Lawa a wúlu-bɔlen 24:2 - LAWA A BOO SONBORE

² A laa Izirayeli minin lɛn ganaa, mà ǹ da *olivie da kɛ a nyɔɔ sonbore kɔ n la, bolon kɛ wɔ lɛa, màn mɛn bɛ́ toɛ, a goã kuĩ miɛ̃ duduu.

LAWA A BOO SONBORE 2011

² A laa Izirayeli minin lɛn ganaa, mà ǹ da *olivie da kɛ a nyɔɔ sonbore kɔ n la, bolon kɛ wɔ lɛa, màn mɛn bɛ́ toɛ, a goã kuĩ miɛ̃ duduu.

Lawa a wúlu-bɔlen 24:2 Iomraidhean Croise

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

Loen 119:105

N da ǹ boo lɛ n bólon lɛa ma gòãn li, a n tɛ fúlu lɛa, maa zii la.

Loen 119:130

N boon lɛn doɛ̃ tá min yiri fúli. A tá yiri koe yiriwɛɛnaa la.

Bɔ bɛ̀rɛbaa nɛ 39:37

sana yoreen bolon da ǹ bǎã kɛ nɛ, a bolonən ne (bolonən lɛn zii boemaa nɛ), a dí nya ǹ màn bisinin ni, ka a lɛ sã ǹ nyɔɔ kɛ nɛ;

Bɔ bɛ̀rɛbaa nɛ 40:24

Á bolon da ǹ bǎã lɛ da kion lɛ gɔ́ɔ̃ nɛ, a gusin a wàã ganaa, tabala lɛ para li.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Lawa a wúlu-bɔlen 24:1

Dɛnaa Lawa boo da ka Muizu ni á pɛ nɛ:

Lawa a wúlu-bɔlen 24:3

Kion bii kuru kɔn-a ǹ mɔnaa mɛn bɛ́ n koe *lɛ kɔ kɔn la ǹ goo kɛ lɛ, Aarɔn giã bɛ lɛ kio, kɔn yɛ ǹ kion kɛ nɛ, a bolon lɛ a tɛ zɛnaa, màn mɛn bɛ́ toɛ, a kũ miɛ̃ duduu Dɛnaa Lawa yɔrɔ-a, a saa wasamiɛ̃n ganaa, a wo baayɛlɛ yaa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 12:35

«Ka n yii dɔraa ka koa, ka kaa bolonən toa kuĩ.

Zaã a sɛ́wɔ 1:4

Yiikoonaabaa n bɛa Boo lɛ nɛ, bɛa yiikoonaabaa lɛ n wɔlɔ fúlu koe minbuiinin la.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.