Lawa a wúlu-bɔlen 21:12 - LAWA A BOO SONBORE

¹² A doamaa bie a soo, bɛ̀ a n bɔ masɛ a bǎã sonbore kɛ nɛ, a wo bǎã tumaa-n wa. Bɛ̀ á bɛ zɛnaa, a n die masɛ a bǎã lɛ ziziɛ̃. A giala, Lawa a nyɔɔ sonbore kɛ na á n kaa wúlu-bɔle lɛ mìi ni, ǹ nə́ bɔ ǹ nə́ koa, mà a masɛ a dí nya. Masɛ din ni Dɛnaa Lawa lɛa.

LAWA A BOO SONBORE 2011

¹² A doamaa bie a soo, bɛ̀ a n bɔ masɛ a bǎã sonbore kɛ nɛ, a wo bǎã tumaa-n wa. Bɛ̀ á bɛ zɛnaa, a n die masɛ a bǎã lɛ ziziɛ̃. A giala, Lawa a nyɔɔ sonbore kɛ na á n kaa wúlu-bɔle lɛ mìi ni, ǹ nə́ bɔ ǹ nə́ koa, mà a masɛ a dí nya. Masɛ din ni Dɛnaa Lawa lɛa.

Lawa a wúlu-bɔlen 21:12 Iomraidhean Croise

Bɔ bɛ̀rɛbaa nɛ 28:36

«Bɛ kio doo, n nyaǹ màn zɛnaa ka sana yoreen yoreen ne, ka da buu bɛ́ lɔn, ń kiɛ̃ a ganaa ka ǹ bɛ́ gòã-kurii diɛ màn ganaa lɔn, mà "Kɛ n Dɛnaa wɔ lɛa."

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Lawa a wúlu-bɔlen 10:7

Sɛnɛ, kasɛn kɛn, ka doamaa bie ka soo ka n bɔ kɔn yɛ ǹ kion kɛ-n wa. Bɛ̀ ka bɛ zɛnaa, ka á re giɛ̃. A giala, bɔ a koa ǹ nyɔɔ kɛ na á n kaa ka mìi ni, ǹ nə́ ka bɔ ǹ nə́ ka koa Dɛnaa Lawa a dí-nyalin lɛa. Ǹ nə́ zɛnaa á kɔnpɛ ka Muizu a boo lɛ nɛ.

Lawa a wúlu-bɔlen 21:13

Nɛlɔ mɛn bɛ́ a tɔn giĩ dɔ̃ wa, a bɛ saa lɔ lɛa.

Lawa a wúlu-bɔlen 8:30

Bɛ kio, Muizu bɔ a koa ǹ nyɔɔ kɛ laanka mà kɔn saa màn nɛ, wúlu bɔ ǹ bǎã kɛ lalan. A ǹ pɛpɛsɛ̃ Aarɔn laanka a mɔnaan ganaa, á ǹ pɛpɛsɛ̃ a nɛgiĩn lɛn dɔn laanka ǹ mɔnaan ganaa. A na á zɛnaa miɛ̃ á Aarɔn laanka a mɔnaan baa Lawa wɔn lɛa, á ná a nɛgiĩn lɛn dɔn laanka ǹ mɔnaan baa Lawa wɔn lɛa.

Minin nimi 6:6

A din-kɔ Dɛnaa Lawa la biikoo lɛ tumaa gɔ́ɔ̃ nɛ, a baran n mɔrɔ min kɔn gere ganaa wa.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.