Lawa a wúlu-bɔlen 21:1 - LAWA A BOO SONBORE

¹ Dɛnaa Lawa pɛ Muizu ni: Boo da ka wúlu-bɔle Aarɔn tɔrɔn kɛn nɛ, n pɛ ǹ nɛ: Lawa a wúlu-bɔle kɔn doamaa bie a n mɔrɔ ǹ dɔɔ̃n gere ganaa, a *gɔ̀ da a din-a wa,

LAWA A BOO SONBORE 2011

¹ Dɛnaa Lawa pɛ Muizu ni: Boo da ka wúlu-bɔle Aarɔn tɔrɔn kɛn nɛ, n pɛ ǹ nɛ: Lawa a wúlu-bɔle kɔn doamaa bie a n mɔrɔ ǹ dɔɔ̃n gere ganaa, a *gɔ̀ da a din-a wa,

Lawa a wúlu-bɔlen 21:1 Iomraidhean Croise

Ezekieli 44:25

«Lawa a wúlu-bɔle baran wo gere la wa, a kiɛ̃ a gɔ̀ da a din ganaa. Yǎa ǹ di gere, hinlaa ǹ dan wɔ, hinlaa a nɛgiĩ wɔ, hinlaa a nɛlɔ wɔ, ǹ dɔɔ̃n hinlaa ǹ miãnɛn wɔ, ǹ mɛn bɛ́ a tɔn wɔ giĩ li wa.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Lawa a wúlu-bɔlen 19:28

Ka baran wɔ̀lɔ̀ da ka dinin ganaa gere a lɛa wa. Ka baran nyaǹ dɔ kiɛ̃ ka dinin ganaa wa. Masɛ din nə Dɛnaa Lawa lɛa.

Lawa a wúlu-bɔlen 21:11

A doamaa bie a wo min kɔn gere la wa. Haalɛ ǹ di laanka ǹ dan a gɛ̀ li, a doamaa bie a gɔ̀ da a din ganaa wa.

Malakii 2:1

Gɔn waa ma n boo á ke masɛ Dɛnaa Lawa Pàãyiidɛnaa n pii ka Lawa a wúlu-bɔlen manɛ:

Malakii 2:4

Ka á re doɛ̃ ka bɛ-n mà masɛ Dɛnaa Lawa Pàãyiidɛnaa n má gɔn waa ǹ boon kɛn da, ma á lɛ kɔ kɔn la kɛ tamɛɛ nɛ ma bii ni ka *Levii tɔrɔn nɛ.

Minin nimi 19:11

«Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 19:14

«Bɛ̀ min gã mɔnaa zìã nɛ, bɛa dí-pɛ á ke: bɛ̀ min woo min wɔ mɔnaa zìã lɛ nɛ, hinlaa bɛ̀ min woo min tá a gɔ́ɔ̃-n lɛlɛndun, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 19:16

Don gɔ́ɔ̃ nɛ, bɛ̀ min mɛn nə́ n gɔn da min gere ganaa, kana gere mɛn nə́ ke zia wɔ lɛa hinlaa min mɛn bɛ́ á gã kooro, hinlaa bɛ̀ min mɛn nə́ n gɔn da min wen ganaa, hinlaa gere yala ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 5:2

«A pɛ Izirayeli minin lɛn manɛ, ǹ gɔ̀nɔn ki busu babaraadɛnaa din tumaa kaa para-a ǹ bɔ giã ǹ bǎã lɛ nɛ, ka min mɛn tumaa bɛ́ kii mu a da a din li ǹ busu ná a ganaa, hinlaa min mɛn tumaa bɛ́ gere *gɔ̀ da a ganaa.

Minin nimi 6:6

A din-kɔ Dɛnaa Lawa la biikoo lɛ tumaa gɔ́ɔ̃ nɛ, a baran n mɔrɔ min kɔn gere ganaa wa.