Lawa a wúlu-bɔlen 16:5 - LAWA A BOO SONBORE

⁵ A pɛ Izirayeli zaman lɛ nɛ, ǹ butumu màn paa kɔ la, a die a bɛn baa sii baraa sawaa ǹ wúlu màn lɛa, ka sère gɔ̀lɔ̀ goon ne, a die a bɛ baa wúlu màn tiɛ̃ lɛa.

LAWA A BOO SONBORE 2011

⁵ A pɛ Izirayeli zaman lɛ nɛ, ǹ butumu màn paa kɔ la, a die a bɛn baa sii baraa sawaa ǹ wúlu màn lɛa, ka sère gɔ̀lɔ̀ goon ne, a die a bɛ baa wúlu màn tiɛ̃ lɛa.

Lawa a wúlu-bɔlen 16:5 Iomraidhean Croise

KZS2 29:21

Ǹ nə́ daa ka dii gɔ̀lɔ̀ sɔbaa nɛ, sère gɔ̀lɔ̀ sɔbaa nɛ, sère ten sɔbaa nɛ ka butumu sɔbaa nɛ, ǹ nə́ kɔ Lawa la, sii baraa sawaa ǹ wúlu mànan lɛa, bɛa wúlu mànan kɛn manə n koe kii kion wɔ lɛa, Lawa a kion kɛ wɔ nɛ, ka Zudaa zaman nɛ. Kii lɛ pɛ Aarɔn tɔrɔn manɛ, Lawa a wúlu-bɔlen lɛa mà ǹ mànan lɛn dɛ Dɛnaa Lawa a wúlu bɔ ǹ bǎã kɛ nɛ.

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 8:14

Bɛ kio, ǹ bɛ́ re dii gɔ̀lɔ̀ mɛn biɛ sii baraa sawaa ǹ wúlu màn lɛa, Muizu pɛ, mà ǹ bɛ baã ǹ da nɛ. Aarɔn laanka a nɛgiĩn lɛn nə́ n gɔn dada bɛa dii gɔ̀lɔ̀ lɛ mìi ni.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Lawa a wúlu-bɔlen 9:2

Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a.

Minin nimi 29:11

Ka bɛ dɔ nɛ, ka butumu goon baa sii baraa sawaa ǹ wúlu màn lɛa, ka da sii baraa toa ǹ lɛawaa gole kɛa sii baraa sawaa ǹ wúlu màn lɛ la, ka baraabaraa a wúlu màn tiɛ̃ kɛ laanka a Lawa gɔ ǹ wùsu kɛ nɛ, ka Lawa gɔ ǹ duvɛ̃ kɛ nɛ bɛ̀ ka ti ǹ ganaa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.