Lawa a wúlu-bɔlen 26:25 - LAWA A BOO SONBORE

²⁵ Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

LAWA A BOO SONBORE 2011

²⁵ Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Lawa a wúlu-bɔlen 26:25 Iomraidhean Croise

Samayeli2 24:15

A kũ bɛa pinaa lɛ a baayɛlɛ ganaa, Dɛnaa Lawa piɛ̃ busu babaraa dia Izirayeli gána nɛ. Dɛnaa Lawa lɛawaa lɛ mɛn pɛ, busu lɛ na á minin dɛ miɛ̃ yǎa á woo kaa bɛ lɛ. A saa Dan ganaa a wo Bɛɛr-Sebaa kiwi yaa, minbuiin duu pɔsɔbaa (70 000) na á gã.

Kiin1 8:33

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ-tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

Kiin1 8:37

Ta bòo n gána lɛ nɛ, ta piɛ̃ busu ni, ta già nɛ, ta doloka nɛ, ta bisinin manɛ, ta gána lɛ a zɔ́ɔn man na a kiwi tamaa wolen kũ, ta bɔ̀n sii mɛn nɛ, ta busu mɛn nɛ,

Kiin2 17:3

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.

KZS2 24:24

Siirii minin lɛn dinin nə goã gigiã wa. Sɛnɛ, Dɛnaa Lawa Zudaa minin sɔraasi damata kɛ wɔ ǹ gɔn a giala, maǹ nə́ n la bɔ a ganaa, ǹ digolon Lawa ke. Bɛa yɔrɔ lɛ la, Siirii minin man Lawa a kiri kuri Zoasi la.

Loen 94:1

Dɛnaa Lawa, n din lɛ n gɛ̀ dòo boe, Lawa mɛn bɛ́ gɛ̀ dòo boe, n din nyaa.

Bɔ bɛ̀rɛbaa nɛ 5:3

Ǹ nə́ pɛ-n kɛnɛn: «Ebrəən Lawa lɛ na á n din nyaa wɔsɛn manɛ, wɔ doamaa nɛ wɔ lɛawaa sɔɔ zii tɔ wɔ don bii, wɔ *wúlu màn bɔ wɔ kɔ wɔa Dɛnaa Lawa la. Bɛ bie wa a tɔn toa piɛ̃ busu, hinlaa zia da bɔ̀n da wɔ ganaa kooro.»

Izayii 1:20

Sɛnɛ, bɛ̀ ka n piã, ka woo nyɛɛnɛ ka n gòãn dii ma ganaa, gɔya sa n die ka bɔ̀n biɛ.» Dɛnaa Lawa na á pɛ.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 24:10

Man die yui ǹ gialaa ka zia nɛ, ma bòo kaa ǹ ganaa, ka piɛ̃ busu ni yǎa ǹ papaɛ̃ gána kɛ nɛ ma kɔ ǹ la, ka ǹ digolon ne.»

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 9:16

Dɛnaa Lawa Pàãyiidɛnaa a da ǹ boo á ke: Ka n yiri kɔ li, ka lɔ wuu-pɛlen bíi. Ǹ mɛnɛn bɛ́ a yɔrɔ doɛ̃ parsiini, ka bɛn bíi.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Ezekieli 14:17

«Ma á boe la dɔn ma zia yiɛ ma kaa gána lɛ a minin ganaa, ma pɛ zia nɛn lɛn manɛ, máa ǹ wɔ gána lɛ nɛ, ǹ minbuiinin laanka tɔɔn dɛ.

Ezekieli 20:37

Man die ka gɔgoɛ̃ ka tɔɔ-lɛduə̃li bɛ́ a tɔɔn gɔgoɛ̃ lɔn, ma tɔn ka kaa maa lɛ kɔ kɔn la kɛ nɛ.

Ezekieli 29:8

Bɛ lɛ na á toa masɛ Dɛnaa Lawa á kɛ pii: «Á ke, ma á re zia yiɛ ma kaa n ganaa, a n minbuiinin laanka n tɔɔn dɛ.

