà kɔn pɛsɛ̃ *wúlu bɔ ǹ bǎã lɛ wàãn ganaa, a na a mà gialakun kɛ kaa tán wúlu bɔ ǹ bǎã lɛ genli. Sii baraa sawaa ǹ wúlu màn nɛ.

Lawa a wúlu-bɔlen 6:7

Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la.

Minin nimi 6:12

A wusoo doo a na a din-kɔ Dɛnaa Lawa la ǹ biikoo lɛ kɔ Dɛnaa Lawa la. A da ka lɛ̀ goon sère nɛ nɛ, zɛ̀rɛ si ǹ wúlu màn lɛa. A biikoo mɛn zɛnaa lɛlɛ din-kɔ lɛ gɔ́ɔ̃ nɛ, bɛ ba a-n wa, a giala a ná a n din-kɔ Lawa la lɛ ziziɛ̃.

Ebrəə 11:28

Golee Lawa li na á toa, á *kiɛ̃mala ǹ zɔ́n kɛ a zɛnaa giala kɔ. Á pɛ mà ǹ mà pɛpɛsɛ̃ kiɛnlɛn ganaa, màn mɛn bɛ́ toɛ, Lawa a bɔ̀n-dali kɛ baran n gɔn da Izirayeli minin nɛgiĩ bibinaa kɔ́n ganaa wa.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.