Lawa a wúlu-bɔlen 21:10 - LAWA A BOO SONBORE

¹⁰ Wúlu-bɔlen kiã n wúlu-bɔlen mìi la. Nyɔɔ na á n kaa a din lɛ mìi ni, ǹ nə́ bɔ ǹ nə́ koa, ǹ nə́ dí wɔ a gɔn. A doamaa nɛ, a na a dí lɛ a nya ǹ mɔnaan wɔ. A doamaa bie a n mìi ka toa lɔloɛ-n kɔn ka gɛ̀ na á gã la wa, a doamaa bie a na a mɔnaan dɔn tɔtoɛ̃, a na a foo busii nyaa-n wa.

LAWA A BOO SONBORE 2011

¹⁰ Wúlu-bɔlen kiã n wúlu-bɔlen mìi la. Nyɔɔ na á n kaa a din lɛ mìi ni, ǹ nə́ bɔ ǹ nə́ koa, ǹ nə́ dí wɔ a gɔn. A doamaa nɛ, a na a dí lɛ a nya ǹ mɔnaan wɔ. A doamaa bie a n mìi ka toa lɔloɛ-n kɔn ka gɛ̀ na á gã la wa, a doamaa bie a na a mɔnaan dɔn tɔtoɛ̃, a na a foo busii nyaa-n wa.

Lawa a wúlu-bɔlen 21:10 Iomraidhean Croise

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Loen 133:2

A n ka nyɔɔ gìĩ kɔɔ̃n kɛ bɛ́ lɔn, bɛ̀ ǹ kaa Aarɔn mìi ni, bɛ̀ a gisĩ a mìi ni, a wo a lɛtoro ka yaa, bɛ̀ a gisĩ a lɛtoro ka ganaa, a wo a dɔnkɛ wìi yaa.

Bɔ bɛ̀rɛbaa nɛ 29:7

Bɛ kio, n min koa Lawa wɔ lɛa ǹ nyɔɔ kɛ saa, n kaa a mìi ni, n koa masɛ Lawa wɔ lɛa.

Ezekieli 24:17

«Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Lawa a wúlu-bɔlen 13:45

Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

Lawa a wúlu-bɔlen 16:32

Ǹ nyɔɔ kaa min mɛn mìi ni, ǹ nə́ bɔ ǹ nə́ koa Lawa a wúlu-bɔle lɛa, ǹ nə́ dí wɔ a gɔn, mà a nya ǹ dí bǎã nɛ, bɛ n sii baraa sawaa ǹ wúlu lɛ boe. Lawa a dí nya ǹ dɔnkɛn kɛn, ǹ nə́ ǹ zɛnaa ka mɔnaa guguru sonbore ne, a doamaa nɛ a bɛn wɔ.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 8:12

Á bɛa nyɔɔ lɛ kɔn kaa Aarɔn mìi ni, á bɔ á koa Lawa wɔ lɛa.

Minin nimi 35:25

Zaman lɛ die a gɛ̀-dɛle lɛ si gɛ̀ dòo-bɔle lɛ la ǹ da. Gɛ̀-dɛli lɛ goã á woo n mìi duru duru ǹ kiwi mɛn nɛ, zaman lɛ die ǹ kũ ǹ wo-n walan doo. A die a goã walan yǎa Lawa a wúlu-bɔlen kiã kɛ giɛ̃, ǹ nyɔɔ sonbore lɔ ǹ mɛn lɛ-a, ǹ nə́ koa.

Minin nimi 6:7

Ta ǹ di ni hinlaa ǹ dan nɛ, Ta ǹ dɔɔ̃ngiĩ hinlaa ǹ miãnɛn nɛ, bɛ̀ bɛ mɛn gã, a doamaa bie a n mɔrɔ a gere-a, a *gɔ̀ da a din-a wa. A giala, a din-kɔ Lawa la lɛ a sii a kɔnboe tá a mìi ni.

Matiə 26:65

Lawa a wúlu-bɔlen kiã nɔmaa a ná a din a mɔnaan kũ á ǹ toɛ̃, á pɛ: «Á Lawa tɔ ziziɛ̃! Wɔsɛn laadoo ba siére kɔsɔ-a doo wa! Ka bɛ́ ka a Lawa tɔ ziziɛ̃ ǹ boo lɛ ma.