Lawa a wúlu-bɔlen 23:2 - LAWA A BOO SONBORE

² Boo da ka Izirayeli minin lɛn nɛ n pɛ ǹ nɛ: Masɛ Dɛnaa Lawa lɛawaa dadaran mɛnɛn koa, ka doamaa nɛ, ka n lɛ sɔkɔn bɛa lɛawaan lɛn li, ka ma guguru kɔ. Maa lɛawaa dadaran lɛn man ka kɛn nɛ:

LAWA A BOO SONBORE 2011

² Boo da ka Izirayeli minin lɛn nɛ n pɛ ǹ nɛ: Masɛ Dɛnaa Lawa lɛawaa dadaran mɛnɛn koa, ka doamaa nɛ, ka n lɛ sɔkɔn bɛa lɛawaan lɛn li, ka ma guguru kɔ. Maa lɛawaa dadaran lɛn man ka kɛn nɛ:

Lawa a wúlu-bɔlen 23:2 Iomraidhean Croise

Kiin2 10:20

Zewu pɛ: Ka Baali guguru kɔ ǹ lɛ sɔkɔn a lɛ dia. Ǹ nə́ tɔ́n lɛ lɛ dia.

KZS1 23:31

ǹ *wúlu màn tiɛ̃ kɔ Lawa la *susu ǹ pii pinaa, mui a lɛawaa bibinaa nɛ hinlaa lɛawaa kɔsɔn nɛ zɔ́n pinaa lɛa, ǹ bɛa dí kɛ nya duduu Dɛnaa Lawa yɔrɔ-a, ǹ nə ǹ dí nya mɔnaa nɛ ka landa boo á ke á nyaa lɔn.

KZS2 2:3

Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

Ɛsidrasi 3:5

Bɛ kio, wúlu mɛn doamaa bɛ́ nɛ a n bɔ baraabaraa ka wúlu màn tiɛ̃ nɛ, ǹ nə́ goã bɛ boe. Ǹ nə́ goã wúlu dɔ boe ka wúlu màn tiɛ̃n nɛ, ǹ mui dii zɔ́nɔn wɔn lɛa, ka biikoon mɛnɛn tumaa bɛ́ ǹ nə́ ǹ kɔ Dɛnaa Lawa la. Bɛ̀ á yoo bɛ la, wúlu mànan kɛn manɛ didie goã giɛ li mà a bɔ foo sii màn lɛa Dɛnaa Lawa nɛ.

Loen 81:3

Ka sàn kɔ, ka maà dɛ, ka tùtun wuu da li.

Bɔ bɛ̀rɛbaa nɛ 32:5

Aarɔn bɛ lɛ yɛ, yǎa a *wúlu bɔ ǹ bǎã dɔ màn nyín lɛ yɔrɔ-a, á tɔ́n pɛ kɛnɛn: «Biɛ̃, zɔ́n tán Dɛnaa a lɛa.»

Izayii 33:20

Siɔn, ga wɔa zɔ́n zɛnaa ǹ kiwi kɛ ganaa! N tá re Zeruzalɛmu yii, a n die goɛ̃ foo doa ǹ bǎã lɛa n wɔ lɛa, ka zìã á ke lɔn, bǎã goon ne. Ǹ ba re a dere ǹ kiɛn kɛn woɛ̃ doo wa, ǹ ba re a biɛn fore wa.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Lawa a wúlu-bɔlen 23:1

Dɛnaa Lawa boo da ka Muizu ni á pɛ nɛ:

Lawa a wúlu-bɔlen 23:21

Bɛa pinaa kɛ lɛ nɛ, ka kɔn bii, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa. Bɛ lɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 23:37

Ka doamaa bɛ́ nɛ, ka zɔ́n dadaran mɛnɛn zɛnaa, ka masɛ tɔ bɔ nɛ, ǹ dinin lɛn man ka bɛn nɛ. Bɛ̀ ǹ tá ǹ zɛnɛɛ, ka lɛ dia kɔn la, ka n lɛ sɔkɔn, ka masɛ guguru kɔ, ka wúlu mànan kɔ masɛ la: wúlu màn tiɛ̃ nɛ, Lawa gɔ ǹ wɔ nɛ, barka da ǹ wɔ nɛ, ka duvɛ̃ nɛ. Zɔ́n gogoonmaa laanka a landa nɛ.

Lawa a wúlu-bɔlen 23:4

Masɛ Dɛnaa Lawa lɛawaa dadaran mɛnɛn lɛn koa, bɛ̀ ǹ mɛn a biikoo dɔ, ka lɛ dia kɔn la, ka n lɛ sɔkɔn, ka masɛ guguru kɔ. Bɛa lɛawaan lɛn kɔsɔn man ka kɛn nɛ.

Lawa a wúlu-bɔlen 23:44

Izirayeli minin lɛn doamaa bɛ́ nɛ ǹ zɔ́n dadaran mɛnɛn zɛnaa ǹ Dɛnaa Lawa tɔ bɔ nɛ, Muizu bɛn lɛn tumaa a sii yɔrɔ nyaa ǹ nɛ.

Minin nimi 10:10

Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

Minin nimi 29:39

Ka die ka bɛa mànan kɛn lɛn kɔ Dɛnaa Lawa la, kaa lɛawaa dadaran pinaa, ka ǹ kaa kaa lɛ kɔ ǹ wúlu mànan kɛn la, ka ka bɛ́ wúlu mànan mɛnɛn boe ka dinin li, wúlu màn tiɛ̃n nɛ, Lawa gɔ ǹ wùsu ni, Lawa gɔ ǹ duvɛ̃ nɛ, ka barka da ǹ wúlu mànan nɛ.»

Zaã a sɛ́wɔ 5:1

Bɛ kio na á kɔnpɛ bɛ̀ Zuifun landa zɔ́n kɔ́n dɔ na a-n Zeruzalɛmu kiwi, Yezu woo walan.

Kolɔɔsi minin 2:1

Sonbore, ma bɛ́ dí kaka mɛn nyɛɛ ka a lɛa, ka Lawodisee minin ni, ka min gigiã kɔsɔn mɛnɛn bin bɛ́ ǹ ma yɛ duduu wa, man giɛ li ka bɛ dɔ̃.

Kolɔɔsi minin 2:16

Bɛ lɛ tɔ ganaa, ka baran toa min kɔ́n ka zɛ̀rɛ baa màn-bii hinlaa màn-mii sii ganaa wa, hinlaa a ka zɛ̀rɛ baa zɔ́n pinaan koa ganaa, ka mui diin ni, ka susu ǹ piin ni wa.