Lawa a wúlu-bɔlen 3:8 - LAWA A BOO SONBORE

⁸ Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

LAWA A BOO SONBORE 2011

⁸ Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:8 Iomraidhean Croise

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Lawa a wúlu-bɔlen 1:11

A bɛ dɛ wúlu bɔ ǹ bǎã lɛ genli, a gɔsɛ a lɛ̀gɔn la. Bɛ kio, Aarɔn a nɛgiĩn Lawa a wúlu-bɔlen kɛn na a mà si ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 1:4

Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 1:5

A die a bɛa tɔɔ lɛ dɛ kɔn yɛ ka Lawa nɛ ǹ kion lɛ yɔrɔ-a. Aarɔn a nɛgiĩn, Lawa a wúlu-bɔlen kɛn, bɛn min goon die a da ka tɔɔ lɛ mà nɛ, a bɛa mà lɛ pɛpɛsɛ̃ *wúlu bɔ ǹ bǎã kɛ wàãn ganaa, ǹ nə ǹ mɛn lɛ dɔ kɔn yɛ ǹ kion lɛ a kiɛnlɛ-a.

Lawa a wúlu-bɔlen 3:13

Bɛ kio, a n gɔn da bòe lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ yɔrɔ-a. Bɛa biikoo li, wúlu-bɔlen lɛn min goon na a mà si, a pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 4:15

zaman lɛ a min golen nə ǹ gɔn dada a mìi-n walan, min goon tɔn na a bɔlɔ kuru Dɛnaa Lawa yɔrɔ-a.

Lawa a wúlu-bɔlen 4:24

A n gɔn da butumu lɛ mìi ni, a tɔn na a bɔlɔ kuru wúlu màn tiɛ̃ kɛa tɔɔ dɛ ǹ bǎã nɛ, Dɛnaa Lawa yɔrɔ-a. Sii baraa sawaa ǹ wúlu màn nɛ.

Lawa a wúlu-bɔlen 4:4

A wo ka dii gɔ̀lɔ̀ lɛ-n kɔn yɛ ǹ kion kɛa kiɛnlɛ-a bɔrɔ, Dɛnaa Lawa yɔrɔ-a. A n gɔn da dii gɔ̀lɔ̀ lɛ mìi ni, a tɔn na a bɔlɔ kuru walan Dɛnaa Lawa yɔrɔ-a.

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Efɛɛzi minin 2:18

Sonbore ne, a din Yezu Krita lɛ pàã nɛ, wɔ Zuifun laanka tɔrɔ kɔsɔn tá boe la, wɔ golee Díi Lawa yɔrɔ-a, ka Yiri Fu goon toto a dɔmalɛ nɛ.

Efɛɛzi minin 3:12

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.