Lawa a wúlu-bɔlen 2:14 - LAWA A BOO SONBORE

¹⁴ Bɛ̀ ǹ tá re Dɛnaa Lawa goe ka ǹ màn lɛ bibinaa nɛ, ǹ *belee sanan tã, bɛ kio, ǹ na a nàn bɔ, ǹ lɔ.

LAWA A BOO SONBORE 2011

¹⁴ Bɛ̀ ǹ tá re Dɛnaa Lawa goe ka ǹ màn lɛ bibinaa nɛ, ǹ *belee sanan tã, bɛ kio, ǹ na a nàn bɔ, ǹ lɔ.

Lawa a wúlu-bɔlen 2:14 Iomraidhean Croise

Siin Giala 4:3

Biikoo kɔ́n bɛ́ á dɔ, Kanyɛ ná a buu kɔsɔ ǹ màn lɛ kɔ́n bɔ á kɔ Dɛnaa Lawa la, *wúlu màn lɛa.

Kiin2 4:42

Ǹ kɔn pinaa, giĩ goon bɔ Baalisalisaa kiwi, á daa *ɔrzi buuru mìi fuə kɔ Lawa a boo gii-dali Yiliizee la. A da buuru mɛn lɛ kɔ la, maǹ nə́ da ka ɔrzi dii ni. Á *belee burun dɔ kɔ la boroo ne. Yiliizee nə́ n toa a dí-nyali ganaa mà a gii minin lɛn manɛ ǹ sɔ̃.

Lawa a wúlu-bɔlen 2:15

Ǹ nyɔɔ kaa bɛ lɛ li, ǹ da yon gìĩ kɔɔ̃n da la, ǹ tɔn da nɛ. Lawa gɔ ǹ màn nɛ.

Lawa a wúlu-bɔlen 2:16

Ǹ bɛ́ ǹ mɛn lɛ bíi mà yiri gisĩ sii ni ǹ màn, Lawa a wúlu-bɔle bɛ lɛ tã: belee nàn lɛ kɔn nɛ, nyɔɔ lɛ kɔn nɛ, ka da yon gìĩ kɔɔ̃n lɛ tumaa nɛ. Wúlu màn tiɛ̃ nɛ, Dɛnaa Lawa wɔ lɛa.

Lawa a wúlu-bɔlen 22:29

Bɛ̀ ka tá barka da ǹ wúlu màn dii masɛ Dɛnaa Lawa wɔ lɛa, ka zɛnaa doɛ̃, màn mɛn bɛ́ toɛ, ma lɛ kɔ a ganaa:

Lawa a wúlu-bɔlen 23:10

Boo da ka Izirayeli minin lɛn nɛ, n pɛ ǹ nɛ: Masɛ bɛ́ gána mɛn lɛ koe ka la, bɛ̀ ka wɔ a nɛ ǹ mɛn waáraa, bɛ̀ ka tá kaa wuru màn kuri, ka da a gɔn sara yii bibinaa kɔ Lawa a wúlu-bɔle la, kaa wuru gɔ́ɔ̃ màn kurii bibinaa lɛa.

Lawa a wúlu-bɔlen 23:13

Mànan mɛnɛn bɛ́ n tii bɛ ganaa Lawa gɔ ǹ wɔn lɛa, bɛn nə́ ke: *wùsu sonbore kilo sɔrɔ. Ka bɛ yia ka nyɔɔ nɛ, ka kɔ masɛ la wúlu màn lɛa, a tɛmaa gìĩ n kɔɔ̃n masɛ ganaa, kun ka duvɛ̃ litiri goon ka talɛɛ nɛ.

Lawa a wúlu-bɔlen 23:20

Wúlu-bɔle lɛ wúlu mànan lɛn nyaa Dɛnaa Lawa nɛ ǹ sii zɛnaa: sère nɛ màn paa lɛ laanka màn-kurii bibinaa lɛ a buuru ni. Bɛa mànan lɛn man doe Lawa a wúlu-bɔle ganaa, a giala, maǹ nə́ ǹ kɔ Dɛnaa Lawa la.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Minin nimi 28:2

«Boo da Izirayeli minin lɛn nɛ n pɛ ǹ nɛ, mànan mɛnɛn bɛ́ doe masɛ ganaa maa màn-bii lɛa, ǹ nə́ ǹ tiɛ̃ ǹ gìĩ kɔɔ̃n masɛ ganaa, ǹ die ǹ nə n doa ǹ da bɛn kɔ ma la a biikoo li.

Korɛnti1 15:20

Sɛnɛ, ka boo taãn nɛ, Krita lɛ yii bɛ́ á kaa bibinaa nɛ á n bɔ geren li, bɛ n nyɛɛ mà geren tumaa yii á re kiɛ.

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.