Lawa a wúlu-bɔlen 26:14 - LAWA A BOO SONBORE

¹⁴ Sɛnɛ, bɛ̀ ka n too kɔ masɛ lon wa, bɛ̀ ka dí-pɛn kɛn lɛn tumaa a sii zɛnaa wa,

LAWA A BOO SONBORE 2011

¹⁴ Sɛnɛ, bɛ̀ ka n too kɔ masɛ lon wa, bɛ̀ ka dí-pɛn kɛn lɛn tumaa a sii zɛnaa wa,

Lawa a wúlu-bɔlen 26:14 Iomraidhean Croise

Kiin2 22:13

«Sɛ́wɔ mɛn lɛ yɛ, boo mɛn bɛ́ bɛ gɔ́ɔ̃ nɛ, ka wo nɔ̀n da Dɛnaa Lawa la bɛ wɔ gɔn la, masɛ laanka zaman lɛ a lɛa, ka Zudaa minin tumaa nɛ. A giala Dɛnaa Lawa a foo yoo lɛ á gole. A foo na á yoo wɔ li, a giala wɔ digolon nə n too kɔ sɛ́wɔ kɛ lɛ a boo ganaa wa. Màn mɛn yii bɛ́ kiɛ̃ nɛ a nɛ, ǹ tɔ wɔ á kɔnpɛ ka bɛ-n wa.»

KZS2 34:24

mà Dɛnaa Lawa a da ǹ boo á ke: «Á ke, man die koe boe Zeruzalɛmu ganaa ka a minin ni. Lɛn baraa bíi mɛn tumaa bɛ́ kiɛ̃ nɛ sɛ́wɔ kɛ nɛ, á pɛ Zudaan kii yii ni, man die toɛ a tumaa yɔrɔ yɛ.

KZS2 7:19

Sɛnɛ bɛ̀ ka n piã ka masɛ nɛ, ma gɔn waa ǹ boon mɛnɛn laanka landa boon mɛnɛn kɔ ka la bɛ̀ ka ǹ tamaa wa, bɛ̀ ka woo dí nya guguru kɔ ǹ mànan kɔsɔn manɛ, bɛ̀ ka kaa tán bɛn giulun,

Loen 81:12

Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Suusun 3:33

Dɛnaa Lawa nə n liɛ min baraan kion li, sɛnɛ a n barka diɛ min sonboren kion ganaa.

Zeremii 11:8

Sɛnɛ, ǹ nə n too kɔ wa, ǹ yiri bɔ wa. Maǹ nə́ kɔ ǹ dinin foo a baraabaa kɛ lɛ. Bɛ lɛ nɛ, lɛ kɔ kɔn la ǹ boon lɛn, ǹ nə́ ǹ boo la ǹ nə́ tamaa wa, a laanɛ má n gɔn waa ǹ nɛ, man má yoo ǹ gialaa bɛ lɛ taman yii.»

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 26:4

Ń tá re pii ǹ ni kəni mà Dɛnaa Lawa a da ǹ boon nə́ ke: Ka n too kɔ ma lon, ka kɔ maa dí-pɛn kɛn lɛ má ǹ kɔ ka la.

Zeremii 28:8

«Lawa a boo gii-dalin nə́ goã ǹ tan haalɛ bibi n laanka masɛ nyɛɛnɛ. Ǹ nə́ boo da gána gigiã wɔ paǹ li ka tɔrɔ yii guguru-an nɛ. Ǹ nə́ boo da ǹ nɛ zia wɔ paǹ li, koe ne ka piɛ̃ busu ni.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 40:2

Zeremii laan bɛ̀ a woo, bǎã-lɛduə̃lin goledɛnaa lɛ lɛ dia la para-a, á boo da nɛ: «N Lawa, Dɛnaa Lawa goã á koe kɛ boo da Zeruzalɛmu ganaa,

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Busii pɛ 2:17

Dɛnaa Lawa golee sii mɛn li, a na á bɛ zɛnaa. A boo mɛn da a biikoo ná a kànaa wa, a na á toa bɛ yɔrɔ yɛ. Á basaã kɔ, a makara bɔ wa. Á n zɔ́ɔn foo kɔɔ̃n kɔ, ka n bɔ̀n da ma-a kɛ nɛ. Á màn da ǹ pàã li.

Ozee 7:12

Bɛ̀ ǹ tá woe lɔn, man die biɛ koɛ ǹ nɛ. Ma á die ǹ boe lon ka bàanan bɛ́ lɔn, ma dɔlɔ bɔ ǹ ganaa, ka ma goã ma pɛ ǹ zaman nɛ lɔn.

Lawa a wúlu-bɔlen 26:18

Bɛ tumaa kio, bɛ̀ kaa tɔn nə n too koe masɛ lon wa, ma bɛ́ re dɔlɔ mɛn diɛ ka mìi ni, kaa sii baraan kɛn taman yii, bɛ á re baraa koe a la yii ni.

Malakii 2:2

Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.

Nya ǹ dín 3:23

Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Zozoe 23:15

Dɛnaa Lawa lɛ, kaa Lawa lɛa, a goã á boo kɔɔ̃n mɛn tumaa da ka nɛ, a bɛ tumaa a sii zɛnaa ka-n lɔn ke, a boo baraa mɛn tumaa dɔ da kaa wɔ paǹ li, á die bɛ dɔ a sii zɛnɛɛ. Kaa Lawa, Dɛnaa Lawa lɛ n die goɛ̃ bɛa zɛnaa la miɛ̃, yǎa a ka dii a ka boe bǎã sonbore kɛ nɛ, a din bǎã mɛn lɛ kɔ ka la.

Sii yɔrɔ-bɔlen 2:15

Ǹ soo a wo zia baa gogoonmaa yii, Dɛnaa Lawa gɔn na á goã ǹ gialaa, á ń baraa zɛnɛɛ ǹ nɛ, ka a din bɛ́ á goã á pɛ ǹ nɛ lɔn, á n liɛ ǹ nɛ. Á nɔmaa baa ǹ ganaa parsiini.

Samayeli1 12:15

Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.