Lawa a wúlu-bɔlen 26:41 - LAWA A BOO SONBORE

⁴¹ Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

LAWA A BOO SONBORE 2011

⁴¹ Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

Lawa a wúlu-bɔlen 26:41 Iomraidhean Croise

Kiin1 21:29

«Ń Akaabu a din gisĩ ǹ gɔn kɛ yɛ ma yɔrɔ-a? A bɛ́, á n din gisĩ ma yɔrɔ-a, bɛ lɛ n ke ma ba re koe boe a ganaa, a yiikoonaabaa gɔ́ɔ̃-n wa. A nɛgiĩ a yiikoonaabaa gɔ́ɔ̃ nɛ, man die koe boe a kion lɛ ganaa.»

KZS2 12:12

Roboamu nə́ n din gisĩ. Bɛ lɛ taman yii, Dɛnaa Lawa a foo-yoo lɛ nə́ n lɛ goa, a na a bɔ̀n baa lenlen wa. A da yaa dɔ́n màn sonboren tá tɔn yii Zudaa gána nɛ.

KZS2 32:26

A laanka a din gole kɔ lɛ tumaa nɛ, Ezekiasi laanka Zeruzalɛmu minin nə́ n dinin boɛɛn kɔ Dɛnaa Lawa yɔrɔ-a. Bɛ lɛ nɛ, Dɛnaa Lawa toa a foo-yoo lɛ nə yɔrɔ dia ǹ la Ezekiasi a yiikoonaabaa gɔ́ɔ̃-n wa.

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

Ɛsidrasi 9:13

Sii mɛn yii wɔ yɛ, wɔa nya ǹ dí baraan lɛn laanka wɔa zɛ̀rɛ gole lɛ taman yii ni. A laanka bɛ yii ni, wɔa Lawa, n dɔlɔ bɔ wɔ ganaa á dɔ wɔa sii baraan lɛn dɔlɔ bɔ ǹ bǎã-n wa. N toa wɔa zaman lɛ a gialakun kɛ yii goã koo.

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Nehemii 9:33

Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Loen 39:9

Ma si maa sii baraan kɛn la, n nyan ma kɔ baãnaanan kɛn la, ǹ sɔ kɔ ma-a wa.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Ezekieli 14:23

Ǹ tá re ka foo basɛ̃, a giala, ka á re ǹ giã ǹ gɔn laanka ǹ zɛnaa ǹ siin lɛn yii. Ka á re doɛ̃ ka bɛ lɛ-n kəni, mà ma sii mɛn tumaa da kiwi lɛ mìi ni, mà ma bie má bɛ zɛnaa kooro wa. Ma din Dɛnaa Lawa a da ǹ boo ne.»

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Ezekieli 44:9

Bɛ lɛ taman yii, Dɛnaa Lawa n kɛ pii: «Tɔrɔ kɔsɔn lɛn soroman lɛa, ǹ mɛnɛn lɛn bɛ́ ǹ nə́ ma bɔlɔ tii, bɛ kɔn ba re we masɛ a kion sonbore kɛ-n doo wa, haalɛ ta ǹ dɛnaa n giã nɛ Izirayeli minin kɛn bii.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Lawa a wúlu-bɔlen 26:24

masɛ dɔ á die yɔ boe ka dɔn ganaa. Masɛ bɛ́ re dɔlɔ mɛn boe ka ganaa bɛ kio, kaa sii baraan kɛn taman yii, bɛ á re baraa koe a la yii ni.

Lawa a wúlu-bɔlen 26:28

masɛ dɔ á re n parsii boe ka li. Masɛ dinmaa bɛ́ re dɔlɔ babaraa mɛn boe ka ganaa, kaa sii baraan lɛn taman yii, bɛ á re ka doree.

Minin nimi 5:7

A sii baraa mɛn lɛ zɛnaa, a doamaa nɛ a na ka bɛ nɛ. Màn mɛn bɛ́ a zɛ̀rɛ lɛ mìi lɛa, a wɔ min mɛn lɛ lon, a doamaa nɛ, a bɛ tumaa saraa la, a màn lɛ a giɔ̀mɔ a talakɔn sooro goon da la.

Matiə 23:12

Min mɛn bɛ́ n din gole koe, bɛa dɛnaa n die kiɛɛrɛ koe. Min mɛn bɛ́ n din kiɛɛrɛ koe, bɛa dɛnaa á die golebaa yii.»

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.