Lawa a wúlu-bɔlen 7:18 - LAWA A BOO SONBORE

¹⁸ A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.

LAWA A BOO SONBORE 2011

¹⁸ A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.

Lawa a wúlu-bɔlen 7:18 Iomraidhean Croise

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Izayii 65:4

Maǹ giɛ̃ tán gere yalan nɛ, ǹ nə́ giɛ̃ kele yalan nɛ. Maǹ birii siĩ soɛ̃. Ǹ bǎãn piɛ̃maa nɛ ka màn gɔ̀dɛnan nɛ.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Ezekieli 18:20

Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Lawa a wúlu-bɔlen 10:17

Butumu kɛ lɛ bɛ́ na á n kɔ Lawa wɔ lɛa, wàa na á baa ka a siĩ sɔ̃ Lawa a bǎã sonbore kɛ-n wa? A giala, Lawa wɔ nɛ. Dɛnaa Lawa din na á kɔ ka la, mà ka zaman lɛ a sii baraa sawaa ǹ wúlu bɔ nɛ, Dɛnaa Lawa yɔrɔ-a, ka ǹ sii baraa saa ka bɔ ǹ mìi ni.

Lawa a wúlu-bɔlen 10:19

Aarɔn tɔ́n pɛ Muizu ni: Ga! Ǹ bɛ́ ǹ nə́ daa ǹ sii baraa sawaa ǹ wúlu màn laanka ǹ wúlu màn tiɛ̃ kɔ Lawa la ǹ mɛn pinaa, sii mɛn masɛ yɛ, n din tá a siére-a. Bɛ̀ man má wusoo doo má sii baraa sawaa ǹ wúlu màn kɛ a siĩ sɔ̃ pelo, bɛ̀ á die kɔɔ̃n koe Dɛnaa Lawa ganaa?

Lawa a wúlu-bɔlen 11:41

Màn baaran mɛn tumaa bɛ́ tɔ we tán la, ka nyan toa ka bɛn wɔ ka lɛ-n wa. Ka baran bɛn sɔ̃ wa.

Lawa a wúlu-bɔlen 17:16

Bɛ̀ ǹ dɛnaa na a mɔnaan pii á n zoo wa, ǹ dɛnaa a sii baraa na a din mìi ni.

Lawa a wúlu-bɔlen 19:5

Bɛ̀ ka tá barka da ǹ wúlu boe Dɛnaa Lawa wɔ lɛa, a n zɛnaa a yɔrɔ li, màn mɛn bɛ́ toɛ Dɛnaa Lawa lɛ kɔ a ganaa.

Lawa a wúlu-bɔlen 20:17

Bɛ̀ giĩ nə́ ǹ miãnɛn saa lɔ lɛa, ta ǹ dinɛ nɛ, ta ǹ dannɛ nɛ, bɛ̀ ǹ nə́ kɔn dɔ̃, sìi gole ne. Ǹ na a dɔlɔ bɔ ǹ ganaa, ǹ tɔrɔ minin lɛn tumaa yii ni. Giĩ lɛ bɛ́ na á giã kun ka ǹ miãnɛn nɛ, a din tá re n toɛ̃ ka a sii baraa a guĩ ni.

Lawa a wúlu-bɔlen 20:19

Giĩ kɔn baran toa a giã kun ka ǹ dan nə ǹ dɔɔ̃nlɔ-n wa, hinlaa ka ǹ dɛlan nɛ wa. A giala, bɛ̀ giĩ mɛn bɛ zɛnaa, ǹ dɛnaa na á giã kun ka a din tɔrɔ nɛ. A din laanka lɔ lɛ nɛ, ǹ dinin paanan tá re n toɛ̃ ka ǹ sii baraa a guĩ ni.

Lawa a wúlu-bɔlen 22:16

Bɛ̀ ǹ nə́ wúlu màn sonboren lɛn bii, a da yaa gɔ̀ nə́ ǹ dininmaan ganaa, maǹ die zɛ̀rɛ siɛ ǹ kɔ Izirayeli minin lɛn la, yǎa bɛn nə màn boe, ǹ nə n zɛ̀rɛ sii Lawa la nɛ. A giala, masɛ Dɛnaa Lawa din ni má wúlu-bɔlen lɛn bɔ, má ǹ koa maa dí mìi la.

Lawa a wúlu-bɔlen 22:23

Dii ni, sère ne ka bòe ne, ta ǹ mɛn paǹ mɛn na a siĩn wa, hinlaa a gùn man nə́ nyaabaa kɔn ganaa, min tá boe la, a foo kɔɔ̃nbaa ǹ wúlu bɔ nɛ. Sɛnɛ, bɛ̀ lɛ kɔ Lawa la ǹ wúlu màn nɛ, Lawa a lɛ koe a ganaa wa.

Lawa a wúlu-bɔlen 22:25

Ka baran bɛa tɔɔn kɛn lɛn miã pii tii lon, mà ka n koe masɛ Lawa la wúlu màn lɛa wa. Bɛa tɔɔn lɛn paǹ mɛn nə n kuru, bɛ lɛ n wɔ̀lɔ̀ lɛa ǹ ganaa. Bɛ lɛ na á toa, ma a re lɛ koe ǹ ganaa wa.

Lawa a wúlu-bɔlen 5:17

Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni.

Lawa a wúlu-bɔlen 7:19

*Gɔ̀ bɛ́ màn mɛn ganaa, bɛ̀ siĩ lɛ nə́ n lɔ bɛ ganaa, ǹ doamaa bie ǹ sɔ̃ doo wa. Sɛnɛ, ǹ doamaa nɛ, ǹ da tɛ-n ǹ tã lenlen. Yǎa ǹ goɛ̃ yoreene landa wɔ paǹ li, ǹ tɔn wúlu bɔ ǹ siĩ lɛ soɛ̃.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Malakii 1:13

Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

Minin nimi 18:27

Bɛ lɛ n die goɛ̃ ka dɔn màn bɔ lɛa, goon ka ka miãn bɛ́ ǹ mɛn boe ǹ tán-kɔsiɛ mànan laanka ǹ duvɛ̃ dii ni, ǹ nə́ koe masɛ la.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.