Lawa a wúlu-bɔlen 27:34 - LAWA A BOO SONBORE

³⁴ Dɛnaa Lawa nə n gɔn waa Muizu ni ka boon mɛnɛn nɛ, Sinayii kele la, mà ǹ nə ǹ pɛ Izirayeli minin lɛn manɛ, ǹ dinin man ka bɛn nɛ.

LAWA A BOO SONBORE 2011

³⁴ Dɛnaa Lawa nə n gɔn waa Muizu ni ka boon mɛnɛn nɛ, Sinayii kele la, mà ǹ nə ǹ pɛ Izirayeli minin lɛn manɛ, ǹ dinin man ka bɛn nɛ.

Lawa a wúlu-bɔlen 27:34 Iomraidhean Croise

Lawa a wúlu-bɔlen 26:46

Landa mɛn bɛ́ a tan, ka sii yɔrɔ bɔ ǹ boon laanka dí-pɛn kɛn nɛ, Dɛnaa Lawa nə́ ǹ koa a din laanka Izirayeli minin lɛn bii, ǹ dinin lɛn man ka bɛn nɛ. A na á ǹ pɛ Muizu ni Sinayii kele la, mà a ǹ pɛ Izirayeli minin lɛn manɛ.

Lawa a wúlu-bɔlen 7:38

Dɛnaa Lawa bɛ́ á pɛ Izirayeli minin lɛn manɛ ǹ mɛn pinaa Sinayii kele la, mà ǹ da wúlu mànan kɔ asɛ la, a na á bɛa wúlun kɛn lɛn dɔn bɔ ǹ gɔn nyaa Muizu-n bɛ lɛ a pinaa, Sinayii kele la.

Minin nimi 1:1

Izirayeli minin lɛn soo a bɔ Ezipti gána nɛ a lɛ̀ paabaa ǹ wɔ, a mui paabaa ǹ wɔ a lɛawaa bibinaa pinaa, Dɛnaa Lawa boo da ka Muizu ni, Sinayii diə gole ne, kɔn yɛ ka Lawa nɛ ǹ kion kɛ nɛ, á pɛ:

Minin nimi 28:6

Bɛ n baraabaraa a wúlu màn tiɛ̃ lɛa, a gìĩ n kɔɔ̃nɛ Dɛnaa Lawa ganaa, goon ka kɛ nɛ ǹ nə́ goã boe Sinayii kele la.

Minin nimi 3:1

Dɛnaa Lawa bɛ́ boo diɛ ka Muizu ni biikoo mɛn li, Sinayii kele la, min mɛnɛn nə goã Aarɔn laanka Muizu a kion minin lɛa, bɛn man ka kɛn nɛ:

Minin nimi 36:13

Dɛnaa Lawa gɔn waa ǹ boon laanka sii yɔrɔ bɔ ǹ boon mɛnɛn kɔ Muizu la á ǹ kɔ Izirayeli minin lɛn la, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a, ǹ dinin lɛn man ka kɛn nɛ.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Timəə dí-pɛn 1:3

Izirayeli minin lɛn soo Ezipti lɛ̀ pusi, a mui fulugoonbaa ǹ wɔ a lɛawaa bibinaa pinaa, Muizu boo da ǹ nɛ, á kɔnpɛ ka gɔn waa ǹ boon kɛn tumaa nɛ, Dɛnaa Lawa kɔ la, ǹ wɔ lɛa.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.