Lawa a wúlu-bɔlen 16:16 - LAWA A BOO SONBORE

¹⁶ A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

LAWA A BOO SONBORE 2011

¹⁶ A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

Lawa a wúlu-bɔlen 16:16 Iomraidhean Croise

Bɔ bɛ̀rɛbaa nɛ 30:10

Gunyin goon lɛ̀ goon gɔ́ɔ̃ nɛ, Aarɔn die a *gɔ̀ bɔ a ganaa, a na a yoreen kɔ. Bɛ̀ á tɔɔ mɛn dii sii baraan toa ǹ wúlu màn lɛa, a die a bɛ mà lɔ bǎã lɛ a bìbìn kɛn ganaa. Bɛa sii lɛ nə n zɛnaa lɛ̀ woo lɛ̀, yǎa duduu. Màn gìĩ kɔɔ̃n tã ǹ bǎã kɛ lɛ n die goɛ̃ masɛ wɔ lɛa, a n die goɛ̃ bǎã sonbore lɛa.»

Lawa a wúlu-bɔlen 16:17

Bɛ̀ Aarɔn tá we kɔn yɛ ǹ kion kɛ nɛ ǹ mɛn waáraa, a n woe sii baraa sawaa ǹ wúlu boe bǎã sonbore sonbore kɛ nɛ, min kɔn doamaa bie a goã walan wa, yǎa Aarɔn soe. A sii baraa sawaa ǹ wúlu bɔ a din a lɛa, a kion minin lɛa, Izirayeli zaman tumaa a lɛa.

Lawa a wúlu-bɔlen 16:18

Wúlu bɔ ǹ bǎã mɛn lɛ á ke kɔn yɛ ka Dɛnaa Lawa nɛ ǹ kion lɛ yɔrɔ-a, a wusoo a da walan, a gɔ̀ bɔma-a ǹ landa zɛnaa bɛ dɔ a lɛa. A dii gɔ̀lɔ̀ lɛ laanka butumu lɛ mà saa, a kaa wúlu bɔ ǹ bǎã kɛ a bìbìn ganaa, a gùrùn ganaa.

Lawa a wúlu-bɔlen 23:27

A din mui sɔbaabaa ǹ wɔ lɛ a lɛawaa fùbaa ǹ wɔ pinaa, bɛ n sii baraa sawaa ǹ wúlu bɔ ǹ lɛawaa gole lɛa. Ka n lɛ sɔkɔn bɛa pinaa, ka n lɛ sɔɔ, ka wúlu mànan tã masɛ Dɛnaa Lawa wɔ lɛa, ka ma guguru kɔ.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Minin nimi 17:11

Muizu tɔ́n pɛ Aarɔn nɛ: «N da yon gìĩ kɔɔ̃n kaa ǹ màn lɛ saa, n tɛ nàn bɔ wúlu bɔ ǹ bǎã kɛ nɛ n kaa a nɛ, n da yon gìĩ kɔɔ̃n dɔ kaa a nɛ, n nə n nanaa n wo dɔ zaman lɛ li. N sii baraa sawaa ǹ wúlu bɔ zaman lɛ a lɛa, a giala Dɛnaa Lawa foo nə́ n da a lɛ la. Koe nə́ n giala kɔ gɔrɔ.»

Minin nimi 28:15

Ka bɛ dɔ nɛ, ǹ butumu goon baa sii baraa sawaa ǹ wúlu màn lɛa, ǹ da baraabaraa a wúlu màntiɛ̃ lɛ laanka a Lawa gɔ ǹ duvɛ̃ la.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.