Lawa a wúlu-bɔlen 6:10 - LAWA A BOO SONBORE

¹⁰ A ba n zɛnɛɛ ka yɔ bù n li wa. Ǹ wɔ gii n ka bɛ lɛ nɛ, masɛ á koe ǹ la. A n boe wúlu mànan kɛn nɛ, bɛ̀ ǹ nə ǹ tã masɛ Dɛnaa Lawa wɔn lɛa. Bɛ na a gɔrɔn masɛ Dɛnaa Lawa wɔ lɛa, goon ka màn mɛn bɛ́ boe sii baraa sawaa ǹ wúlu màn hinlaa zɛ̀rɛ si ǹ wɔ kɛ nɛ, bɛ̀ a dɔ ǹ ganaa.

LAWA A BOO SONBORE 2011

¹⁰ A ba n zɛnɛɛ ka yɔ bù n li wa. Ǹ wɔ gii n ka bɛ lɛ nɛ, masɛ á koe ǹ la. A n boe wúlu mànan kɛn nɛ, bɛ̀ ǹ nə ǹ tã masɛ Dɛnaa Lawa wɔn lɛa. Bɛ na a gɔrɔn masɛ Dɛnaa Lawa wɔ lɛa, goon ka màn mɛn bɛ́ boe sii baraa sawaa ǹ wúlu màn hinlaa zɛ̀rɛ si ǹ wɔ kɛ nɛ, bɛ̀ a dɔ ǹ ganaa.

Lawa a wúlu-bɔlen 6:10 Iomraidhean Croise

Loen 20:3

A die a n toa a din a kion sonbore kɛ nɛ, a dɔmalɛ dia n la. A die a n toa *Siɔn kele la, a n dɔ n lɛ.

Loen 37:20

Min baraan tá re bɔ̀n biɛ. Dɛnaa Lawa a zɔ́ɔn kɛn, ǹ bɛ́ ka don a da buũn manɛ, ǹ tá re woe, ǹ papaã ka tɛmaa nɛ.

Ezekieli 44:19

Bɛ̀ ǹ nə́ nya ǹ nə́ soe die zaman lɛ li sɔmɔ gɔ́ɔ̃ nɛ, ǹ dí nya ka mɔnaan mɛnɛn lɛn nɛ, ǹ bɛn waa ǹ nə ǹ kaa tán kion nɛn lɛn gɔ́ɔ̃ nɛ, ǹ dɔnkɛn kɔsɔn goa, ǹ nə ǹ wɔ. Ǹ zɛnaa miɛ̃ màn mɛn bɛ́ toɛ ǹ baran sii saa ǹ zaman lɛ gɔ nɛ, ka ǹ wɔ ǹ mɔnaan kɛn nɛ wa.

Lawa a wúlu-bɔlen 1:13

Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:9

Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 16:4

Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.

Lawa a wúlu-bɔlen 2:11

Màn mɛn tumaa bɛ́ ǹ nə́ die Dɛnaa Lawa goe ne, ǹ baran ǹ kɔn zɛnaa ka yɔ bù n li wa. Màn woo màn ǹ nə́ die tiɛ̃ Dɛnaa Lawa gɔ ǹ màn lɛ a dinin, ǹ nyan toa ǹ yɔ bù hinlaa zoo nyɔɔ kaa bɛ li duduu, ǹ tɔn zɛnaa wa.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 6:11

Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.

Lawa a wúlu-bɔlen 6:18

A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ.

Lawa a wúlu-bɔlen 6:22

Wúlu-bɔlen lɛn kion minin mɛnɛn bɛ́ giĩn lɛa, bɛn dininsɔɔ̃nɔn man boe la, ǹ bɛa siĩ lɛ sɔ̃. A giala, bɛ na a gɔrɔn masɛ Dɛnaa Lawa wɔ lɛa.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Minin nimi 16:21

«Ka n na ka n bɔ bɛa minin kɛn lɛn ganaa. Masɛ n die ǹ bɔ̀n biɛ a din bǎã nɛ.»

Minin nimi 16:35

Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 19:8

Ǹ nə́ lɛ kɔ la mà a mɔnaa yii nɔnɔɔ tɛ-pɛle wɔ, *gɔ̀ ná a ba a wa.» Bɛa mɔnaa lɛ n Lawa a min sonboren nya ǹ dí a yoreenbaa giala pii.

Sii-nyaan 7:13

Min golen lɛn goon tɔ́n boo saa á nɔ̀n da ma la: «Minin kɛn dɔnkɛ fufun ni ǹ ganaa dien manɛ? Maǹ boe maa?»