Lawa a wúlu-bɔlen 20:3 - LAWA A BOO SONBORE

³ Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

LAWA A BOO SONBORE 2011

³ Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 20:3 Iomraidhean Croise

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Ezekieli 20:39

Izirayeli minin lɛn, sisia kəni, man kɛ pii ka nɛ: «Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ezekieli 5:11

Dɛnaa Lawa a da ǹ boo á ke: Ma tɔ taman yii, ka bɛ́ ka *gɔ̀ da maa kion sonbore kɛ ganaa kaa sii babaraan kɛn tumaa laanka kaa sii bɔbɔnɛɛn kɛn tumaa nɛ, man die ka dii lenlen, ka ǹ bɛ́ min mìi koɛ̃ lenlen lɔn. Ma a re makara boe ka ganaa wa, ma a re ka toɛ walan wa.

Lawa a wúlu-bɔlen 15:31

Muizu laanka Aarɔn ganaa, ka pɛ Izirayeli minin lɛn manɛ: Bɛ̀ gɔ̀ tá ka mɛn ganaa, n giã tìãlɛ-a. Masɛ a giã ǹ kion mɛn bɛ́ ka bii, bɛ̀ ka gɔ̀ lɔ bɛ ganaa wa, ka a re giɛ̃ wa.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Lawa a wúlu-bɔlen 19:12

Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.

Lawa a wúlu-bɔlen 20:4

Bɛ̀ gána lɛ a minin nə́ bɛ miã siin lɛn yɛ, ǹ nə́ n yii tã a ganaa, ǹ nə́ ǹ ba li ǹ nə ǹ dɛnaa dɛ wa,

Lawa a wúlu-bɔlen 21:6

Ǹ doamaa nɛ ǹ nə n dinin kɔ maa dí la, ǹ nə n nyɛnaa ma tɔ kɛ a ziziɛ̃ nɛ. Ǹ dinin lɛn man Dɛnaa Lawa a wúlu mànan koe la. Bɛ nə ǹ Lawa lɛ a màn-bii lɛa. Bɛ lɛ taman yii, ǹ doamaa nɛ ǹ goã *yoreene.

Lawa a wúlu-bɔlen 7:20

Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Lawa a wúlu-bɔlen 7:21

Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Minin nimi 19:13

Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

Minin nimi 19:20

«Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Piɛrɛ1 3:12

A giala, Dɛnaa n giɛ sii pepere-zɛnaalin walan, a too n koo ǹ nyankɔ li, sɛnɛ, Dɛnaa nə n piɛ̃ ka baraa-zɛnaalin ni.»