Lawa a wúlu-bɔlen 17:5 - LAWA A BOO SONBORE

⁵ Bɛ á die toɛ Izirayeli minin lɛn ba re woe ka ǹ tɔɔn nɛ don, mà maǹ biɛ wúlu màn lɛa wa. Ǹ tá re die ǹ koe Lawa a wúlu-bɔle la, Dɛnaa Lawa wɔ lɛa, kɔn yɛ ǹ kion kɛa kiɛnlɛ-a. Ǹ tá re wúlu boe ǹ ne Dɛnaa Lawa wɔ lɛa, barka da Dɛnaa Lawa nɛ ǹ wúlu mànan lɛa.

LAWA A BOO SONBORE 2011

⁵ Bɛ á die toɛ Izirayeli minin lɛn ba re woe ka ǹ tɔɔn nɛ don, mà maǹ biɛ wúlu màn lɛa wa. Ǹ tá re die ǹ koe Lawa a wúlu-bɔle la, Dɛnaa Lawa wɔ lɛa, kɔn yɛ ǹ kion kɛa kiɛnlɛ-a. Ǹ tá re wúlu boe ǹ ne Dɛnaa Lawa wɔ lɛa, barka da Dɛnaa Lawa nɛ ǹ wúlu mànan lɛa.

Lawa a wúlu-bɔlen 17:5 Iomraidhean Croise

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Siin Giala 22:13

Abrahamu nə́ n yii saa á ga, bɛ̀ sère gɔ̀lɔ̀ goon bɛ́ daã gòã li, gagasa kũ a bɛnɛn ganaa, a n golee ne. Abrahamu kiɛ̃ á woo bɛ lɛ bɔ, á wúlu bɔ nɛ a nɛgiĩ Izaaki bǎã nɛ, a ná a siĩ tã ka lenlen.

Siin Giala 22:2

Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Siin Giala 31:54

Bɛ kio, Zakɔba wúlu bɔ kele lɛ la, á lɛ dia a minin lɛn la, mà ǹ da màn bii. Ǹ nə́ màn bii, ǹ nə́ waa kele lɛ la walan.

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin1 3:2

Zaman lɛ na á goã wúlu boe wúlu bɔ ǹ bǎãn dininsɔɔ̃nɔn nɛ, a giala, bɛa biikoo lɛ li, bɛ̀ ǹ tɔn Lawa tɔ kion dɔ bɔrɔ wa.

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin2 16:4

Á goã wúlu boe bɛ̀ a màn giĩ kɔɔ̃n tã, wúlu bɔ ǹ bǎãn la, tentenen la nɛ, dan mɛnɛn tumaa luu bɛ́ buruu ka bɛn giulun ni.

Kiin2 17:10

Izirayeli minin lɛn man nə́ tíĩn laanka bìbìn doa, dì Aseeraa kɛ wɔ lɛa, tenten gogoonmaa la, da mɛn tumaa bɛ́ a luu n tì, ka bɛn giulun ni.

KZS2 28:4

Á goã wúlu boe bɛ̀ a màn gìĩ kɔɔ̃n tã, wúlu bɔ ǹ bǎãn la, tentenen la nɛ, dan mɛnɛn tumaa luu bɛ́ buruu ka bɛn giulun ni.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 22:9

N piɛ Zeruzalɛmu, tɔ-ziziɛ̃lin tan, ǹ nə́ minin kiɛ gɛ̀-dɛ ganaa. Kiwi lɛ nɛ, ǹ nə́ dì wúlu bɔ ǹ mànan bii kelen la, ǹ nə́ sii gɛsɛn zɛnaa.

Ezekieli 43:27

Bɛ̀ bɛa lɛawaan lɛn nə́ kiɛ̃, a saa a lɛawaa kiwisibaa ǹ wɔ ganaa a woo kəni, Lawa a wúlu-bɔlen lɛn tá boe la, ǹ wúlu màn tiɛ̃ laanka barka da Lawa nɛ ǹ wúlu mànan sii yɔrɔ bɔ wúlu bɔ ǹ bǎã lɛ lalan. Bɛa biikoo li kəni, ma á re n too koe ǹ lon. Ma din Dɛnaa Lawa a da ǹ boo ne.»

Ezekieli 44:15

«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 17:6

Wúlu-bɔle lɛ die a bɛa tɔɔ lɛ a mà pɛsɛ̃ Dɛnaa Lawa a *wúlu bɔ ǹ bǎã kɛ ganaa, kɔn yɛ ǹ kion kɛa kiɛnlɛ-a. A nyɔɔ ke, a die a bɛ tã wúlu màn lɛa, a tɛmaa gìĩ n kɔɔ̃n Dɛnaa Lawa ganaa.

Timəə dí-pɛn 12:2

Ka bɛ́ re tɔrɔn mɛnɛn lɛn lui, bɛn nə ǹ dìn guguru kɔ bǎãn mɛnɛn nɛ, kele sasan la, tentenen la, da yiikoonaan giulun, ka die ka bɛa bǎãn lɛn tumaa wuru lenlen.