Lawa a wúlu-bɔlen 26:16 - LAWA A BOO SONBORE

¹⁶ Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

LAWA A BOO SONBORE 2011

¹⁶ Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Lawa a wúlu-bɔlen 26:16 Iomraidhean Croise

Kiin1 8:37

Ta bòo n gána lɛ nɛ, ta piɛ̃ busu ni, ta già nɛ, ta doloka nɛ, ta bisinin manɛ, ta gána lɛ a zɔ́ɔn man na a kiwi tamaa wolen kũ, ta bɔ̀n sii mɛn nɛ, ta busu mɛn nɛ,

Zɔbu 18:11

Paǹ tumaa li, nyɛ́ɛ da ǹ siin man a foo biɛ niɛ̃. Maǹ a kio, koe a gòɛ̃ lɛ.

Zɔbu 20:25

Bɛ̀ á kiɛ lɛ woɛ̃ á bɔ a dɔ̀ɔ̃ nɛ, bɛ̀ á soo á n bɔ a foo-n lɔn, nyin-soo n kuĩ.

Zɔbu 31:8

ma màn mɛn da maa wuru-n, min kɔsɔn die ǹ bɛ bii. Ma màn mɛn dɔ zumu, min kɔsɔn die ǹ bɛ wɛ̃ ǹ kaa.

Loen 109:6

Ǹ nə́ kɛ pɛ dɔn dinin maa wɔ paǹ li: Min bɔ, bɛ yoo a gialaa a zɛ̀rɛ baali lɛa. Toa ǹ dɛnaa goã min babaraa lɛa, a n tele lon a gusin, sɛnɛ, a baran n dɔ lɛ wa.

Loen 73:19

Boɛɛnɛ, basaã gole á die ǹ yii. Á ke ǹ nə́ nya, ǹ nə́ papaã nyɛ́ɛ gɔn.

Loen 78:33

Bɛ lɛ nɛ, á ǹ tá kanaa a lɛawaan baa ka piɛ̃ nɛ, á ǹ tá kanaa a lɛ̀n ziziɛ̃ ka foo biɛ na ǹ siin ni.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Suusun 3:33

Dɛnaa Lawa nə n liɛ min baraan kion li, sɛnɛ a n barka diɛ min sonboren kion ganaa.

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 7:2

Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 15:3

Dɛnaa Lawa a da ǹ boo á ke: «Man die yui ǹ gialaa ka yɔrɔ sii ni: Gɔya sà gɛ̀ nɛ, ginin tá re ǹ giɛrɛɛ ǹ wo ǹ ne sɔsɔɔ, zèwon tá re ǹ mui tolokan nə ǹ sɔ̃ ǹ nə ǹ bɔ tán.

Zeremii 15:8

Má ǹ lɔ giɔɔrɔn mɔnaa, ka yìsi mu gole a nyɔɔsɔ̃ bɛ́ lɔn. Penleen tã, má basaã dia sɔraasi ten a náa la. Bǎã goon ne, má nyɛ́ɛ laanka gɔ̀nɔn bìn diɛ dia la.

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Ezekieli 24:23

Ka baran gɛ̀ koa wa, ka baran n duduwəə wa. Sɛnɛ, ka á re pɛrɛ kaa sii baraan lɛn gɔ́ɔ̃ nɛ, ka dinin nə n bɔyaa ka gú wɔ kɔn la.

Ezekieli 33:10

Minbuiin a nɛ, boo da ka Izirayeli tɔrɔn kɛn nɛ, ǹ mɛnɛn lɛn nə́ ke pii kɛnɛn: «Wɔa bɔlɔ-tii siin laanka wɔa sii baraan kɛn man wɔ mìi ni, ǹ nə́ ke wɔ ziziɛ̃ gele wɔ nɛ, wɔ n die siɛ lɔn wɔ tɔn la?»

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Zakarii 14:12

Tɔrɔn mɛnɛn nə wo Zeruzalɛmu zia baa, Dɛnaa Lawa bɛ́ re koe mɛn diɛ ǹ mìi ni, á ke: Ǹ gɔ̀nɔn siĩ á re boɛ̃, a ǹ toa ǹ yii n koo. Ǹ yiin tá re boɛ̃ ǹ yii yalan nɛ, ǹ lɛwɔn nə bɔɔ̃ ǹ lɛ-n.

Malakii 2:3

Ma á re n gɔn wɛɛ ka tɔrɔn kɛn ma-n gɔrɔ. Kasɛn kɛn kəni, man die tɔɔn bù kiɛ ka yɔrɔ nɛ, ka tɔɔn mɛnɛn lɛn dɛ kaa zɔ́nɔn kɛn biikoo li. Man die kasɛn lɛ koe kun ka bɛn nɛ.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Samayeli1 2:33

Man die n din a min goon toɛ maa wúlu bɔ ǹ bǎã lɛ nɛ màn mɛn bɛ́ toɛ bɛ bɔ n yii ni a n foo busu. N nɛnyaanan mɛnɛn tumaa bɛ́ re n kion lɛ giala boe li, bɛn kɔ́n ba re zizi koe ǹ tɔn gã wa.