Lawa a wúlu-bɔlen 23:10 - LAWA A BOO SONBORE

¹⁰ Boo da ka Izirayeli minin lɛn nɛ, n pɛ ǹ nɛ: Masɛ bɛ́ gána mɛn lɛ koe ka la, bɛ̀ ka wɔ a nɛ ǹ mɛn waáraa, bɛ̀ ka tá kaa wuru màn kuri, ka da a gɔn sara yii bibinaa kɔ Lawa a wúlu-bɔle la, kaa wuru gɔ́ɔ̃ màn kurii bibinaa lɛa.

LAWA A BOO SONBORE 2011

¹⁰ Boo da ka Izirayeli minin lɛn nɛ, n pɛ ǹ nɛ: Masɛ bɛ́ gána mɛn lɛ koe ka la, bɛ̀ ka wɔ a nɛ ǹ mɛn waáraa, bɛ̀ ka tá kaa wuru màn kuri, ka da a gɔn sara yii bibinaa kɔ Lawa a wúlu-bɔle la, kaa wuru gɔ́ɔ̃ màn kurii bibinaa lɛa.

Lawa a wúlu-bɔlen 23:10 Iomraidhean Croise

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 23:16

«A paabaa ǹ wɔ, ka kaa wuru màn lɛ bibinaa zɔ́n zɛnaa, ka kaa wuru gɔ́ɔ̃ màn-kurii bibinaa nɛ. «A sɔɔbaa ǹ wɔ kəni, kaa-piɛ ǹ zɔ́n kɛ nɛ, ka bɛ zɛnaa lɛ̀ a nya biikoo li, bɛ̀ ka bɛ́ ka kaa wuru màn tumaa kaa piɛ.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 34:22

«Ka die ka kaa wuru màn lɛ bibinaa zɔ́n zɛnaa, kaa màn-kurii bibinaan kɛn biikoo li. Ka *kaa-piɛ zɔ́n kɛ dɔ zɛnaa lɛ̀ a nya biikoo li.

Bɔ bɛ̀rɛbaa nɛ 34:26

Ka toa, ka da ka kaa tán màn tumaa a nɛ bibinaa nɛ, masɛ a Kion kɛ nɛ, a giala, masɛ din Dɛnaa n kaa Lawa lɛa.» Ka baran bòe nɛ siĩ da ǹ dan nyɔ li ka kɔrɛ wa.

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Lawa a wúlu-bɔlen 14:34

Bɛ̀ ka wɔ Kanaan gána lɛ nɛ, masɛ bɛ́ gána mɛn lɛ koe ka la kaa wɔ lɛa, bɛa gána kɛ lɛ die kaa wɔ biɛ, bɛ̀ masɛ sulii bǎã da kion mɛn nɛ,

Lawa a wúlu-bɔlen 23:11

Wúlu-bɔle lɛ gɔn sara yii lɛ a nyaa masɛ Dɛnaa Lawa nɛ nɛ ǹ sii zɛnaa *wúlu bɔ ǹ bǎã kɛ yɔrɔ-a, màn mɛn bɛ́ toɛ, ma bǐɛ̃ kɔ ka ganaa. A bɛ zɛnaa susu ǹ pii a lɛawaa.

Lawa a wúlu-bɔlen 23:17

Ta ka n giã-n bǎã mɛn nɛ, ka soo ka buuru mìi paa nɛ walan, ka da ǹ nyaa masɛ nɛ ǹ sii zɛnaa. Ka yɔ bù kaa *wùsu sonbore kilo sɔɔ li, ka bɛa buuru lɛ da nɛ. Ka bɛ́ re kaa wuru gɔ́ɔ̃ mànan mɛnɛn kuri bibinaa nɛ, bɛn lɛn man masɛ Dɛnaa Lawa wɔn lɛa.

Lawa a wúlu-bɔlen 23:9

Dɛnaa Lawa boo da ka Muizu ni á pɛ nɛ:

Minin nimi 15:2

«Boo da Izirayeli minin lɛn nɛ, n pɛ ǹ nɛ kɛnɛn: Bɛ̀ ka dɔ kaa giã ǹ gána lɛ nɛ, gána mɛn lɛ á ke masɛ ń koe ka la,

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Rɔmu minin 11:16

Bɛ̀ n wii dii bibinaa kɔ Lawa la, ma nə́ n ná a gialakun kɛ tumaa dɔ kɔ la. Bɛ̀ da gòonən nə́ n kɔ Lawa la, da lɛ a gùrùn dɔn man nə́ n kɔ la.

Timəə dí-pɛn 16:9

Bɛ̀ ǹ nə́ *belee kurii giala kɔ, a saa bɛa waáraa lɛ ganaa, ka piizii sɔbaa nimi.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Zozoe 3:15

Sonbore, Zurdɛ̃ tà gòã lɛ piɛ̃maa-n ka mu ni, yǎa kaa-piɛ nyɛɛ. Wúlu-bɔlen mɛnɛn bɛ́ lɛ kɔ kɔn la ǹ goo lɛ guĩ, bɛn dinin gòã mɛ tà lɛkoro lɛ-a mu lɛ li lɔn gɔrɔ,

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.

Uruti 1:22

Naomii na á daa ka bɛa yɔrɔ kɛ lɛ nɛ, kun ka ǹ manaa Uruti ni. Uruti lɛ n Moabu tɔrɔ lɛa, boe Moabu gána nɛ. Ǹ bɛ́ doe Bɛtlehɛmu kiwi, bɛ̀ *ɔrzi-kurii biikoo ne.