Lawa a wúlu-bɔlen 20:5 - LAWA A BOO SONBORE

⁵ masɛ dinmaa á die n bɔyɛɛ man yɔrɔ da bɛa dɛnaa laanka a tanlɛ minin la, min mɛn tumaa bɛ́ re Molɛki lɛ guguru koe kun ni, ma ǹ waa, ma ǹ bɔ Izirayeli tɔrɔ bii.

LAWA A BOO SONBORE 2011

⁵ masɛ dinmaa á die n bɔyɛɛ man yɔrɔ da bɛa dɛnaa laanka a tanlɛ minin la, min mɛn tumaa bɛ́ re Molɛki lɛ guguru koe kun ni, ma ǹ waa, ma ǹ bɔ Izirayeli tɔrɔ bii.

Lawa a wúlu-bɔlen 20:5 Iomraidhean Croise

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Zeremii 44:11

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Man die yui ka gialaa, ma koe bɔ ka ganaa, ma Zudaa gána a zaman tumaa dɛ.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 20:4

Bɛ̀ gána lɛ a minin nə́ bɛ miã siin lɛn yɛ, ǹ nə́ n yii tã a ganaa, ǹ nə́ ǹ ba li ǹ nə ǹ dɛnaa dɛ wa,

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.