Lawa a wúlu-bɔlen 4:21 - LAWA A BOO SONBORE

²¹ Dii gɔ̀lɔ̀ lɛ a siĩ mɛn goã, a wo ka bɛ nɛ giã ǹ bǎã kɛ kio, a tã ka a bɛ́ á bibinaa wɔ lɛ tã lɔn. Zaman lɛ a sii baraa sawaa ǹ wúlu màn nə ka bɛ nɛ.

LAWA A BOO SONBORE 2011

²¹ Dii gɔ̀lɔ̀ lɛ a siĩ mɛn goã, a wo ka bɛ nɛ giã ǹ bǎã kɛ kio, a tã ka a bɛ́ á bibinaa wɔ lɛ tã lɔn. Zaman lɛ a sii baraa sawaa ǹ wúlu màn nə ka bɛ nɛ.

Lawa a wúlu-bɔlen 4:21 Iomraidhean Croise

Ɛsidrasi 8:35

goawolen mɛnɛn lɛn nə bɔ walan ǹ nə́ daa, bɛn nə́ dii gɔ̀lɔ̀ fulupaa baa *wúlu màn tiɛ̃ lɛa, ǹ nə́ kɔ Izirayeli a Lawa lɛ la, Izirayeli din tumaa wɔ lɛa. Ǹ nə́ sère gɔ̀lɔ̀ pɔmanangɔrɔwensɔrɔ dɔ baa a lɛa, ka sère ten pɔsɔbaawensɔbaa nɛ, ka butumu fulupaa nɛ, sii baraan sawaa ǹ wɔ lɛa. A tumaa na á n kɔ Dɛnaa Lawa la, wúlu màn tiɛ̃ lɛa.

Bɔ bɛ̀rɛbaa nɛ 29:14

Sɛnɛ, dii siĩ lɛ sɛ, a ki ni, ka a bù ni, n soo ka bɛn nɛ, n nə bɔ kaa giã ǹ bǎã nɛ, n wo ǹ tã kaa bǎã lɛ kio. Bɛn man die goɛ̃ wúlu mànan lɛa, màn mɛn bɛ́ toɛ, wúlu-bɔlen lɛn sii baraan nə n toa ǹ nɛ.

Ezekieli 45:22

Zɔ́n lɛ a giala-kɔ pinaa, goledɛnaa lɛ dii gɔ̀lɔ̀ goon dɛ, a dinmaa a sii baraa sawaa ǹ wúlu màn lɛa ka zaman lɛ dɔ wɔ nɛ.

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 16:27

Ǹ dii gɔ̀lɔ̀ laanka sère gɔ̀lɔ̀ mɛn bɔ sii baraa sawaa ǹ wúlu màn lɛa, ǹ nə́ woo ka ǹ mà nɛ bǎã sonbore sonbore kɛ nɛ, ǹ nə́ sii baraa sawaa ǹ wúlu bɔ nɛ, ǹ wo ka bɛn nɛ Izirayeli minin giã ǹ bǎã kɛ kio, ǹ na a tumaa tã lenlen: ǹ ki ni, ǹ siĩ ni, ǹ nànan nɛ.

Lawa a wúlu-bɔlen 4:13

Bɛ̀ Izirayeli zaman lɛ tumaa na á sã á sii baraa zɛnaa, Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, bɛ̀ ǹ nə́ bɛa goon dinsɔɔ̃ zɛnaa, haalɛ ta ǹ dɔ̃ wa, ǹ zɛ̀rɛ nɛ.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 6:11

Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.

Lawa a wúlu-bɔlen 6:23

Sɛnɛ, tɔɔ mɛn tumaa bɛ́ sii baraa sawaa ǹ wúlu màn lɛa, ǹ nə́ die we ka a mà nɛ kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ wúlu bɔ nɛ Lawa a bǎã sonbore kɛ nɛ, bɛa tɔɔ lɛ kɔn siĩ doamaa bie a n sɔ̃ wa. A doamaa nɛ, a n tã lenlen.

Lawa a wúlu-bɔlen 8:17

Dii gɔ̀lɔ̀ lɛ a paǹ gialakun ke, a ki ni, a siĩ ni, ka a nàn nɛ, ǹ nə́ bɛ tumaa tã ǹ giã ǹ bǎã kɛ kio, ka Dɛnaa Lawa goã á pɛ Muizu-n lɔn.

Minin nimi 15:24

bɛ̀ zaman lɛ bɔ a zɛnaa siére-a wa, zaman lɛ tumaa doamaa nɛ a dii gɔ̀lɔ̀ baa wúlu màn tiɛ̃ gìĩ kɔɔ̃n lɛa a kɔ Dɛnaa Lawa la. A kɔnpɛ ka a zɛnaa ǹ gɔn nɛ, ǹ doamaa nɛ ǹ wùsu laanka duvɛ̃ ti a ganaa Lawa gɔ ǹ wɔ lɛa, ǹ butumu goon dɔ bɔ sii baraa sawaa ǹ wúlu màn lɛa.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Ebrəə 13:11

Wúlu-bɔlen kiã n we nyɛɛnaan bǎã sonbore kɛ nɛ ka tɔɔn mà nɛ, sii baraan nya a lɛa, sɛnɛ, ǹ siĩn manə n tiɛ̃ kiwi lɛ kio.