Lawa a wúlu-bɔlen 26:1 - LAWA A BOO SONBORE

¹ Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

LAWA A BOO SONBORE 2011

¹ Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Lawa a wúlu-bɔlen 26:1 Iomraidhean Croise

Kiin2 17:10

Izirayeli minin lɛn man nə́ tíĩn laanka bìbìn doa, dì Aseeraa kɛ wɔ lɛa, tenten gogoonmaa la, da mɛn tumaa bɛ́ a luu n tì, ka bɛn giulun ni.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Kiin2 17:8

Dɛnaa Lawa goã á gánan mɛnɛn loo á ǹ bɔ ǹ bǎã nɛ Izirayeli minin lɛn nyɛɛnɛ, bɛn nə goã landa siin mɛnɛn zɛnɛɛ Izirayeli minin lɛn dɔn nə́ goã bɛn zɛnɛɛ. Izirayeli gána a kiin nə goã ǹ nə́ soo ka landa siin mɛnɛn nɛ, Izirayeli minin lɛn nə́ goã bɛn dɔn zɛnɛɛ.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 34:17

«Ka baran fɔlɔ yo ka màn nyín zɛnaa nɛ, ka baa kaa Lawa lɛa wa.

Izayii 2:20

Bɛa pinaa kɛ nɛ, minin nə sana hinlaa wɔrɔ dì nyínin mɛnɛn zɛnaa ǹ nə́ n musin koa tán-a ǹ giulun, ǹ tá re bɛn zuĩ kɛ́nɛn laanka kion fònon giulun.

Lawa a wúlu-bɔlen 19:4

Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 25:55

A giala, Izirayeli minin lɛn man masɛ din a dí-nyalin lɛa. Maǹ masɛ din a dí-nyalin lɛa, a giala, ma din ni má ǹ waa, má ǹ bɔ Ezipti gána nɛ. Masɛ din Dɛnaa Lawa n kaa Lawa lɛa.

Lawa a wúlu-bɔlen 7:33

Aarɔn a nɛgiĩn lɛn mɛn bɛ́ re barka da ǹ wúlu lɛ boe ka tɔɔ lɛ a mà laanka a nyɔɔ nɛ, tɔɔ lɛ a gisi lɛ n doe bɛ ganaa.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 5:6

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.

Sii yɔrɔ-bɔlen 18:30

Dan tɔrɔ lɛn nə́ Miikaa a dì lɛ doa. Gɛrsɛmu a nɛgiĩ Zonatan mɛn bɛ́ Muizu a nɔ̀ɔn lɛa, bɛ́ Dan tɔrɔn lɛn wúlu-bɔle baa. Bɛa dì lɛ na á goã Zonatan tɔrɔn gɔn miɛ̃, yǎa á daa dɔ gána lɛ a minin goa ganaa, ǹ nə́ woo ǹ ne bǎã kɔsɔ nɛ.