Lawa a wúlu-bɔlen 26:3 - LAWA A BOO SONBORE

³ Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

LAWA A BOO SONBORE 2011

³ Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Lawa a wúlu-bɔlen 26:3 Iomraidhean Croise

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Zeremii 11:4

Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

Lawa a wúlu-bɔlen 19:25

A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Timəə dí-pɛn 7:12

Bɛ̀ ká n too kɔ bɛa sii yɔrɔ bɔ ǹ boon lɛn li, ká ǹ tamaa, ká kɔ ǹ lɛ, kaa Lawa, Dɛnaa Lawa lɛ kɔ kɔn la mɛn wɔ ka ka digolon ne, á re bɛ lɛ piɛ̃, a bǐɛ̃ zɛnaa ka nɛ.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.