Lawa a wúlu-bɔlen 3:1 - LAWA A BOO SONBORE

¹ Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

LAWA A BOO SONBORE 2011

¹ Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 3:1 Iomraidhean Croise

KZS1 21:26

Davida Dɛnaa Lawa a *wúlu bɔ ǹ bǎã lɛ dɔ á wúlu màn tiɛ̃ laanka zɔ́ɔ da Lawa nɛ ǹ wúlu mànan kɔ. Á Dɛnaa Lawa nyankɔ, Dɛnaa Lawa ná a lɛ si ka tɛ nɛ á bɔ lon á gisĩ wúlu bɔ ǹ bǎã lɛ la.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Bɔ bɛ̀rɛbaa nɛ 29:28

Bɛ a re sàabiɛ doo wa. Izirayeli nɛnyaanan doamaa nɛ, ǹ bɛa paǹan kɛn lɛn bɔ. Ǹ nə́ ǹ bɔ bii kɔɔ̃n kɔ kɔn ka Lawa nɛ ǹ wúlu mànan lɛa, ǹ nə́ ǹ bɔ ǹ nə́ ǹ kɔ Aarɔn laanka a nɛgiĩn la. Màn boe ne ǹ tá re koe Dɛnaa la.

Suusun 7:14

«Ma bɛ́ má n lɛ kɔ Lawa la ka wúlu mànan mɛnɛn nɛ, má bɛn bɔ pelo. Bɛa siĩ tá ma li kion.

Ezekieli 43:27

Bɛ̀ bɛa lɛawaan lɛn nə́ kiɛ̃, a saa a lɛawaa kiwisibaa ǹ wɔ ganaa a woo kəni, Lawa a wúlu-bɔlen lɛn tá boe la, ǹ wúlu màn tiɛ̃ laanka barka da Lawa nɛ ǹ wúlu mànan sii yɔrɔ bɔ wúlu bɔ ǹ bǎã lɛ lalan. Bɛa biikoo li kəni, ma á re n too koe ǹ lon. Ma din Dɛnaa Lawa a da ǹ boo ne.»

Ezekieli 45:15

Izirayeli tɔrɔn lɛn tɔɔn bii, sère hinlaa bòe biɛpaa (200) bii, ka goon bɔ, ka bɛ baa Lawa gɔ ǹ màn lɛa, hinlaa *wúlu màn tiɛ̃ lɛa, hinlaa zɔ́ɔ da Lawa nɛ ǹ wúlu màn lɛa, màn mɛn bɛ́ toɛ, Lawa zaman lɛ a sii baraan toa ǹ nɛ. Ma din Dɛnaa Lawa a da ǹ boo ne.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 17:5

Bɛ á die toɛ Izirayeli minin lɛn ba re woe ka ǹ tɔɔn nɛ don, mà maǹ biɛ wúlu màn lɛa wa. Ǹ tá re die ǹ koe Lawa a wúlu-bɔle la, Dɛnaa Lawa wɔ lɛa, kɔn yɛ ǹ kion kɛa kiɛnlɛ-a. Ǹ tá re wúlu boe ǹ ne Dɛnaa Lawa wɔ lɛa, barka da Dɛnaa Lawa nɛ ǹ wúlu mànan lɛa.

Lawa a wúlu-bɔlen 3:6

Bɛ̀ min tá die tɔɔ boɛɛn koe Dɛnaa Lawa la, barka da ǹ wúlu màn lɛa, ta a gɔ̀lɔ̀ nɛ hinlaa ǹ dan nɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 9:18

Zaman lɛ da ka dii gɔ̀lɔ̀ laanka sère gɔ̀lɔ̀ mɛn dɔ nɛ, a barka da Lawa nɛ ǹ wúlu mànan lɛa, Aarɔn bɛn bɔlɔ kuru. A nɛgiĩn lɛn nə́ ǹ mà si ǹ nə́ kɔ la, á pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 9:4

Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Malakii 1:8

Bɛ̀ ka daa tɔɔ yii tere-a nɛ, tɔɔ mɛn bɛ gisiĩ hinlaa tɔɔ bɔlɔka kɔ ma la *wúlu màn lɛa ka n taasɛ mà á siĩni? Bɛ̀ ka bɛa tɔɔ kɛ lɛ miã kɔ kaa gánadɛnaa la, ka á taasɛ mà a foo á re kɔɔ̃n koe a lɛ kɔ a sii zɛnaa kaa lɛa? Man nɔ̀n diɛ ka la masɛ Dɛnaa Lawa Pàãyiidɛnaa.

Minin nimi 15:8

Bɛ̀ dii gɔ̀lɔ̀ nɛ, ka tá biɛ wúlu màn tiɛ̃ lɛa, hinlaa wúlu màn lɛa, ka n lɛ-kɔ lɛ piɛ̃ nɛ, hinlaa ka n biɛ barka da ǹ wúlu màn lɛa,

Minin nimi 6:14

A da ka a Lawa gɔ ǹ màn nɛ a kɔ Lawa la: lɛ̀ goon sère nɛ gɔ̀lɔ̀n mɛn nə́ ke wɔ̀lɔ̀ ná a ba a ganaa wa, wúlu màn tiɛ̃ lɛa, lɛ̀ goon sère nɛ luun mɛn nə́ ke wɔ̀lɔ̀ ná a ba a ganaa wa, sii baraa sawaa ǹ wúlu màn lɛa, ka sère gɔ̀lɔ̀ mɛn nə́ ke wɔ̀lɔ̀ ná a ba a ganaa wa, barka da ǹ wúlu màn lɛa.

Timəə dí-pɛn 12:27

Kaa wúlu màn tiɛ̃n kɛn, ǹ siĩ laanka ǹ mà nɛ, ka die ka bɛn kɔ kaa Lawa, Dɛnaa Lawa a *wúlu bɔ ǹ bǎã kɛ lalan. Bɛ̀ wúlu mànan manɛ Lawa wɔ lɛa, ka bɛn mà kaa kaa Lawa, Dɛnaa Lawa a wúlu bɔ ǹ bǎã lɛ lalan, ka ǹ siĩ sɔ̃.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Sii yɔrɔ-bɔlen 20:26

Bɛ lɛ taman yii, Izirayeli zaman tumaa yoo ǹ nə́ woo Betɛli. Ǹ nə́ giã tán walan Dɛnaa Lawa yɔrɔ-a, ǹ nə́ wuu pɛ, ǹ nə́ n lɛ sɔɔ yǎa wasa mɛ. Ǹ nə́ *wúlu màn tiɛ̃ laanka barka da Lawa nɛ ǹ wúlu bɔ Dɛnaa Lawa yɔrɔ-a.

Sii yɔrɔ-bɔlen 21:4

A lɛawaa, zaman lɛ yoo baayɛlɛ yiisoone, ǹ nə́ *wúlu bɔ ǹ bǎã dɔ walan, ǹ nə́ *wúlu màn tiɛ̃ laanka barka da Lawa nɛ ǹ wúlu bɔ.