Lawa a wúlu-bɔlen 7:12 - LAWA A BOO SONBORE

¹² Bɛ̀ barka da Lawa nɛ ǹ wúlu ni ǹ tá boe, ka buuru da ka nyɔɔ nɛ, yɔ bù ná a ba li wa, ka mɔ̀mɔ dɔ zɛnaa yɔ bù ná a ba li wa, sɛnɛ, ka nyɔɔ kaa a ganaa a bɔ, ka *wùsu sonbore dɔ yia, ka paparɛ nyɔɔ li.

LAWA A BOO SONBORE 2011

¹² Bɛ̀ barka da Lawa nɛ ǹ wúlu ni ǹ tá boe, ka buuru da ka nyɔɔ nɛ, yɔ bù ná a ba li wa, ka mɔ̀mɔ dɔ zɛnaa yɔ bù ná a ba li wa, sɛnɛ, ka nyɔɔ kaa a ganaa a bɔ, ka *wùsu sonbore dɔ yia, ka paparɛ nyɔɔ li.

Lawa a wúlu-bɔlen 7:12 Iomraidhean Croise

KZS2 29:31

Ezekiasi wusoo á boo saa á pɛ zaman lɛ nɛ: «Kanna kəni, kasɛn mɛnɛn gɔn bɛ́ piɛ̃-n ka wúlu màn nɛ Dɛnaa Lawa wɔ lɛa, ka wo Lawa a kion, ka wúlu màn tiɛ̃n nɛ, ka Lawa gɔ ǹ mànan nɛ ka Lawa tɔ bɔ nɛ.» Minin man die ka tɔɔn nɛ bɛa wúlun kɛn lɛn lɛa ka Lawa gɔ ǹ mànan nɛ. Min mɛnɛn gɔn bɛ́ siɛ, bɛn man wúlu màn tiɛ̃ koe.

KZS2 33:16

Á wusoo á wúlu bɔ ǹ bǎã dɔ Dɛnaa Lawa wɔ lɛa. Á barka da Lawa nɛ ǹ wúlu mànan kɔ walan ka Lawa tɔ bɔ ǹ wúlu mànan nɛ, á n pii Zudaa minin manɛ mà ǹ Dɛnaa Lawa, Izirayeli a Lawa guguru kɔ.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Loen 107:8

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 116:17

Ma á die maa barka da ǹ *wúlu màn koe n la, Dɛnaa Lawa, man die n din nyankoe.

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Lawa a wúlu-bɔlen 2:4

Bɛ̀ min mɛn tá die ka Lawa gɔ ǹ màn nɛ, bɛ̀ a doamaa nɛ a n tã kùsi ni, ǹ dɛnaa doamaa nɛ, a nyɔɔ kaa wùsu sonbore li a yaa, a da, sɛnɛ, a baran yɔ bù kaa li wa. Hinlaa a baa mɔ̀mɔ lɛa, a toa nyɔɔ bɔ sɔnbɔraanɛ, sɛnɛ, yɔ bù ná a ba li wa.

Lawa a wúlu-bɔlen 2:5

Bɛ̀ Lawa gɔ ǹ màn nɛ, ǹ nə́ die tiɛ̃ màn tã ǹ fɔlɔ kɛ la, yǎa a goɛ̃ wùsu sonbore diɛ lɛ a nyɔɔ n li, sɛnɛ, yɔ bù ná a ba li wa.

Lawa a wúlu-bɔlen 22:29

Bɛ̀ ka tá barka da ǹ wúlu màn dii masɛ Dɛnaa Lawa wɔ lɛa, ka zɛnaa doɛ̃, màn mɛn bɛ́ toɛ, ma lɛ kɔ a ganaa:

Lawa a wúlu-bɔlen 6:16

A giala, Lawa a wúlu-bɔle a wúlu màn tumu doamaa nɛ, a n tã lenlen. Ka doamaa bie ka màn kɔn bii a-n wa.

Lawa a wúlu-bɔlen 7:15

Ǹ barka da Lawa nɛ ka tɔɔ màn mɛn lɛ nɛ, a siĩ nə n soɛ̃ a din pinaa. Ǹ doamaa bie ǹ na a pàn kɔn koa, lɛ̀ wo waa a ganaa wa.

Amɔɔsi 4:5

Izirayeli minin lɛn, ka kaa yɔ bù buurun lɛn tã, ka kaa Lawa gɔ ǹ mànan lɛn boo da, ka lɛn gole ne, a giala, bɛ lɛ n kɔɔ̃n ka ganaa. Dɛnaa Lawa a da ǹ boo ne.

Minin nimi 6:15

Yɔ bùbaã buuru mɛn bɛ́ ǹ nə́ da ka *wùsu sonbore ne, a da ka bɛa kankaan yii goon ne, ka wùsu sonbore kiɔmɔsɔ̃ mɛn bɛ́ ǹ ná a wùsu yia ka nyɔɔ nɛ, ka yɔ bùbaã mɔ̀mɔ mɛn bɛ́ ǹ nə́ nyɔɔ kaa a ganaa, ka Lawa gɔ ǹ wùsu kɛ laanka duvɛ̃ kɛ nɛ bɛ̀ ǹ ti wúlu mànan ganaa.

Luku 17:16

Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa.

Luku 17:18

Mà ǹ kɔ́n nə n taasɛ á wusoo á daa barka da Lawa-n wa, yǎa bɛa tii kɛ lɛ.

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Efɛɛzi minin 5:20

Ka barka da Díi Lawa nɛ, biikoo tumaa li, sii din tumaa a lɛa, ka wɔa Dɛnaa Yezu Krita tɔ nɛ.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.