Lawa a wúlu-bɔlen 17:11 - LAWA A BOO SONBORE

¹¹ A giala, màn yiikoonaa tumaa a yiikoonaabaa na a mà nɛ. Masɛ dɔ n má mà lɛ kɔ ǹ la, má ǹ nə ǹ dinin sii baraa sawaa ǹ wúlu bɔ nɛ, wúlu bɔ ǹ bǎã kɛ lalan. Mà lɛ n toɛ min a sii baraan nə n toa nɛ, a giala, yiikoonaabaa lɛ n mà nɛ.

LAWA A BOO SONBORE 2011

¹¹ A giala, màn yiikoonaa tumaa a yiikoonaabaa na a mà nɛ. Masɛ dɔ n má mà lɛ kɔ ǹ la, má ǹ nə ǹ dinin sii baraa sawaa ǹ wúlu bɔ nɛ, wúlu bɔ ǹ bǎã kɛ lalan. Mà lɛ n toɛ min a sii baraan nə n toa nɛ, a giala, yiikoonaabaa lɛ n mà nɛ.

Lawa a wúlu-bɔlen 17:11 Iomraidhean Croise

Siin Giala 9:4

Sɛnɛ, ka baran siĩ sɔ̃, ka a mà ná a-n wa. A giala, yiikoonaabaa lɛ n mà nɛ.

Lawa a wúlu-bɔlen 1:5

A die a bɛa tɔɔ lɛ dɛ kɔn yɛ ka Lawa nɛ ǹ kion lɛ yɔrɔ-a. Aarɔn a nɛgiĩn, Lawa a wúlu-bɔlen kɛn, bɛn min goon die a da ka tɔɔ lɛ mà nɛ, a bɛa mà lɛ pɛpɛsɛ̃ *wúlu bɔ ǹ bǎã kɛ wàãn ganaa, ǹ nə ǹ mɛn lɛ dɔ kɔn yɛ ǹ kion lɛ a kiɛnlɛ-a.

Lawa a wúlu-bɔlen 16:11

Aarɔn dii gɔ̀lɔ̀ lɛ dɛ a din a sii baraa sawaa ǹ wúlu màn lɛa, a sii baraa sawaa ǹ wúlu bɔ nɛ, a din laanka a kion minin lɛa. Bɛ̀ á bɛa dii gɔ̀lɔ̀ lɛ dɛ a din a sii baraa a lɛa ǹ mɛn waáraa,

Lawa a wúlu-bɔlen 17:12

Bɛ lɛ na á toa má pɛ Izirayeli minin lɛn manɛ: Ka kɔn nyan toa ka màn mà wɔ ka lɛ-n wa. Gùli mɛn bɛ́ giã nɛ ka bii, bɛ dɔ nyan toa a màn mà wɔ a lɛ-n wa.

Lawa a wúlu-bɔlen 17:14

A giala, bɛ̀ màn yii á koo ǹ mɛn waáraa, a yiikoonaabaa lɛ n ka a mà nɛ. Bɛ lɛ n ke má pɛ Izirayeli minin lɛn manɛ, máa ǹ nyan toa ǹ màn kɔn a mà wɔ ǹ lɛ-n wa. A giala, màn din tumaa a yiikoonaabaa, a mà nɛ. Bɛ̀ min mɛn wɔ a lɛ-n, ǹ doamaa nɛ ǹ bɛa dɛnaa loo.

Lawa a wúlu-bɔlen 4:25

Wúlu-bɔle lɛ goon nə n gòon sã bɛa tɔɔ lɛ a mà li, á lɔ wúlu bɔ ǹ bǎã kɛ karan ganaa. Bɛ kio, a tɔn mà lɛ a gialakun kɛ kaa tán wúlu bɔ ǹ bǎã lɛ genli.

Lawa a wúlu-bɔlen 4:26

Tɔɔ lɛ a nyɔɔ tumaa, a bɛ tã wúlu bɔ ǹ bǎã kɛ lalan, ka a bɛ́ á barka da Lawa nɛ ǹ wúlu màn lɛ wɔ baa lɔn. Wúlu-bɔle lɛ doamaa nɛ, a goledɛnaa lɛ a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Marki 14:24

Yezu tɔ́n pɛ ǹ nɛ: «Masɛ mà n ka kɛ nɛ, á kaa minbuiin tumaa a kirisibaa a lɛa, á n nyɛɛ mà Lawa lɛ kɔ kɔn la wɔ ka minbuiinin ni.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Timəə dí-pɛn 12:23

Sɛnɛ, ka n doa taãn-taãnɛ, ka nyan toa ka màn mà sɔ̃ wa. A giala, yiikoonaabaa lɛ n mà nɛ. Bɛ lɛ nɛ, ka baran siĩ sɔ̃ ka a mà na a-n wa.

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Ebrəə 13:12

Bɛ lɛ a lɛa nɛ, Yezu dɔ́ gɛ̀ wɔ kiwi lɛ kio, á zaman lɛ *yoreen kɔ ka a din mà nɛ.

Ebrəə 9:22

A kɔnpɛ ka Dí-pɛ nɛ, a n goon ka màn din tumaa n yoreen koe, ka mà nɛ. Bɛ̀ mà kaa wa, sii baraa toa ba yii wa.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.