Lawa a wúlu-bɔlen 6:3 - LAWA A BOO SONBORE

³ Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli.

LAWA A BOO SONBORE 2011

³ Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli.

Lawa a wúlu-bɔlen 6:3 Iomraidhean Croise

Bɔ bɛ̀rɛbaa nɛ 23:4

«Bɛ̀ ka kaa kaa zɔ́ɔ a dii lɛ, á papaã, hinlaa a dundun ni, ka kũ ka wo kɔ la.

Bɔ bɛ̀rɛbaa nɛ 28:42

Bɛ̀rɛ̀n zɛnaa ka mɔnaa guguru sonbore ne, a saa ǹ bɔsɔ̃ ganaa, a wo ǹ gìsin yaa. Ǹ zɛnaa, n nə ǹ sìi duru ni.

Suusun 24:28

N nyan nə n miã zɛ̀rɛ baa mìi na a ba la wa. Soɛ bɔ sii ni n ganaa?

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ezekieli 44:19

Bɛ̀ ǹ nə́ nya ǹ nə́ soe die zaman lɛ li sɔmɔ gɔ́ɔ̃ nɛ, ǹ dí nya ka mɔnaan mɛnɛn lɛn nɛ, ǹ bɛn waa ǹ nə ǹ kaa tán kion nɛn lɛn gɔ́ɔ̃ nɛ, ǹ dɔnkɛn kɔsɔn goa, ǹ nə ǹ wɔ. Ǹ zɛnaa miɛ̃ màn mɛn bɛ́ toɛ ǹ baran sii saa ǹ zaman lɛ gɔ nɛ, ka ǹ wɔ ǹ mɔnaan kɛn nɛ wa.

Lawa a wúlu-bɔlen 1:16

Ǹ na a pànzɔɔ bɔ, ǹ bɛ zũ ton kaa ǹ bǎã kɛ nɛ, wúlu bɔ ǹ bǎã lɛ a lɛ̀giala gɔn la.

Lawa a wúlu-bɔlen 16:4

Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.

Lawa a wúlu-bɔlen 19:12

Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.

Zakarii 5:4

Dɛnaa Lawa Pàãyiidɛnaa a da ǹ boo á ke: «Man má bɛa lɛn baraa kɛ bíi máa a wɔ wurumunun kion ka min mɛn tumaa bɛ́ n liɛ soɛ la ka masɛ tɔ nɛ. A n die goɛ̃ a tan, a màn tumaa ziziɛ̃, haalɛ kion a mɛnɛn dinin ka a kɔlɔn nɛ.»

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.