Lawa a wúlu-bɔlen 26:11 - LAWA A BOO SONBORE

¹¹ Masɛ dinmaa n die giɛ̃ ka bii. Ka tìĩ a re boe ma nyin ni, ma ka tii wa.

LAWA A BOO SONBORE 2011

¹¹ Masɛ dinmaa n die giɛ̃ ka bii. Ka tìĩ a re boe ma nyin ni, ma ka tii wa.

Lawa a wúlu-bɔlen 26:11 Iomraidhean Croise

Samayeli2 7:7

Ma goã kun ka Izirayeli minin lɛn nɛ biikoo mɛn tumaa li, má minin bɔ, má ǹ koa ǹ mìi la ǹ nyɛɛnaan-bɔlen lɛa, ma bin bɛ kɔn zɛ̀rɛ baa má pɛ nɛ máa wàa na á baa kion dɔ ka da kaka gɔn nɛ á kɔ masɛ la wa.»

Kiin1 6:13

Man die goɛ̃ Izirayeli minin lɛn bii, ma ba re maa zaman Izirayeli minin lɛn toɛ walan wa.»

Kiin1 8:13

Sɛnɛ masɛ giã ǹ kion dɔ a wɔ lɛa turuu ni, màn mɛn bɛ́ toɛ a giã bɛ lɛ nɛ miɛ̃ yǎa duduu.»

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Loen 106:40

Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.

Loen 76:2

Lawa nə́ n din nyaa Zudaa gána nɛ, ǹ nə́ dɔ̃. A tɔ á gole Izirayeli gána nɛ.

Loen 78:59

Lawa bɛ́ á bɛ yɛ, a foo busu parsiini, á nɔmaa á n gɔn bɔ Izirayeli ganaa kəni ka lenlen.

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Bɔ bɛ̀rɛbaa nɛ 29:45

Masɛ n die goɛ̃ Izirayeli nɛnyaanan bii, ma goã Lawa lɛa ǹ yii li.

Bɔ bɛ̀rɛbaa nɛ 29:46

Ǹ tá re doɛ̃, mà masɛ din lɛ n Dɛnaa lɛa, ǹ mɛn lɛ bɛ́ ǹ Lawa lɛa. Ma din mɛn bɛ́ má soo ǹ ne, má ǹ bɔ Ezipti gána nɛ, má giã kunu ǹ ni. Ma din lɛ n Dɛnaa lɛa, ǹ mɛn lɛ bɛ́ ǹ Lawa lɛa.»

Zeremii 14:21

N tɔ taman yii, n giã ǹ bǎã ke piɛ̃ nɛ ka n gugurubaa kɛ nɛ, n nyan nə n la bɔ bɛ ganaa wa. N nyan nə n la bɔ a ganaa wa. N lɛ kɔ kɔn la mɛn wɔ ka wɔ nɛ, n yiri kɔ ka bɛ nɛ, n nyan a sàabaa wa.

Busii pɛ 2:7

Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

Zowɛli 2:27

Ka á re doɛ̃, mà ma tá kun ka Izirayeli minin lɛn nɛ. Ka á re doɛ̃, mà masɛ, Dɛnaa Lawa din nə kaa Lawa lɛa, mà miã na á banban. Sìi á re maa zaman kɛ kuĩ doo duduu wa.

Lawa a wúlu-bɔlen 20:23

Ma bɛ́ re tɔrɔn mɛnɛn lui ma ǹ bɔ ka nyɛɛnɛ, ka nyan toa ka n saa bɛn landa siin kɛn li wa. A giala, bɛa siin kɛn lɛn tumaa a zɛnaa na á toa, ǹ tìĩ bɔ ma nyin ni.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Lawa a wúlu-bɔlen 26:43

Ǹ tá re gána lɛ toɛ sɛn. A gɔ́ɔ̃ kooro n die goɛ̃. Gána lɛ a tán tá re n susui bɛa biikoo lɛ gɔ́ɔ̃ nɛ, bɛ á zɛnɛɛ, bɛ̀ ǹ dininmaan tá fuu ni, ǹ sii baraan lɛn taman yii. Ǹ tá re doɛ̃, mà masɛ bie mɛnɛɛ ǹ la wa. A giala, maǹ nə́ n piã ka maa sii yɔrɔ bɔ ǹ boon kɛn nɛ, ǹ nə́ maa landa boon kɛn tii.

Lawa a wúlu-bɔlen 26:44

Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

Efɛɛzi minin 2:22

Ka laanka gialakunun kɛn tumaa nɛ, kaa tá kun ka Krita-n a lɛa, ka dɔn gii n bɛa kion kɛ lɛ nɛ. A n miɛ̃, màn mɛn bɛ́ toɛ, Lawa bɛ́ kion mɛn nɛ ka a din a Yiri Fu ni, ka bɛa kion lɛ baa taãn-taãnɛ.

Timəə dí-pɛn 32:19

A nɛnyaanan lɛn nə́ wɔ a lon. Dɛnaa Lawa bɛ́ á yɛ miɛ̃, a foo yoo,

Zozoe 22:19

Bɛ̀ ka n taasɛ mà kaa gána lɛ a Dɛnaa Lawa a giã ǹ bǎã lɛa wa, gána mɛn bɛ́ a din wɔ lɛa, a giã ǹ bǎã sonbore kɛ ná a nɛ, ka wusoo ka da walan, ka giã kun ka wɔsɛn nɛ. Sɛnɛ, Dɛnaa Lawa, wɔa Lawa a wúlu bɔ ǹ bǎã kɛ miã ke ka dɔ, ka nyan toa ka n piã ka Dɛnaa Lawa nɛ, ka n na ka n bɔ wɔsɛn ganaa wa dɛ!

Zozoe 22:31

Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 7:15

Bɛ lɛ n toɛ ǹ tá golee ne, Lawa a kii dankan yɔrɔ-a, ǹ nə́ Lawa guguru koe baayɛlɛ ka tèlò ne Lawa a Kion. Min mɛn bɛ́ kii dankan lɛ nɛ, bɛ á re a din a wúlu kumii ǹ la.