Lawa a wúlu-bɔlen 2:1 - LAWA A BOO SONBORE

¹ Bɛ̀ min mɛn tá li a Lawa gɔ ǹ wɔ bɔ a tán-kɔsiɛ màn nɛ, ǹ dɛnaa doamaa nɛ a *wùsu sonbore bɔ, a bii ǹ nyɔɔ kaa li, a da yon gìĩ kɔɔ̃n da la.

LAWA A BOO SONBORE 2011

¹ Bɛ̀ min mɛn tá li a Lawa gɔ ǹ wɔ bɔ a tán-kɔsiɛ màn nɛ, ǹ dɛnaa doamaa nɛ a *wùsu sonbore bɔ, a bii ǹ nyɔɔ kaa li, a da yon gìĩ kɔɔ̃n da la.

Lawa a wúlu-bɔlen 2:1 Iomraidhean Croise

Bɔ bɛ̀rɛbaa nɛ 29:2

Yɔ bùbaã buuru zɛnaa, n kiɔmɔsɔ̃ wùsu yaa ka nyɔɔ nɛ, yɔ bù ná a ba li wa, n da. N mɔ̀mɔ dɔ da ka nyɔɔ nɛ yɔ bù ná a ba li wa. Bɛ tumaa zɛnaa ka buuru wùsu ni.

Izayii 43:23

A da yaa n bie n goã tɔɔ bisin koe masɛ la *wúlu màn tiɛ̃ lɛa wa. N masɛ guguru kɔ ka wúlu mànan nɛ wa. Ma n baa bɛ̀rɛ lɛa má gɔn màn liɛ n la wa. Ma n nɔmaa má màn gìĩ kɔɔ̃n sii n la wa.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Ezekieli 46:20

Á tɔ́n pɛ ma nɛ: «Ǹ bɛ́ re sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan mɛnɛn dii, wúlu-bɔlen lɛn doamaa nɛ, ǹ nə ǹ kɔrɛ kanaa, ǹ Lawa gɔ ǹ mànan kɛn dɔn tã. Ǹ zɛnaa miɛ̃ màn mɛn bɛ́ toɛ ǹ baran wo ka màn kɔn nɛ sɔmɔ gɔ́ɔ̃ kɛ nɛ, ǹ sii saa ǹ kaa zaman lɛ ganaa wa.»

Zowɛli 1:9

*Belee laanka duvɛ̃ nɛ, bɛ kɔn ba yii á die Lawa a kion doo Dɛnaa Lawa gɔ ǹ màn lɛa wa. Wúlu-bɔlen mɛnɛn bɛ́ Dɛnaa Lawa a dí nyɛɛ, bɛn foo ziziɛ̃ ka gɛ̀ na á gã ǹ la.

Zowɛli 2:14

Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Lawa a wúlu-bɔlen 14:10

A lɛawaa kiwisibaa ǹ wɔ pinaa, a sère nɛ gɔ̀lɔ̀n paa kũ, wɔ̀lɔ̀ ná a ba ǹ ganaa wa, ka lɛ̀ goon sère nɛ luun ni, wɔ̀lɔ̀ ná a ba a ganaa wa. A *wùsu sonbore kilo manangɔrɔ yaa ka nyɔɔ nɛ, Lawa gɔ ǹ wɔ lɛa, a bɛ dɔ saa ka nyɔɔ litiri talɛɛ nɛ.

Lawa a wúlu-bɔlen 24:7

Ka die ka da yon gìĩ kɔɔ̃n da buuru lɛ a kaa kɔn la gogoonmaa lalan. Ka bɛ lɛ tã masɛ Dɛnaa Lawa wɔ lɛa buuru lɛ bǎã nɛ, màn mɛn bɛ́ toɛ, ka yiri goã a nɛ, mà buuru lɛ n masɛ wɔ lɛa.

Lawa a wúlu-bɔlen 5:11

Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ.

Lawa a wúlu-bɔlen 6:7

Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la.

Lawa a wúlu-bɔlen 9:17

Á daa ka Lawa gɔ ǹ wùsu kɛ dɔ nɛ, á n gɔn goon pã a nɛ, á tã wúlu bɔ ǹ bǎã lɛ lalan, kun ka baayɛlɛ a wúlu màn tiɛ̃ kɛ nɛ.

Lawa a wúlu-bɔlen 9:4

Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Minin nimi 18:9

Màn sonbore sonboren mɛnɛn bɛ́ ǹ ba n tiɛ̃ wa, bɛn bii, kɛ n die doe n ganaa: Izirayeli minin lɛn bɛ́ die masɛ goe ka màn mɛn tumaa nɛ, wùsu kɛ nɛ, sii baraa sawaa ǹ wúlu mànan kɛn nɛ, ka zɛ̀rɛ si ǹ wúlu mànan kɛn nɛ. Bɛa màn sonbore sonboren kɛn lɛn man die doe, n din laanka n tɔrɔn ganaa.

Minin nimi 28:5

*Wùsu sonbore mɛn nə́ ke ka yia ka *olivie nyɔɔ sonbore litiri goon ka talɛɛ nɛ, ǹ bɛa kilo sɔɔ ti ǹ ganaa.

Minin nimi 8:8

Ǹ die ǹ dii gɔ̀lɔ̀ ten goon bɔ, ka Lawa gɔ ǹ *wùsu sonbore ne, yia-n ka nyɔɔ nɛ. Bɛ kio, Muizu, n die n dii gɔ̀lɔ̀ ten kɔsɔ bɔ, sii baraa sawaa ǹ *wúlu màn lɛa.

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.