Lawa a wúlu-bɔlen 7:1 - LAWA A BOO SONBORE

¹ Zɛ̀rɛ si Lawa la ǹ wúlu lɛ a bɔ ǹ gɔn nə́ ke: Dɛnaa Lawa dinsɔɔ̃ a màn nɛ.

LAWA A BOO SONBORE 2011

¹ Zɛ̀rɛ si Lawa la ǹ wúlu lɛ a bɔ ǹ gɔn nə́ ke: Dɛnaa Lawa dinsɔɔ̃ a màn nɛ.

Lawa a wúlu-bɔlen 7:1 Iomraidhean Croise

KZS2 31:14

Imunaa a nɛgiĩ Koree ke Levii tɔrɔ lɛa, bɛ n lɛ̀ giala kiɛnlɛ kɛa lɛduə̃li lɛa. Foo sii mànan kɛn ǹ tá ǹ koe Dɛnaa Lawa la, a din ni bɛn mìi la. Ǹ mànan mɛnɛn kɔ Dɛnaa Lawa wɔ lɛa, ka màn sonboren kɛn nɛ, a din nə bɛn gii.

Ezekieli 40:39

Tabalan nə́ goã tán wɔ ǹ kiɛnlɛ lɛ a dàã li. Màn paa na á goã gusin, màn paa na á goã gɔsɛ. Maǹ nə́ goã wúlu màn tiɛ̃ kɛ a tɔɔn dii bɛn la, sii baraa sawaa ǹ wúlu mànan nɛ, ka zɛ̀rɛ si Lawa la ǹ wɔn nɛ.

Ezekieli 44:29

Ǹ dinin man die Lawa gɔ ǹ mànan kɛn bii, ǹ sii baraa sawaa ǹ wúlu mànan kɛn siĩ sɔ̃. Bɛ̀ ǹ nə́ màn mɛn koa maa wɔ lɛa yǎa duduu, bɛ á re ǹ wɔ biɛ.

Ezekieli 46:20

Á tɔ́n pɛ ma nɛ: «Ǹ bɛ́ re sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan mɛnɛn dii, wúlu-bɔlen lɛn doamaa nɛ, ǹ nə ǹ kɔrɛ kanaa, ǹ Lawa gɔ ǹ mànan kɛn dɔn tã. Ǹ zɛnaa miɛ̃ màn mɛn bɛ́ toɛ ǹ baran wo ka màn kɔn nɛ sɔmɔ gɔ́ɔ̃ kɛ nɛ, ǹ sii saa ǹ kaa zaman lɛ ganaa wa.»

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 5:11

Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ.

Lawa a wúlu-bɔlen 5:14

Dɛnaa Lawa wusoo á boo da ka Muizu ni, á pɛ nɛ:

Lawa a wúlu-bɔlen 5:15

Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa.

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Lawa a wúlu-bɔlen 5:8

A wo ǹ kɔ wúlu-bɔle lɛ la. Ǹ mɛn bɛ́ sii baraa sawaa ǹ wúlu màn lɛa, wúlu-bɔle lɛ bɛ bɔ bɔrɔ, a na a wìi yiɛ, sɛnɛ, a baran a mìi na a bɔ a ganaa wa.

Lawa a wúlu-bɔlen 6:17

Dɛnaa Lawa wusoo á boo da ka Muizu ni á pɛ nɛ:

Minin nimi 6:12

A wusoo doo a na a din-kɔ Dɛnaa Lawa la ǹ biikoo lɛ kɔ Dɛnaa Lawa la. A da ka lɛ̀ goon sère nɛ nɛ, zɛ̀rɛ si ǹ wúlu màn lɛa. A biikoo mɛn zɛnaa lɛlɛ din-kɔ lɛ gɔ́ɔ̃ nɛ, bɛ ba a-n wa, a giala a ná a n din-kɔ Lawa la lɛ ziziɛ̃.