Lawa a wúlu-bɔlen 6:5 - LAWA A BOO SONBORE

⁵ Tɛ mɛn sɛ á ke wúlu bɔ ǹ bǎã lɛ lalan, bɛ doamaa nɛ a goã kuĩ miɛ̃, a na a nimi wa. Baraabaraa baayɛlɛ, wúlu-bɔle lɛ wusoo bɛ̀ a gɔn kaa a nɛ, a wúlu màn tiɛ̃ lɛ da bɛ lalan. Barka da Lawa nɛ ǹ wúlu mànan kɛn nyɔɔ ke, a bɛ tã a lalan.

LAWA A BOO SONBORE 2011

⁵ Tɛ mɛn sɛ á ke wúlu bɔ ǹ bǎã lɛ lalan, bɛ doamaa nɛ a goã kuĩ miɛ̃, a na a nimi wa. Baraabaraa baayɛlɛ, wúlu-bɔle lɛ wusoo bɛ̀ a gɔn kaa a nɛ, a wúlu màn tiɛ̃ lɛ da bɛ lalan. Barka da Lawa nɛ ǹ wúlu mànan kɛn nyɔɔ ke, a bɛ tã a lalan.

Lawa a wúlu-bɔlen 6:5 Iomraidhean Croise

Samayeli2 12:6

A doamaa nɛ a sère luun lɛ dɔ miã màn sii saraa, sii kɛ lɛ a zɛnaa taman yii ka a din a makara-doɛ̃baã taman yii.»

Nehemii 10:35

Màn mɛn bɛ́ kiɛ̃ nɛ landa sɛ́wɔ kɛ nɛ, a kɔnpɛ ka bɛ nɛ, biikoon man nə́ n koa. Lɛ̀ tunaa nɛ bɛa biikoon lɛn li, gɔn doamaa nɛ a da wɔa Lawa a kion, wɔa sumun lɛ yii li, Lawa gɔ ǹ màn lɛa, màn mɛn bɛ́ toɛ ǹ tɛ koa nɛ wɔa Lawa, Dɛnaa Lawa a *wúlu bɔ ǹ bǎã kɛ la. Lawa a wúlu-bɔlen ne, Levii tɔrɔn nɛ ka zaman lɛ nɛ, wɔ́ n pã bɛa wúlu màn tã ǹ gɔn kɛ lɛ a sii ganaa.

Bɔ bɛ̀rɛbaa nɛ 22:1

«Bɛ̀ ǹ nə́ wurumu dɛ tèlò-n wurumubaa ǹ bǎã nɛ, á gã, a gɛ̀-dòo bɔ banban.

Bɔ bɛ̀rɛbaa nɛ 22:4

«Bɛ̀ min woo a tɔɔn lɛduə̃, á toa ǹ nə́ ǹ miã kɔsɔ a wuru màn sɔ̃, tɔɔdɛnaa lɛ doamaa nɛ, a ǹ miã lɛ a wuru màn lɛ saraa ka a din a wuru sonbore màn nɛ.

Bɔ bɛ̀rɛbaa nɛ 22:7

Bɛ̀ ǹ wurumu lɛ yɛ wa, kiondɛnaa lɛ doamaa nɛ, a Lawa baa siére lɛa, a n liɛ mà asɛ nə ǹ miã kɔsɔ a màn lɛ saa wa.

Bɔ bɛ̀rɛbaa nɛ 22:9

«Bɛ̀ min dundun koa ǹ miã kɔsɔ li, hinlaa dii, sère, hinlaa tɔɔ tɔrɔ kɔsɔ, bɛ̀ tɔɔ lɛ gã, hinlaa bɛ̀ á busu da a din ganaa, hinlaa bɛ̀ mɛnaa minin la wolen nə́ kũ, siére ná a yɛ á sii la wa,

Bɔ bɛ̀rɛbaa nɛ 30:7

Aarɔn die a màn gìĩ kɔɔ̃n kɛ tã bɛ la. Baayɛlɛ, baayɛlɛ, bɛ̀ á daa bolonən lɛn zɛnaa, a bɛa màn lɛ tã.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Ezekieli 33:15

A giɔ̀mɔ lɛ koa ǹ màn mɛn si minin la, bɛ̀ á bɛ kɔ ǹ la, a màn mɛn koã, bɛ̀ á wusoo á bɛ kɔ ǹ dɛnaa la, á n nyɛnaa sii baraa zɛnaa nɛ, bɛ̀ á kɔ dí-pɛn kɛn lɛ yiikoonaabaa koe min la, bɛ̀ á zɛnaa miɛ̃, sàabaa ba la wa, a yii á re goɛ̃ koo, a re giɛ̃ wa.

Lawa a wúlu-bɔlen 5:16

A màn mɛn saa Lawa a kion lɛ nɛ, a doamaa nɛ a bɛ saraa, a wusoo a na a talakɔn sooro goon ti a ganaa, a kɔ Lawa a wúlu-bɔle la. Bɛ̀ Lawa a wúlu-bɔle lɛ ná a zɛ̀rɛ si Lawa la ǹ wúlu bɔ ka bɛa sère gɔ̀lɔ̀ lɛ nɛ, Lawa á die a sii baraa toɛ nɛ.

Luku 19:8

Zaase golee Dɛnaa lɛ yɔrɔ-a, á pɛ nɛ: «Mìinaa, á ke, man die ma gɔn màn a talɛɛ koe doobaan la. Masɛ min mɛnɛn bebele lɛlɛ má wɔrɔ si ǹ la, man die didie wɔ doo koe la yǎa gunyin sii.»

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»