Lawa a wúlu-bɔlen 18:2 - LAWA A BOO SONBORE

² Boo da ka Izirayeli minin lɛn nɛ, n pɛ ǹ nɛ kɛnɛn: masɛ din Dɛnaa Lawa n kaa Lawa lɛa.

LAWA A BOO SONBORE 2011

² Boo da ka Izirayeli minin lɛn nɛ, n pɛ ǹ nɛ kɛnɛn: masɛ din Dɛnaa Lawa n kaa Lawa lɛa.

Lawa a wúlu-bɔlen 18:2 Iomraidhean Croise

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Ezekieli 20:5

A pɛ ǹ nɛ mà masɛ Dɛnaa Lawa n kɛ pii: «Ma bɛ́ má Izirayeli tɔrɔn lɛn yii gɔgɔɔ̃ ǹ mɛn pinaa, má n liɛ Zakɔba tɔrɔn lɛn nɛ. Má n din nyaa ǹ nɛ Ezipti gána nɛ, má n liɛ má pɛ: Ma din Dɛnaa Lawa n kaa Lawa lɛa.

Ezekieli 20:7

Má pɛ ǹ nɛ kɛnɛn: Màn bɔbɔnɛɛn kɛn ka yɔrɔ-a, didie na a wɔn goa, a ǹ zũ. Ka baran n dinin gɔgɔrɛ kɔ ka Ezipti minin dìn kɛn nɛ wa, masɛ din Dɛnaa Lawa n kaa Lawa lɛa.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 18:1

Dɛnaa Lawa boo da ka Muizu ni á pɛ nɛ:

Lawa a wúlu-bɔlen 18:30

Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 18:4

Maa sii yɔrɔ bɔ ǹ boon kɛn bɛ́ màn mɛn pii, ka bɛ zɛnaa, ka masɛ a landa boon kɛn dɔn si, ka kɔ ǹ lɛ. Ma din Dɛnaa Lawa n kaa Lawa lɛa.

Lawa a wúlu-bɔlen 19:10

Bɛ̀ ka kaa *rezɛ̃ da nɛ na, nɛ gogoon mɛn bɛ́ goɛ̃ la, ka baran bɛ na wa, a nɛ mɛn dɔ kaa tán, ka baran bɛ goa wa. Ka bɛ toa doobaan laanka gùlin manɛ. Ma din Dɛnaa Lawa n kaa Lawa lɛa.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Lawa a wúlu-bɔlen 20:23

Ma bɛ́ re tɔrɔn mɛnɛn lui ma ǹ bɔ ka nyɛɛnɛ, ka nyan toa ka n saa bɛn landa siin kɛn li wa. A giala, bɛa siin kɛn lɛn tumaa a zɛnaa na á toa, ǹ tìĩ bɔ ma nyin ni.

Lawa a wúlu-bɔlen 20:7

Ka ka dinin kũ Lawa wɔn lɛa, ka goã *yoreene. A giala, masɛ din Dɛnaa Lawa n kaa Lawa lɛa.