Lawa a wúlu-bɔlen 24:9 - LAWA A BOO SONBORE

⁹ Bɛa buuru lɛ n doe Aarɔn laanka a nɛgiĩn ganaa. Ka bǎã mɛn bɔ ka koa Lawa wɔ lɛa, ka doamaa nɛ ka sɔ̃ walan, a giala, màn yoren yoren ne, ǹ nə́ bɔ Dɛnaa Lawa a wúlu mànan kɛn bii, ǹ nə́ kɔ ka la. Bɛ lɛ n kaa wɔ gii lɛa yǎa duduu.

LAWA A BOO SONBORE 2011

⁹ Bɛa buuru lɛ n doe Aarɔn laanka a nɛgiĩn ganaa. Ka bǎã mɛn bɔ ka koa Lawa wɔ lɛa, ka doamaa nɛ ka sɔ̃ walan, a giala, màn yoren yoren ne, ǹ nə́ bɔ Dɛnaa Lawa a wúlu mànan kɛn bii, ǹ nə́ kɔ ka la. Bɛ lɛ n kaa wɔ gii lɛa yǎa duduu.

Lawa a wúlu-bɔlen 24:9 Iomraidhean Croise

Bɔ bɛ̀rɛbaa nɛ 27:21

Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Lawa a wúlu-bɔlen 10:12

Bɛ kio, Muizu pɛ Aarɔn nɛ, a din laanka a nɛgiĩn mɛnɛn nə goã ǹ yii n koo, Eleyazaara laanka Itamaara nɛ: Ka Lawa gɔ ǹ wùsu lɛ saa, Dɛnaa Lawa wɔ gii mɛn doamaa bɛ́ a n tã, ka bɛ bɔ a nɛ, ka tɔn gialakun kɛ da buuru lɛa, yɔ bù ná a ba li wa, ka sɔ̃ *wúlu bɔ ǹ bǎã lɛ genli. A giala, Lawa dinsɔɔ̃ a màn nɛ.

Lawa a wúlu-bɔlen 10:17

Butumu kɛ lɛ bɛ́ na á n kɔ Lawa wɔ lɛa, wàa na á baa ka a siĩ sɔ̃ Lawa a bǎã sonbore kɛ-n wa? A giala, Lawa wɔ nɛ. Dɛnaa Lawa din na á kɔ ka la, mà ka zaman lɛ a sii baraa sawaa ǹ wúlu bɔ nɛ, Dɛnaa Lawa yɔrɔ-a, ka ǹ sii baraa saa ka bɔ ǹ mìi ni.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 24:10

Ǹ kɔn pinaa, zia yoo min paa bii Izirayeli minin giã ǹ bǎã nɛ: Izirayelin lɔ goon a nɛgiĩ n ka goon ne, sɛnɛ, ǹ di n Ezipti min lɛa. Goon kɛ n Izirayeli min lɛa. Ǹ mɛn lɛ bɛ́ ǹ dan dinsɔɔ̃ n Izirayeli min lɛa, asɛ lɛ na á soo a giã ǹ bǎã nɛ, á daa n dɔ Izirayeli minin lɛn bii ǹ giã ǹ bǎã nɛ.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Lawa a wúlu-bɔlen 6:11

Aarɔn a nɛgiĩn lɛn dininsɔɔ̃nɔn man boe la ǹ bii. Ǹ bɛ́ wúlu mànan mɛnɛn tiɛ̃ Dɛnaa Lawa wɔ lɛa, ǹ bɔ bɛn lɛn nɛ miɛ̃ duduu, bɛ̀ ǹ kɔ ǹ la. Ǹ wɔ gii n ka bɛ lɛ-n miɛ̃ duduu. Bɛ lɛ nɛ, bɛ̀ min mɛn kɔsɔ woo a wɔlɔ li, a dɔlɔ á re n boe a ganaa.

Lawa a wúlu-bɔlen 6:16

A giala, Lawa a wúlu-bɔle a wúlu màn tumu doamaa nɛ, a n tã lenlen. Ka doamaa bie ka màn kɔn bii a-n wa.