Ezekieli 33:2

– Minbuiin a nɛ, boo da ka Izirayeli minin lɛn nɛ n pɛ ǹ nɛ: «Bɛ̀ man má zia yiɛ gána mɛn ganaa, bɛa gána lɛ a minin tá boe la ǹ min goon bɔ ǹ dinin bii, ǹ bɛ koa wɔlɔ-lɛduə̃li lɛa.

Ezekieli 5:17

Ma á re bòo laanka don màn babaraan diɛ ǹ da ka gialaa, ǹ kaa nɛnyaanan dɛ. Piɛ̃ busu ni, kɔn-dɛ nɛ, bɛ á re yii kaa kiwi lɛ nɛ. Ma á re zia kiɛ ka ganaa. Ma din Dɛnaa Lawa n má pɛ.

Ezekieli 6:3

N die n pɛ kɛnɛn: «Izirayeli a kelen lɛn, ka n too kɔ Dɛnaa Lawa a boo li. Dɛnaa Lawa n boo kɛ lɛ diɛ kelen wɔ paǹ li, tentenen ne, kele biin laanka nyankɔrɔ lɛn nɛ. Man die zia kiɛ ka ganaa, ma kaa wúlu bɔ ǹ bǎãn kɛn ziziɛ̃.

Ozee 11:6

Zia a die wɛ̃ ǹ kiwin ni, á re a kiwin lɛn tamaa ǹ mànan tumaa ziziɛ̃, zia á re ǹ bii ǹ sii wɔ kɔn-a kɛ taman yii.

Lawa a wúlu-bɔlen 26:6

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Amɔɔsi 4:10

Má busu babaraa dia ka la, ka busu kɛ bɛ́ lɔn ma dia Ezipti. Má toa ǹ nə́ kaa nɛ tenən dɛ zia la, ǹ nə́ kaa ziabaa ǹ sùin si ka la. Kaa piɛ, má toa geren kɛn gìĩ kaa ka nyin ni. Sɛnɛ, a laan bɛ yii ni, ka wusoo ká daa ma li wa. Dɛnaa Lawa a da ǹ boo ne.

Abakuku 3:5

Piɛ̃ busu n tɔ we a nyɛɛnɛ, gɔ̀nɔn woɛ̃ n tɔ we a kio.

Minin nimi 14:12

Masɛ n die yui ǹ gialaa ka piɛ̃ busu ni, ma ǹ dɛ ma ǹ nya lenlen. Bɛ kio, ma á die zɛnɛɛ, zaman bɔ Muizu din ni, ǹ pàã laanka ǹ mɔnaabaa n liɛ nɛ ǹ wɔ nɛ.»

Minin nimi 31:3

Muizu tɔ́n pɛ zaman lɛ nɛ: «Kaa min gialakunun nə ǹ ziabaa ǹ mànan goa ǹ wo zia la. Maǹ die woe Madiã minin gialaa, ǹ Dɛnaa Lawa a dòo kɛ bɔ ǹ ganaa.

Luku 21:11

Tán bìn-diɛ dadaran tá re n zɛnɛɛ. Busu baraan laanka bòo á re we bǎã gigiã nɛ. Nyɛ́ɛ da ǹ siin ni, ka sii giala pɛ ǹ màn dadaran tá re boe lon gɔ̀nɔn ganaa.

Timəə dí-pɛn 28:21

Ka bɛ́ re we gána mɛn lɛ nɛ ka si ka baa kaa wɔ lɛa, Dɛnaa Lawa á re toɛ piɛ̃ busu kaka ka kũ walan, a ka dɛ a ka nya.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.

Sii yɔrɔ-bɔlen 15:11

Zudaa minin lɛn giĩ duu sɔɔ woo Etamu a kele yala lɛ lɛ-a, ǹ nə́ pɛ Sansɔn nɛ: «N ba doɛ̃ mà Filisiti minin lɛn man wɔ mìi la wa? Wàa mɛn sii n ka kɛ nɛ, ń zɛnaa wɔsɛn manɛ?» Sansɔn tɔ́n pɛ ǹ nɛ: «Ǹ sii mɛn zɛnaa ma nɛ, ma dɔ má bɛ lɛ miã zɛnaa ǹ dɔn manɛ.»