Lawa a wúlu-bɔlen 23:3 - LAWA A BOO SONBORE

³ Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

LAWA A BOO SONBORE 2011

³ Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Lawa a wúlu-bɔlen 23:3 Iomraidhean Croise

Bɔ bɛ̀rɛbaa nɛ 16:23

Muizu tɔ́n pɛ ǹ nɛ: «Dɛnaa na á bɛ lɛ pɛ, biɛ̃ n *susu ǹ pii lɛa, Dɛnaa din a lɛawaa nɛ. Màn mɛn bɛ́ kɔrɛ ǹ wɔ lɛa, ka bɛ kɔrɛ pelo, ka a pipi ǹ wɔ pipi. A giala mɛn bɛ́ goɛ̃, ka bɛ tamaa yǎa baayɛlɛ.»

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Bɔ bɛ̀rɛbaa nɛ 16:30

Bɛ lɛ a lɛa, zaman lɛ nə́ n susu lɛawaa sɔbaabaa ǹ wɔ pinaa kɛ lɛ nɛ.

Bɔ bɛ̀rɛbaa nɛ 23:12

«Lɛawaa sɔrɔ dɔ gɔ́ɔ̃ nɛ, dí mɛn bɛ́ ka li, ka bɛ nya. Sɛnɛ, lɛawaa sɔbaabaa ǹ wɔ kɛ li, ka n susu. Kaa dii laanka kaa dundun dɔ á re susui yii. Kaa bɛ̀rɛn laanka kaa gùlin dɔn pàã á re wusii a kaa kɔn li.

Bɔ bɛ̀rɛbaa nɛ 34:21

«Ka die ka dí nya lɛawaa sɔrɔ, sɛnɛ, a sɔbaabaa ǹ wɔ ke, ka n susu. Haalɛ ta buu-kɔsiɛ hinlaa màn-kurii waáraa nɛ, ka toa ka n susu bɛa pinaa kɛ lɛ nɛ.

Izayii 56:2

Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Izayii 56:6

Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Luku 13:14

Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

Luku 23:56

Bɛ kio ǹ nə́ wusoo ǹ nə́ daa piɛ, ǹ nə́ da yon gìĩ kɔɔ̃n laanka nyɔɔ gìĩ kɔɔ̃n zɛnaa. Susu ǹ pii pinaa ke, ǹ nə́ bɛ koa á kɔnpɛ ka dí-pɛ lɛ nɛ.

Nya ǹ dín 15:21

Sonbore, a kũ biikoo sɔsɔɔ ganaa, Muizu a dí-pɛn lɛn laakalaalin tá kiwi din tumaa nɛ, a giala, ǹ tá a sɛ́wɔ lɛ pii *susu ǹ pii tumaa li lɛsɔkɔn kionən ne.»

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.