Lawa a wúlu-bɔlen 4:32 - LAWA A BOO SONBORE

³² Bɛ̀ ǹ dɛnaa n li a da ka sère ne, a sii baraa lɛ a sawaa ǹ wúlu màn lɛa, a doamaa nɛ a da ka sère dan nɛ, wɔ̀lɔ̀ ná a ba a ganaa wa.

LAWA A BOO SONBORE 2011

³² Bɛ̀ ǹ dɛnaa n li a da ka sère ne, a sii baraa lɛ a sawaa ǹ wúlu màn lɛa, a doamaa nɛ a da ka sère dan nɛ, wɔ̀lɔ̀ ná a ba a ganaa wa.

Lawa a wúlu-bɔlen 4:32 Iomraidhean Croise

Bɔ bɛ̀rɛbaa nɛ 12:3

Ka a yɔrɔ pɛ Izirayeli nɛnyaanan zaman lɛ-n kɛnɛn: Mui kɛ lɛ a lɛawaa fù, kion gogoonmaa tɔɔ bɔ a dɛ.

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Izayii 53:7

Ǹ nə́ fuu nyaa nɛ, ǹ ná a yii puusə kɔ sɛnɛ, á lɛ kɔ bɛ ganaa a lɛ n tumu, ka sère nɛ mɛn bɛ́ ǹ nə́ woe ne a dɛ ǹ bǎã nɛ, ka sère mɛn bɛ́ ǹ tá a ka kuri a lɛ n tumu.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 4:28

A sii baraa mɛn zɛnaa, bɛ̀ min yɛ á pɛ nɛ, a doamaa nɛ a bòe dan bɔ a sii baraa lɛ taman yii, sɛnɛ, wɔ̀lɔ̀ nyan goã a ganaa wa.

Lawa a wúlu-bɔlen 5:6

A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 1:36

A bɛ́ á ga Yezu ganaa tɔ we kiɛ̃, á pɛ: «*Lawa a sère nɛ lɛ á ke.»

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 2:22

Asɛ sii baraa zɛnaa wa, boo kɔkɔrɔ kɔ́n bɔ a lɛ-n wa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Sii-nyaan 5:6

Má tɔ́n Sère Nɛ yɛ, kii dankan kɛ genli, màn yiikoonaa sii kɛ laanka min golen kɛn ná a lɛnpɛnɛ. Bɛa Sère Nɛ lɛ n ka maǹ ná a bɔlɔ kuru. A bɛn nə sɔbaa, a yii nàn dɔ n sɔbaa, Lawa yiri sɔbaa mɛn dia tán tumaa la, bɛn man ka bɛ nɛ.