Lawa a wúlu-bɔlen 19:3 - LAWA A BOO SONBORE

³ Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

LAWA A BOO SONBORE 2011

³ Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:3 Iomraidhean Croise

Siin Giala 48:12

Zozɛfu nə́ ǹ kũ, á ǹ bɔ ǹ di lɛ gòã la, a din kaa tán a giulun.

Nehemii 9:14

Ń toa ǹ nə́ n *susu ǹ pii sonbore kɛ dɔ̃. Gɔn waa ǹ boon ne, landa boon ne, ka dí-pɛn nɛ, ń bɛn kɔ n dí-nyali Muizu la á ǹ kɔ ǹ la.

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Bɔ bɛ̀rɛbaa nɛ 20:8

- N *susu ǹ pii tamaa, n bɛ koa a gɔrɔn Lawa a lɛa.

Bɔ bɛ̀rɛbaa nɛ 21:15

«Bɛ̀ min nə́ ǹ di dɛ hinlaa ǹ dan dɛ, ǹ bɛa min kɛ lɛ dɛ a gã.

Bɔ bɛ̀rɛbaa nɛ 21:17

«Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.

Suusun 1:8

Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Suusun 23:22

Ń di mɛn nə n yɛ á n da kanaa, n too kɔ a lon. Bɛ̀ n náa zizi kɔ, n nyan na a puusə kɔ wa.

Suusun 30:11

Min tɛnɛn man Lawa bíi ǹ di li, ǹ ba barka diɛ ǹ dan ganaa wa.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 19:25

A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:30

Ma lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ maa kion kɛa sii ni. Masɛ din nə Dɛnaa Lawa lɛa.

Lawa a wúlu-bɔlen 19:31

Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Lawa a wúlu-bɔlen 26:2

Masɛ lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ masɛ a kion kɛa sii ni. Masɛ din ni Dɛnaa Lawa lɛa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Timəə dí-pɛn 27:16

Bɛ̀ min mɛn nə́ ǹ di laanka ǹ dan puusə kɔ, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 5:16

N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?