Lawa a wúlu-bɔlen 3:17 - LAWA A BOO SONBORE

¹⁷ Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

LAWA A BOO SONBORE 2011

¹⁷ Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Lawa a wúlu-bɔlen 3:17 Iomraidhean Croise

Siin Giala 9:4

Sɛnɛ, ka baran siĩ sɔ̃, ka a mà ná a-n wa. A giala, yiikoonaabaa lɛ n mà nɛ.

KZS2 29:35

Ka bɛ dɔ nɛ, wúlu màn tiɛ̃ gigiã goã a tan ka zɔɔ da Lawa nɛ ǹ wúlu màn nyɔɔnaa nɛ ka duvɛ̃ kɛ nɛ n tii wúlu màn tiɛ̃n kɛn ganaa. Wúlu bɔ lɛ wusoo á n da a giala la lɔn Dɛnaa Lawa a kion lɛ nɛ, bɛ n ka kɛ nɛ.

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Bɔ bɛ̀rɛbaa nɛ 27:21

Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Bɔ bɛ̀rɛbaa nɛ 28:43

Aarɔn laanka a nɛgiĩn tá re bɛn we, bɛ̀ ǹ tá re we kɔn yɛ ka Lawa nɛ ǹ Kion kɛ nɛ ǹ mɛn waáraa, hinlaa bɛ̀ ǹ tá re n mɔrɛ *wúlu bɔ ǹ bǎã kɛ ganaa, ǹ wúlu bɔ kion sonbore kɛ nɛ. Maǹ die zɛnɛɛ miɛ̃, màn mɛn bɛ́ toɛ, ǹ baran sã, ǹ gã kooro wa. Kɛ n sii zɛnaa ǹ gɔn lɛa Aarɔn mìi ni, ka a kio nɛnyaanan nɛ, a ba n bɔyɛɛ doɛ̃ wa.»

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Ezekieli 44:15

«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Lawa a wúlu-bɔlen 10:15

Tɔɔ lɛ nyàa kɛ laanka a tìãbii ke, ǹ nə́ kɔ Lawa la, a kɔlen lɛn nə da bɛn laanka a nyɔɔ kɛ nɛ ǹ nə́ tiɛ̃, ǹ nə ǹ kɔ ǹ sii zɛnaa Dɛnaa Lawa yɔrɔ-a. Bɛ kio, bɛa mànan lɛn man doe n din laanka n nɛgiĩn ganaa. Ka Dɛnaa Lawa pɛ lɔn, Bɛ lɛ n die goɛ̃ kaa wɔ gii lɛa yǎa duduu.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 16:34

Kɛ n landa lɛa, sii baraa sawaa ǹ wúlu bɔ wɔ paǹ li. Bɛa landa kɛ lɛ nə ǹ mìi ni miɛ̃ duduu, a ná a ba n bɔyɛɛ wa. A nə n zɛnɛɛ gunyin goon lɛ̀ woo lɛ̀, Izirayeli minin lɛn sii baraa tumaa taman yii. Dɛnaa Lawa boo mɛn pɛ Muizu ni, ǹ nə́ bɛ lɛ zɛnaa.

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 19:26

Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa.

Lawa a wúlu-bɔlen 23:14

Kaa wuru màn dii lɛ a buuru ni, a tiɛ̃ nɛ ka a burun ni, ka nyan bɛ kɔn wɔ ka lɛ-n, bɛ̀ a kɔ masɛ la ǹ lɛawaa taãn kɛ ná a dɔ wa. Kɛ n landa lɛa, ka doamaa nɛ ka kɔ lɛ biikoo tumaa li, ta ka n giã-n bǎã mɛn nɛ.

Lawa a wúlu-bɔlen 23:21

Bɛa pinaa kɛ lɛ nɛ, ka kɔn bii, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa. Bɛ lɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 24:3

Kion bii kuru kɔn-a ǹ mɔnaa mɛn bɛ́ n koe *lɛ kɔ kɔn la ǹ goo kɛ lɛ, Aarɔn giã bɛ lɛ kio, kɔn yɛ ǹ kion kɛ nɛ, a bolon lɛ a tɛ zɛnaa, màn mɛn bɛ́ toɛ, a kũ miɛ̃ duduu Dɛnaa Lawa yɔrɔ-a, a saa wasamiɛ̃n ganaa, a wo baayɛlɛ yaa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa.

Lawa a wúlu-bɔlen 24:9

Bɛa buuru lɛ n doe Aarɔn laanka a nɛgiĩn ganaa. Ka bǎã mɛn bɔ ka koa Lawa wɔ lɛa, ka doamaa nɛ ka sɔ̃ walan, a giala, màn yoren yoren ne, ǹ nə́ bɔ Dɛnaa Lawa a wúlu mànan kɛn bii, ǹ nə́ kɔ ka la. Bɛ lɛ n kaa wɔ gii lɛa yǎa duduu.

