Lawa a wúlu-bɔlen 4:24 - LAWA A BOO SONBORE

²⁴ A n gɔn da butumu lɛ mìi ni, a tɔn na a bɔlɔ kuru wúlu màn tiɛ̃ kɛa tɔɔ dɛ ǹ bǎã nɛ, Dɛnaa Lawa yɔrɔ-a. Sii baraa sawaa ǹ wúlu màn nɛ.

LAWA A BOO SONBORE 2011

²⁴ A n gɔn da butumu lɛ mìi ni, a tɔn na a bɔlɔ kuru wúlu màn tiɛ̃ kɛa tɔɔ dɛ ǹ bǎã nɛ, Dɛnaa Lawa yɔrɔ-a. Sii baraa sawaa ǹ wúlu màn nɛ.

Lawa a wúlu-bɔlen 4:24 Iomraidhean Croise

Kiin2 12:16

Ǹ goã paa lɛ koe min mɛnɛn lɛn la mà ǹ dí-nyalin saraa nɛ, min goã nɔ̀n diɛ bɛn la ka paa lɛ a sii-n wa, a giala ǹ nə́ goã ǹ dí nyɛɛ ka peperebaa nɛ.

KZS2 29:23

Butumun kɛn sii baraan sawaa ǹ wúlu mànan lɛa, ǹ nə́ daa ka bɛn nɛ kii lɛ yɔrɔ-a, kɔnlɛ ka zaman lɛ a minin ni, bɛn nə́ n gɔn da tɔɔn lɛn la.

Bɔ bɛ̀rɛbaa nɛ 29:38

«Ǹ bɛ́ re màn mɛn zɛnɛɛ wúlu bɔ ǹ bǎã lɛ la doo, bɛ dɔ á ke: Ǹ lɛ̀ goon sère nɛ màn paa dɛ baraabaraa yǎa duduu.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Lawa a wúlu-bɔlen 1:11

A bɛ dɛ wúlu bɔ ǹ bǎã lɛ genli, a gɔsɛ a lɛ̀gɔn la. Bɛ kio, Aarɔn a nɛgiĩn Lawa a wúlu-bɔlen kɛn na a mà si ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 1:4

Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 1:5

A die a bɛa tɔɔ lɛ dɛ kɔn yɛ ka Lawa nɛ ǹ kion lɛ yɔrɔ-a. Aarɔn a nɛgiĩn, Lawa a wúlu-bɔlen kɛn, bɛn min goon die a da ka tɔɔ lɛ mà nɛ, a bɛa mà lɛ pɛpɛsɛ̃ *wúlu bɔ ǹ bǎã kɛ wàãn ganaa, ǹ nə ǹ mɛn lɛ dɔ kɔn yɛ ǹ kion lɛ a kiɛnlɛ-a.

Lawa a wúlu-bɔlen 14:13

a tɔn na a bɔlɔ kuru Lawa a bǎã kɛ nɛ, ǹ nə ǹ mɛn lɛ koa sii baraa sawaa ǹ wúlu màn laanka wúlu màn tã ǹ bǎã lɛa. Zɛ̀rɛ si Lawa la ǹ wúlu màn laanka sii baraa sawaa ǹ wúlu màn kɛ a sii n goon: A siĩ n doe Lawa a wúlu-bɔle ganaa. A giala, Lawa wɔ nɛ.

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Lawa a wúlu-bɔlen 3:13

Bɛ kio, a n gɔn da bòe lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ yɔrɔ-a. Bɛa biikoo li, wúlu-bɔlen lɛn min goon na a mà si, a pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:2

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:8

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 6:18

A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ.

Lawa a wúlu-bɔlen 6:22

Wúlu-bɔlen lɛn kion minin mɛnɛn bɛ́ giĩn lɛa, bɛn dininsɔɔ̃nɔn man boe la, ǹ bɛa siĩ lɛ sɔ̃. A giala, bɛ na a gɔrɔn masɛ Dɛnaa Lawa wɔ lɛa.

Lawa a wúlu-bɔlen 7:2

Ǹ bɛ́ *wúlu màn tiɛ̃ kɛ a tɔɔ dii bǎã mɛn nɛ, ǹ doamaa nɛ, ǹ zɛ̀rɛ si Lawa la ǹ wɔ lɛ dɔ a tɔɔ dɛ walan, ǹ na a mà pɛpɛsɛ̃ *wúlu bɔ ǹ bǎã lɛ wàãn tumaa ganaa.