Lawa a wúlu-bɔlen 5:2 - LAWA A BOO SONBORE

² Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.

LAWA A BOO SONBORE 2011

² Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.

Lawa a wúlu-bɔlen 5:2 Iomraidhean Croise

Loen 19:12

Man nə n gɔn wɛɛ ma dinmaa lɛ nɛ, Dɛnaa Lawa, masɛ mɛn bɛ́ n dí-nyali lɛa, n foo siin lɛn kɔmalɛ n là gole lɛa.

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Lawa a wúlu-bɔlen 11:11

Ka baran toa ka bɛn wɔ ka lɛ-n wa. Ka doamaa bie ka ǹ siĩ sɔ̃ wa, ka nyan toa min dɔ din gɔn mɛ ǹ gere-a wa.

Lawa a wúlu-bɔlen 11:8

Ka doamaa bie ka bɛa mànan kɛn lɛn siĩ sɔ̃ wa. Ka ga ǹ ganaa màn gɔgɔrɛn lɛa.

Lawa a wúlu-bɔlen 4:13

Bɛ̀ Izirayeli zaman lɛ tumaa na á sã á sii baraa zɛnaa, Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, bɛ̀ ǹ nə́ bɛa goon dinsɔɔ̃ zɛnaa, haalɛ ta ǹ dɔ̃ wa, ǹ zɛ̀rɛ nɛ.

Lawa a wúlu-bɔlen 5:17

Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni.

Lawa a wúlu-bɔlen 5:3

Gɔ̀ mɛn tumaa bɛ́ n bɔyɛɛ min li, bɛ̀ bɛ tá minbuiin nɛ mɛn ganaa, bɛ̀ min nə́ n gɔn da bɛ ganaa a ná a dɔ̃ wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.

Lawa a wúlu-bɔlen 5:4

Bɛ̀ min lɛ sã á n liɛ a ná a n taasɛ wa, ta sii mɛn din ni, min a là ta a-n hinlaa a là ba a-n wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.

Lawa a wúlu-bɔlen 7:21

Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Azee 2:13

Azee tɔ́n wusoo á nɔ̀n da: «Bɛ̀ min nə́ n gɔn da màn gere ganaa á n din gɔgɔrɛ kɔ nɛ, bɛ á n gɔn da bɛa man-biin kɛn lɛn ganaa, á boe la a ǹ baa gɔgɔrɛ?» Lawa a wúlu-bɔlen lɛn ná a lɛ si mà hiĩ ma á boe la a ǹ baa gɔgɔrɛ.

Minin nimi 19:22

Bɛ̀ gɔ̀dɛnaa lɛ nə́ n gɔn da màn woo màn ganaa, bɛ n gɔgɔrɛ koe, bɛ̀ min mɛn dɔ nə́ n gɔn da gɔ̀dɛnaa lɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.»

Luku 11:44

Kaa wɔ n ka bɔ̀n nɛ. Ka n ka gere yalan bɛ́ lɔn, minin yiri ná a ba màn mɛnɛn li wa, ǹ nə́ tɔ we la ǹ nə́ ǹ ba boe a siére-a wa.»

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Timəə dí-pɛn 14:8

Ka ga birii dɔ ganaa màn gɔgɔrɛ lɛa. A giala, a gòon bii tá diɛ nɛ, sɛnɛ, a ba a màn-bii baɛ̃ a gɔ́ɔ̃ nɛ, bɛ̀ a timəə la a sɔ̃ wa. Ka nyan bɛa mànan kɛn lɛn siĩ sɔ̃ wa, ka baran n gɔn din da ǹ gere ganaa wa.