Lawa a wúlu-bɔlen 15:5 - LAWA A BOO SONBORE

⁵ Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

LAWA A BOO SONBORE 2011

⁵ Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:5 Iomraidhean Croise

Loen 26:6

Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 36:29

Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa.

Lawa a wúlu-bɔlen 11:24

Màn yiikoonaan tɛnɛn tan, bɛ̀ min gɔn mɛ ǹ ganaa, maǹ *gɔ̀ diɛ ǹ dɛnaa ganaa. Bɛ̀ min sã á n gɔn da ǹ gere ganaa, a n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:25

Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:28

Bɛ̀ min mɛn dɔ nə́ ǹ mɛn gere saa, ǹ dɛnaa doamaa nɛ a na a mɔnaan pii, sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃. Ka ga bɛa mànan lɛn ganaa màn gɔgɔrɛn lɛa.

Lawa a wúlu-bɔlen 11:32

Bɛ̀ bɛa màn baaran lɛ mɛn gã, yǎa a gere mɛnaa màn woo màn la, bɛa màn lɛ n gɔgɔrɛ koe. Ta gɔn màn nɛ, ta mɔnaa nɛ, ta ki ni, ta takoo ne, ka ga bɛ ganaa màn gɔgɔrɛ lɛa, yǎa wasa woe miɛ̃. Ta maǹ dí woo dí nyɛɛ nɛ, yǎa ǹ diɛ mu li bɔrɔ a tɔn *yoreen koe.

Lawa a wúlu-bɔlen 13:34

A lɛawaa sɔbaabaa ǹ wɔ pinaa, wúlu-bɔle lɛ wusoo a ga a kɔ̀n-gɛ̀ lɛ ganaa. Bɛ̀ màn mɛ li wa, bɛ̀ a baa ka a n die wɔ̀lɔ̀ dɔ diɛ a gɔ̀nɔn ganaa wa, wúlu-bɔle lɛ pɛ mà á yoreene. Bɛ̀ a ná a mɔnaan pii lɔn gɔrɔ, ǹ dɛnaa na á yoreen kɔ.

Lawa a wúlu-bɔlen 13:6

Lɛawaa sɔbaabaa ǹ wɔ pinaa, wúlu-bɔle lɛ wusoo a ga a ganaa doo. A gɔ̀nɔn paǹ mɛn bɛ́ busi, bɛ̀ bɛ́ tii, bɛ̀ màn mɛ a busii li wa, wúlu-bɔle lɛ pɛ mà bɛa dɛnaa á yoreene: gɔ̀nɔn kokoree kooro ne. Ǹ dɛnaa na a mɔnaan dininsɔɔ̃nɔn pii, á die *yoreen koe.

Lawa a wúlu-bɔlen 14:27

A n gusin a gòon mìi gole a koamala sã bɛa nyɔɔ lɛ li walan, gunyin sɔbaa, bɛ̀ a pɛsɛ̃ kɔn yɛ ka Dɛnaa Lawa nɛ ǹ kion kɛ yɔrɔ-a.

Lawa a wúlu-bɔlen 15:18

Bɛ̀ lɔ giã kun ka giĩ ni, ǹ doamaa nɛ, ǹ nə n zoo. Sɛnɛ, maǹ goɛ̃ gɔ̀dɛnan lɛa, yǎa wasa woe miɛ̃.

Lawa a wúlu-bɔlen 15:4

Giĩ mɛn bɛ́, kii mu a da a din li ǹ busu ná a ganaa, bɛ̀ á waa piì mɛn la, bɛa piì lɛ dɔ n gɔgɔrɛ koe. Bɛ̀ á giã màn woo màn la, a n gɔgɔrɛ koe.

Lawa a wúlu-bɔlen 15:6

Busulə lɛ giã màn mɛn la, bɛ̀ min mɛn giã bɛa màn lɛ la, ǹ dɛnaa doamaa nɛ, a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 16:26

Min mɛn butumu lɛ loo á woo kɔ Azazeli la, bɛ doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 16:28

Min mɛn bɛ́ re ǹ tiɛ̃, bɛa dɛnaa doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 17:15

Min woo min, gána lɛ a min ni hinlaa gùli ni, bɛ̀ màn gã a din li, hinlaa don mànan man nə́ wɔ̃woɛ̃ kɔn, bɛ̀ ǹ mɛn bɛ sɔ̃, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃ a tɔn *yoreen koe.

Minin nimi 19:10

Min mɛn bɛ́ re dii dan ton lɛ goɛ, bɛa dɛnaa dɔ na a mɔnaan pii. A n goɛ̃ gɔ̀dɛnaa lɛa yǎa wasa miɛ̃. Bɛ n die goɛ̃ landa lɛa, a ba n bɔyɛɛ wa, á n Izirayeli minin lɛn mìi ni, ka gùli mɛn dɔ bɛ́ giã nɛ ǹ li.

Minin nimi 19:22

Bɛ̀ gɔ̀dɛnaa lɛ nə́ n gɔn da màn woo màn ganaa, bɛ n gɔgɔrɛ koe, bɛ̀ min mɛn dɔ nə́ n gɔn da gɔ̀dɛnaa lɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.»

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Samayeli1 20:26

Sɛnɛ, Sayulu boo kɔn da bɛa pinaa kɛ lɛ-n wa. A giala, a na á goã taasɛ, mà sii kɔn na á Davida yɛ. Mà a n die goɛ̃ nɛ a *yoreen wa.