Lawa a wúlu-bɔlen 5:1 - LAWA A BOO SONBORE

¹ Bɛ̀ min na á sii yɛ a yii ni, hinlaa a na á ma, bɛ kio, ǹ bɛ́ sii lɛ a kiri we, bɛ̀ a lɛ kɔ a ná a taãn pɛ wa, ǹ dɛnaa na á sii baraa zɛnaa. A din tá re n toɛ̃ ka a sii baraa a guĩ ni.

LAWA A BOO SONBORE 2011

¹ Bɛ̀ min na á sii yɛ a yii ni, hinlaa a na á ma, bɛ kio, ǹ bɛ́ sii lɛ a kiri we, bɛ̀ a lɛ kɔ a ná a taãn pɛ wa, ǹ dɛnaa na á sii baraa zɛnaa. A din tá re n toɛ̃ ka a sii baraa a guĩ ni.

Lawa a wúlu-bɔlen 5:1 Iomraidhean Croise

Kiin1 22:16

Kii lɛ wusoo á nɔ̀n da Misee la: «Ma doa nɛ ma n da liɛ ganaa gunyin gia? Ka Dɛnaa Lawa tɔ nɛ, Boo goon pɛ ma nɛ.»

Kiin1 8:31

Bɛ̀ ka min na á wɔ ǹ miã lon, yǎa ǹ laa a ganaa mà a n liɛ kion kɛ nɛ, wúlu bɔ ǹ bǎã kɛ yɔrɔ-a,

KZS2 18:15

Sɛnɛ, Akaabu pɛ nɛ: «Ma gunyin gia nə n diɛ liɛ ganaa máa n sonbore pɛ ma nɛ Dɛnaa Lawa wɔ lɛa!»

Loen 38:4

Ma paǹ kɔn din ba kooro doo wa, n foo a yoo lɛ taman yii, ma we kɔn din ba siĩn doo wa, maa sii baraa lɛ taman yii.

Bɔ bɛ̀rɛbaa nɛ 22:11

Sɛnɛ, bɛ̀ maǹ nə́ tɔɔ lɛ koã a li, a na a dòo sarɛɛ ǹ dɛnaa la.

Suusun 29:24

Min mɛn bɛ́ n naɛ kɔn ka wurumu ni, a n mɛnɛɛ a din la, Lawa bíi mɛn bɛ́ a kio á bɛ doɛ̃, sɛnɛ a ba wurumu lɛ giala diɛ kanaa wa.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zeremii 23:10

Gána lɛ piɛ̃maa-n ka naarɛbaalin ni. Lɛn baraa taman yii, gána lɛ n gɛ̀ koa gɔ́ɔ̃ nɛ. Gána lɛ a bɔmɔ bǎãn tumaa laa. Maǹ baa sii sii baraa ganaa. Sii mɛn bɛ́ a siĩ-n wa, ǹ foo n tã ka bɛa zɛnaa nɛ.

Ezekieli 18:20

Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Lawa a wúlu-bɔlen 17:16

Bɛ̀ ǹ dɛnaa na a mɔnaan pii á n zoo wa, ǹ dɛnaa a sii baraa na a din mìi ni.

Lawa a wúlu-bɔlen 19:8

Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.

Lawa a wúlu-bɔlen 20:17

Bɛ̀ giĩ nə́ ǹ miãnɛn saa lɔ lɛa, ta ǹ dinɛ nɛ, ta ǹ dannɛ nɛ, bɛ̀ ǹ nə́ kɔn dɔ̃, sìi gole ne. Ǹ na a dɔlɔ bɔ ǹ ganaa, ǹ tɔrɔ minin lɛn tumaa yii ni. Giĩ lɛ bɛ́ na á giã kun ka ǹ miãnɛn nɛ, a din tá re n toɛ̃ ka a sii baraa a guĩ ni.

Lawa a wúlu-bɔlen 4:2

A pɛ Izirayeli minin lɛn manɛ: Dɛnaa Lawa a gɔn waa ǹ boon bɛ́ pii mà ka baran sii mɛn tumaa zɛnaa wa, ta min na á sã á bɛa goon dinsɔɔ̃ zɛnaa, ǹ dɛnaa na á sii baraa zɛnaa. Bɛa yɔrɔ bɔ ǹ gɔn nə́ ke:

Lawa a wúlu-bɔlen 5:15

Bɛ̀ min mɛn sã á woo Dɛnaa Lawa gɔn màn wɔlɔ li, ǹ dɛnaa na á sii babaraa zɛnaa. Ǹ dɛnaa doamaa nɛ a sère gɔ̀lɔ̀ bɔ a tɔɔn bii, wɔ̀lɔ̀ ná a ba a ganaa wa, a da kɔ Dɛnaa Lawa la. Sère gɔ̀lɔ̀ lɛ giɔ̀mɔ doamaa nɛ a wɔrɔ giala garamu lɛ kɔn bɔ, a n kɔnpii ka kion sonbore kɛ a màn zɔɔ̃ ǹ wɔ nɛ. Bɛa sère gɔ̀lɔ̀ lɛ n zɛ̀rɛ si ǹ wúlu màn lɛa.

Lawa a wúlu-bɔlen 5:17

Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni.

Lawa a wúlu-bɔlen 7:18

A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Sii yɔrɔ-bɔlen 17:2

Ǹ kɔn pinaa, á pɛ ǹ dan nɛ: «N wɔrɔ duu goon ka paabiɛ (1 100) mɛn goã á papaã, ń dì bii li ma din yii-n ke lɛn, bɛa wɔrɔ kɛ lɛ, a tá ma gɔn. Masɛ din ni má saa.» Ǹ dan tɔ́n pɛ nɛ: «Maa nɛgiĩ ganaa, Lawa die a barka da n ganaa!»