Lawa a wúlu-bɔlen 3:2 - LAWA A BOO SONBORE

² Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

LAWA A BOO SONBORE 2011

² Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 3:2 Iomraidhean Croise

Bɔ bɛ̀rɛbaa nɛ 29:10

«Da ka dii gɔ̀lɔ̀ ten lɛ nɛ kɔn yɛ ka Lawa nɛ ǹ kion lɛ a kiɛnlɛ-a. Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:11

N dii gɔ̀lɔ̀ lɛ bɔlɔ kuru Dɛnaa yɔrɔ-a, kɔn yɛ ka Lawa nɛ ǹ kion lɛ a kiɛnlɛ-a.

Bɔ bɛ̀rɛbaa nɛ 29:15

«Bɛ kio, n sère gɔ̀lɔ̀ bibinaa kɛ kũ, Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:16

N sère lɛ bɔlɔ kuru, n na a mà bɔ n pɛsɛ̃ wúlu bɔ ǹ bǎã lɛ tumaa ganaa.

Bɔ bɛ̀rɛbaa nɛ 29:19

«Bɛ kio doo, n sère gɔ̀lɔ̀ lɛ a paabaa ǹ wɔ kɛ kũ, Aarɔn laanka a nɛgiĩn nə n gɔn da a mìi ni.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Lawa a wúlu-bɔlen 1:11

A bɛ dɛ wúlu bɔ ǹ bǎã lɛ genli, a gɔsɛ a lɛ̀gɔn la. Bɛ kio, Aarɔn a nɛgiĩn Lawa a wúlu-bɔlen kɛn na a mà si ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 17:3

Bɛ̀ Izirayeli min lɛ mɛn tá dii dii, ta sère ne hinlaa bòe ne, á boe la a dɛ ǹ giã ǹ bǎã kɛ nɛ, hinlaa, ǹ giã ǹ bǎã lɛ kio dinin.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 3:3

Ǹ bɛ́ re barka da Lawa nɛ ǹ *wúlu màn lɛ a paǹ mɛn tiɛ̃ Dɛnaa Lawa wɔ lɛa, bɛ n ka kɛ nɛ: a nyɔɔ mɛn tumaa bɛ́ pɛnɛɛ nɛ a nàn ganaa,

Lawa a wúlu-bɔlen 3:8

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 8:22

Bɛ kio, á pɛ ǹ nɛ, mà ǹ da ka sère gɔ̀lɔ̀ paabaa ǹ wɔ kɛ nɛ, min koa wúlu-bɔle lɛa ǹ wɔ lɛa. Aarɔn laanka a nɛgiĩn nə́ n gɔn dada bɛa sère gɔ̀lɔ̀ lɛ mìi ni.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Minin nimi 18:17

Sɛnɛ, diin nɛ gɔ̀lɔ̀n binaa nɛ, sère nɛ gɔ̀lɔ̀n binaa, ka bòe nɛ gɔ̀lɔ̀n binaa nɛ, n baran bɛn kɔn mìi bɔ wa: maǹ masɛ wɔn lɛa a tɔ-a. N die n nə ǹ mà kaa wúlu bɔ ǹ bǎã kɛ la, n nə ǹ nyɔɔ tã. *Wúlu màn tiɛ̃ nɛ, a gìĩ ń kɔɔ̃n masɛ Dɛnaa Lawa ganaa.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.