Lawa a wúlu-bɔlen 3:16

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan. Wúlu màn tiɛ̃ nɛ, a gìĩ n kɔɔ̃nɛ. Màn nyɔɔ tumaa n doe Dɛnaa Lawa ganaa.

Lawa a wúlu-bɔlen 4:1

Dɛnaa Lawa boo da ka Muizu ni á pɛ nɛ:

Lawa a wúlu-bɔlen 6:15

Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa.

Lawa a wúlu-bɔlen 6:18

A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ.

Lawa a wúlu-bɔlen 6:22

Wúlu-bɔlen lɛn kion minin mɛnɛn bɛ́ giĩn lɛa, bɛn dininsɔɔ̃nɔn man boe la, ǹ bɛa siĩ lɛ sɔ̃. A giala, bɛ na a gɔrɔn masɛ Dɛnaa Lawa wɔ lɛa.

Lawa a wúlu-bɔlen 7:23

A pɛ Izirayeli minin lɛn manɛ: Ka nyan toa ka màn nyɔɔ kɔn wɔ ka lɛ-n wa. Ta dii wɔ nɛ, ta sère wɔ nɛ, ta bòe wɔ nɛ.

Lawa a wúlu-bɔlen 7:34

A giala, tɔɔ lɛ a tìãbii kɛ laanka a gisi ke, ǹ nə́ barka da Lawa nɛ ǹ wúlu bɔ nɛ, masɛ bɛn si Izirayeli minin lɛn la, má ǹ kɔ Aarɔn laanka a nɛgiĩn la, ǹ wɔ gii lɛa yǎa duduu.

Lawa a wúlu-bɔlen 7:36

Dɛnaa Lawa na á pɛ Izirayeli minin lɛn manɛ, bɛ̀ Aarɔn a nɛgiĩn lɛn nə́ wúlu-bɔlen baa ǹ mɛn pinaa gɔrɔ, ka bɛ lɛ kɔ ǹ la ǹ wɔ gii lɛa. Bɛ n landa lɛa ka mìi ni miɛ̃ duduu, kaa tɔrɔn tumaa wɔ lɛa, a ná a ba n bɔyɛɛ wa.

Minin nimi 19:21

«Bɛ n die goɛ̃ landa lɛa ka mìi ni, a ná a ba n bɔyɛɛ wa. Min mɛn bɛ́ re gɔ̀ bɔ ǹ mu lɛ pɛsɛ̃, ǹ dɛnaa die a na a mɔnaan pii. Bɛ̀ min nə́ n gɔn da gɔ̀ bɔ ǹ mu lɛ ganaa, a n goɛ̃ gɔ̀dɛnaa lɛa yǎa wasa woe miɛ̃.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Timəə dí-pɛn 12:16

Sɛnɛ, ka nyan màn mà sɔ̃ wa. Ka die ka bɛ kaa tán ka mu bɛ́ lɔn.

Timəə dí-pɛn 12:23

Sɛnɛ, ka n doa taãn-taãnɛ, ka nyan toa ka màn mà sɔ̃ wa. A giala, yiikoonaabaa lɛ n mà nɛ. Bɛ lɛ nɛ, ka baran siĩ sɔ̃ ka a mà na a-n wa.

Timəə dí-pɛn 12:24

Ka baran sɔ̃ wa, ka kaa tán ka mu bɛ́ lɔn.

Timəə dí-pɛn 15:23

Sɛnɛ, ka nyan tɔɔ mà sɔ̃ wa. Ka kaa tán, ka ǹ bɛ́ mu kiɛ tán lɔn.

Timəə dí-pɛn 32:14

A din na á diin laanka sèren nyɔ kɔ ǹ la ǹ nə́ mi. A din na á siĩ nyɔɔnaa kɔ ǹ la ǹ nə́ sɔ̃, sère nyɔɔnaan manɛ, Basan a sère gɔ̀lɔ̀n kɛn tɔrɔn manɛ, ka butumun nyɔɔnaan nɛ. Á *belee sonbore kɔ ǹ la ǹ nə́ bii, á duvɛ̃ kɔ ǹ la ǹ nə́ mi, *rezɛ̃ da a nɛ kɛ lɛ.

Timote1 4:4

A giala, Lawa màn mɛn tumaa zɛnaa, a tumaa á siĩni, ǹ kɔ́n ba daa ǹ màn lɛa wa. Sɛnɛ, yǎa wɔ barka diɛ Lawa nɛ wɔ tɔn bii.