Lawa a wúlu-bɔlen 2:3 - LAWA A BOO SONBORE

³ Lawa gɔ ǹ màn lɛ a gialakun mɛn goã, bɛ n Aarɔn laanka a minin wɔ lɛa. Bɛ nə ǹ dininsɔɔ̃nɔn wɔ lɛa, a giala, Lawa gɔ ǹ wɔ mɛn lɛ bɛ́ ǹ nə́ ǹ kɔn tã, a na á bɔ bɛ nɛ.

LAWA A BOO SONBORE 2011

³ Lawa gɔ ǹ màn lɛ a gialakun mɛn goã, bɛ n Aarɔn laanka a minin wɔ lɛa. Bɛ nə ǹ dininsɔɔ̃nɔn wɔ lɛa, a giala, Lawa gɔ ǹ wɔ mɛn lɛ bɛ́ ǹ nə́ ǹ kɔn tã, a na á bɔ bɛ nɛ.

Lawa a wúlu-bɔlen 2:3 Iomraidhean Croise

Ɛsidrasi 2:63

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Bɔ bɛ̀rɛbaa nɛ 29:37

Bɛ dɔ a siin zɛnaa doamaa nɛ, ǹ belebɔ yǎa lɛawaa sɔbaa. Bɛ tumaa kio kəni, wúlu bɔ ǹ bǎã lɛ á re goɛ̃ bǎã sonbore sonbore lɛa, min hinlaa màn mɛn bɛ́ re n loe a ganaa, bɛ á re soɛ̃ màn biɛ.

Ezekieli 44:29

Ǹ dinin man die Lawa gɔ ǹ mànan kɛn bii, ǹ sii baraa sawaa ǹ wúlu mànan kɛn siĩ sɔ̃. Bɛ̀ ǹ nə́ màn mɛn koa maa wɔ lɛa yǎa duduu, bɛ á re ǹ wɔ biɛ.

Ezekieli 46:20

Á tɔ́n pɛ ma nɛ: «Ǹ bɛ́ re sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan mɛnɛn dii, wúlu-bɔlen lɛn doamaa nɛ, ǹ nə ǹ kɔrɛ kanaa, ǹ Lawa gɔ ǹ mànan kɛn dɔn tã. Ǹ zɛnaa miɛ̃ màn mɛn bɛ́ toɛ ǹ baran wo ka màn kɔn nɛ sɔmɔ gɔ́ɔ̃ kɛ nɛ, ǹ sii saa ǹ kaa zaman lɛ ganaa wa.»

Lawa a wúlu-bɔlen 10:15

Tɔɔ lɛ nyàa kɛ laanka a tìãbii ke, ǹ nə́ kɔ Lawa la, a kɔlen lɛn nə da bɛn laanka a nyɔɔ kɛ nɛ ǹ nə́ tiɛ̃, ǹ nə ǹ kɔ ǹ sii zɛnaa Dɛnaa Lawa yɔrɔ-a. Bɛ kio, bɛa mànan lɛn man doe n din laanka n nɛgiĩn ganaa. Ka Dɛnaa Lawa pɛ lɔn, Bɛ lɛ n die goɛ̃ kaa wɔ gii lɛa yǎa duduu.

Lawa a wúlu-bɔlen 14:13

a tɔn na a bɔlɔ kuru Lawa a bǎã kɛ nɛ, ǹ nə ǹ mɛn lɛ koa sii baraa sawaa ǹ wúlu màn laanka wúlu màn tã ǹ bǎã lɛa. Zɛ̀rɛ si Lawa la ǹ wúlu màn laanka sii baraa sawaa ǹ wúlu màn kɛ a sii n goon: A siĩ n doe Lawa a wúlu-bɔle ganaa. A giala, Lawa wɔ nɛ.

Lawa a wúlu-bɔlen 2:10

Lawa gɔ ǹ màn lɛ a gialakun mɛn goã, bɛ n Aarɔn laanka a minin wɔ lɛa. Bɛ nə ǹ dininsɔɔ̃nɔn wɔ lɛa, a giala, Dɛnaa Lawa wɔ mɛn bɛ́ ǹ nə́ ǹ kɔn tã, a na á bɔ bɛ nɛ.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 5:13

Wúlu-bɔle lɛ doamaa nɛ a sii baraa zɛnaali lɛ a sii baraa sawaa ǹ wúlu bɔ miɛ̃, Lawa dɔ á re a sii baraan toɛ nɛ. Wúlu-bɔle lɛ doamaa nɛ a bɛa wúlu lɛ a sii yɔrɔ bɔ ka a bɛ́ á Lawa gɔ ǹ wɔ kɛ a sii yɔrɔ bɔ lɔn.

Lawa a wúlu-bɔlen 6:9

Ǹ mɛn bɛ́ goɛ̃, Aarɔn laanka a nɛgiĩn kɛn tá boe la ǹ bɛ bii. Sɛnɛ, yɔ bù doamaa bie a goã li wa. Ǹ bǎã mɛn bɔ ǹ nə́ koa Lawa wɔ lɛa, ǹ doamaa nɛ ǹ bii walan, kɔn yɛ ka Lawa nɛ ǹ kion kɛ a sumu-n.

Lawa a wúlu-bɔlen 7:7

Sii baraa sawaa ǹ wúlu bɛ́ n boe lɔn, zɛ̀rɛ si Lawa la ǹ wɔ lɛ dɔ nə n boe miɛ̃. Ǹ dinin paanan a zɛnaa ǹ gɔn nə goon. Wúlu-bɔle mɛn sii baraa sawaa ǹ wúlu lɛ bɔ, tɔɔ lɛ a siĩ n doe bɛ ganaa.

Lawa a wúlu-bɔlen 7:9

Lawa gɔ ǹ màn mɛn tumaa bɛ́ ǹ nə́ kɔrɛ kùsì la, hinlaa fɔlɔ donkolon ne, hinlaa màn kɔrɛ ǹ fɔlɔ kɛ la, bɛ tumaa n doe wúlu-bɔle ganaa, ǹ mɛn bɛa wúlu lɛ bɔ.

Minin nimi 18:9

Màn sonbore sonboren mɛnɛn bɛ́ ǹ ba n tiɛ̃ wa, bɛn bii, kɛ n die doe n ganaa: Izirayeli minin lɛn bɛ́ die masɛ goe ka màn mɛn tumaa nɛ, wùsu kɛ nɛ, sii baraa sawaa ǹ wúlu mànan kɛn nɛ, ka zɛ̀rɛ si ǹ wúlu mànan kɛn nɛ. Bɛa màn sonbore sonboren kɛn lɛn man die doe, n din laanka n tɔrɔn ganaa.

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.