Lawa a wúlu-bɔlen 6:9

Ǹ mɛn bɛ́ goɛ̃, Aarɔn laanka a nɛgiĩn kɛn tá boe la ǹ bɛ bii. Sɛnɛ, yɔ bù doamaa bie a goã li wa. Ǹ bǎã mɛn bɔ ǹ nə́ koa Lawa wɔ lɛa, ǹ doamaa nɛ ǹ bii walan, kɔn yɛ ka Lawa nɛ ǹ kion kɛ a sumu-n.

Lawa a wúlu-bɔlen 8:3

Bɛ kio, n zaman lɛ tumaa bíi n da ǹ nɛ kɔn yɛ ǹ kion lɛ a kiɛnlɛ-a.

Lawa a wúlu-bɔlen 8:31

Muizu tɔ́n pɛ Aarɔn laanka a nɛgiĩn lɛn manɛ: Ka sère gɔ̀lɔ̀ paabaa ǹ wɔ lɛ a siĩ kɔrɛ kɔn yɛ ǹ kion kɛ a kiɛnlɛ-a. Ka ǹ sɔ̃ walan kun ka buuru kɛ nɛ, ka ǹ kaa kankaan nɛ, min koa wúlu-bɔle lɛa lɛ taman yii. N din Aarɔn laanka n nɛgiĩn ni, ka dininsɔɔ̃nɔn doamaa nɛ, ka bɛa siĩ lɛ sɔ̃. Ma pɛ ka-n lɔn, ka zɛnaa miɛ̃.

Malakii 1:12

Sɛnɛ kasɛn, ka n ma tɔ kuĩ ka n taasɛ ka yiri ni mà maa wúlu bɔ ǹ bǎã lɛ a gɔgɔrɛ mà ǹ tá boe la ǹ da màn tɔrɔ tumaa kɔ ma la.

Matiə 12:4

A na á wɔ Lawa a Kion, a laanka a kiodɛnan nɛ, ǹ bɛ́ buurun mɛnɛn koɛ Lawa yɔrɔ-a wúlu bɔ ǹ màn lɛa, ǹ nə́ bɛ lɛ saa ǹ nə́ sɔ̃. A kɔnpɛ ka ǹ landa nɛ, min kɔsɔ doamaa bie a sɔ̃ wa, bɛ̀ á n bɔ wúlu-bɔlen ne.

Marki 2:26

a na á wɔ Lawa a Kion, wúlu-bɔlen kiã Abiataara a biikoo li, ǹ bɛ́ buurun mɛnɛn koɛ Lawa yɔrɔ-a wúlu bɔ ǹ màn lɛa, á bɛ lɛ saa á sɔ̃, a ná a kialandɛnan dɔn gɔ nɛ. A da yaa, min kɔ́n doamaa bie a bɛa buuru lɛ sɔ̃ wa, yǎa wúlu-bɔlen dininsɔɔ̃nɔn.»

Luku 6:4

A na á wɔ Lawa a kion, ǹ bɛ́ buurun mɛnɛn koɛ Lawa yɔrɔ-a wúlu bɔ ǹ màn lɛa, á bɛn lɛn goa á ǹ sɔ̃, á ǹ kɔ́n kɔ a kialandɛnan la. A da yaa min kɔ́n doamaa bie a bɛa buurun kɛn lɛn sɔ̃ wa, bɛ̀ á n bɔ Lawa a kion wúlu-bɔlen dininsɔɔ̃nɔn nɛ. Ka bɛ pɛ wa?»

Samayeli1 21:6

Davida Lawa a wúlu-bɔle lɛ lɛ si, á pɛ nɛ: «Sonbore ne, bɛ̀ kɛ miã sii lɛ tan lɔn, wɔsɛn doamaa bie wɔ giã kun ka lɔ-n wa, ka bɛ dɔ nɛ, bɛ̀ masɛ á woe zia la lɔn, ma maa takun wolen lɛn ziabaa ǹ mànan koe Lawa la, a kɔnpɛ ka a zɛnaa ǹ gɔn nɛ. Ta kɛ n zia kooro lɛa wɔ n diɛ, a n Lawa wɔ lɛa pelo, a giala, ziabaa ǹ mànan lɛn dɔn man Lawa wɔn lɛa.»