Lawa a wúlu-bɔlen 19:5 - LAWA A BOO SONBORE

⁵ Bɛ̀ ka tá barka da ǹ wúlu boe Dɛnaa Lawa wɔ lɛa, a n zɛnaa a yɔrɔ li, màn mɛn bɛ́ toɛ Dɛnaa Lawa lɛ kɔ a ganaa.

LAWA A BOO SONBORE 2011

⁵ Bɛ̀ ka tá barka da ǹ wúlu boe Dɛnaa Lawa wɔ lɛa, a n zɛnaa a yɔrɔ li, màn mɛn bɛ́ toɛ Dɛnaa Lawa lɛ kɔ a ganaa.

Lawa a wúlu-bɔlen 19:5 Iomraidhean Croise

KZS2 31:2

Ezekiasi wusoo á Lawa a wúlu-bɔlen laanka *Levii tɔrɔn kurun koa. Á didie tumaa a nya ǹ dí kɔ la, a kuru gɔ́ɔ̃ nɛ: Dɛnaa Lawa bɛ́ giã-n bǎã mɛn nɛ, Lawa a wúlu-bɔlen laanka Levii tɔrɔn man *wúlu màn tiɛ̃, ǹ nə́ zɔɔ da Lawa nɛ ǹ wúlu màn koe walan. Ǹ doamaa nɛ dɔn ǹ nə́ dí nyɛɛ Dɛnaa Lawa nɛ, ǹ nə́ barka diɛ nɛ, ǹ nə́ loe loe ǹ ná a tɔ boe ne Lawa a kion lɛ a kiɛnlɛ-a.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Ezekieli 46:12

«Bɛ̀ goledɛnaa din tá li a Dɛnaa Lawa gɔ ka màn mɛn nɛ, ta wúlu màn tiɛ̃ nɛ hinlaa ta zɔ́ɔ da Lawa nɛ ǹ wúlu màn nɛ, kiɛnlɛ mɛn yɔrɔ bɛ́ dia-n lɛ̀giala la, ǹ bɛ bũ, a na a wúlu màn tiɛ̃ laanka a zɔ́ɔ da Lawa nɛ ǹ wúlu lɛ bɔ, ka a bɛ́ zɛnɛɛ susu ǹ pii pinaa lɔn. Bɛ̀ á nya á soo, ǹ tɔn kiɛnlɛ lɛ kũ ǹ tã a kio.

Ezekieli 46:2

Bɛ̀ goledɛnaa lɛ á boe kanaa die, a doamaa nɛ a wɔ ka dàã a kiɛnlɛ kɛ nɛ, a wo n naa kiɛnlɛ lɛ a gɔnɔn ganaa. Bɛ kio, wúlu-bɔlen lɛn na a *wúlu màn tiɛ̃ laanka a barka da Lawa nɛ ǹ wúlu mànan kɔ Lawa la. Bɛ kio, goledɛnaa lɛ nə n zuməə tán kiɛnlɛ lɛ baãbii a tɔn soo. Sɛnɛ, kiɛnlɛ lɛ n die goɛ̃ koo miɛ̃, yǎa wasamiɛ̃nɛ.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 19:4

Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:6

Ka tá boe la ka wúlu bɔ ǹ siĩ lɛ sɔ̃ wúlu lɛ a bɔ pinaa, ka a lɛawaa nɛ. Bɛ̀ ǹ mɛn nə́ n si á goã bɛ kio, a lɛawaa sɔɔbaa ǹ wɔ pinaa, ka bɛ da tɛ-n, ka tã lenlen.

Lawa a wúlu-bɔlen 22:19

Sɛnɛ, bɛ̀ ka tá li ma ka lɛ si, ka da ka tɔɔ lɛ a gɔ̀lɔ̀ nɛ, wɔ̀lɔ̀ ná a ba a ganaa wa: ta dii ni, ta sère ne, ta bòe ne.

Lawa a wúlu-bɔlen 22:21

Bɛ̀ min tá barka da ǹ wúlu màn koe masɛ Dɛnaa Lawa la, a lɛ kɔ masɛ la ǹ màn lɛa, hinlaa a din a foo kɔɔ̃nbaa ǹ wɔ lɛa, á boe la a da ka tɔɔ gole ne, hinlaa ka tɔɔ boɛɛn nɛ. Sɛnɛ, bɛ̀ ǹ dɛnaa tá li masɛ na a lɛ si, yǎa tɔɔ lɛ goɛ̃ a din yii lɛa, wɔ̀lɔ̀ goon ná a ba a ganaa wa.

Lawa a wúlu-bɔlen 22:23

Dii ni, sère ne ka bòe ne, ta ǹ mɛn paǹ mɛn na a siĩn wa, hinlaa a gùn man nə́ nyaabaa kɔn ganaa, min tá boe la, a foo kɔɔ̃nbaa ǹ wúlu bɔ nɛ. Sɛnɛ, bɛ̀ lɛ kɔ Lawa la ǹ wúlu màn nɛ, Lawa a lɛ koe a ganaa wa.

Lawa a wúlu-bɔlen 22:29

Bɛ̀ ka tá barka da ǹ wúlu màn dii masɛ Dɛnaa Lawa wɔ lɛa, ka zɛnaa doɛ̃, màn mɛn bɛ́ toɛ, ma lɛ kɔ a ganaa:

Lawa a wúlu-bɔlen 7:16

Bɛ̀ min na a lɛ kɔ Lawa la lɛ piɛ̃ ka wúlu màn mɛn nɛ, hinlaa ta a din dùũ wɔ nɛ, a siĩ nə n soɛ̃ a din pinaa. Sɛnɛ bɛ̀ a gialakun goã, ǹ tá boe la, ǹ bɛ sɔ̃ a lɛawaa.

Lawa a wúlu-bɔlen 7:18

A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.